Afbrot hinna efnameiri Flashcards
Hver hefur verið kallaður “ faðir bandarískrar afbrotafræði”?
Edwin Sutherland.
Hvað eru hvítflibbaafbrot?
Þau fela í sér misnotkun á valdastöðu til ólögmæts ávinnings.
Hverjir eru þolendur hvítflibbaafbrota?
Eigendur fyrirtækja, starfsfólk, viðskiptavinir, almenningur og náttúran.
Hvaða dæmi eru um hvítflibbaafbrot?
Ólögmætt samráð um verð, vörusvik og brot á lögum um einokun og hringamyndanir.
Hvað er tjón á siðferðisvitund?
Það felst í því að traust borgaranna á helstu stofnunum samfélagsins minnki.
Hvernig geta fyrirtæki valdið heilsutjóni eða dauða með viðskiptabrotum sínum?
Með óöruggum vinnuaðstæðum og hættulegum efnum, t.d. í námum og verksmiðjum, þau hafa valdið margvíslegum heilsukvillum og örkumlun starfsfólks. Sá skaði sem neytendur verða fyrir felst m.a. í gölluðum afurðum, hvort sem það er matvara, lyf eða bifreiðar.
Um hvað fjallar kenning Sutherlands um ólík félagstengsl?
Kjarni kenningarinnar er að afbrotahegðun sé lærð í samskiptum við aðila sem skilgreina brotahegðun sem jákvæða og eru einangraðir frá þeim sem telja hegðunina neikvæða. Einstaklingar muni því, ef aðstæður leyfa, taka þátt í brotahegðun ef vægi jákvæðrar afstöðu til brotanna vegur þyngra en vægi neikvæðrar afstöðu. Það er að segja að brotin lærist með samskiptum.
