FR1 - Soláthar Flashcards
(15 cards)
Mínigh soláthar.
An líon d’earra/seirbhís a chuirtear ar fáil ag praghas áirithe thar tréimhse faoi leith.
Cén tionchar atá ag cúrsaí ama ar sholáthar?
Ní féidir an soláthar d’earraí áirithe a mhéadú an-tapaidh: Glasraí mar shampla, caithfidh tú fanacht dóibh fás.
Céard é soláthar seasta?
Sa chás seo caithfear líon áirithe don earra a dhíol, beagbheann ar phraghas. Baineann seo le hearraí meatacha cosúil le glasraí, torthaí, éisc srl.
Céard é soláthar d’earraí le híosphraghas?
Le hearraí áirithe níl díoltóirí sásta iad a chur ar fáil má thiteann an praghas faoi leibheál áirithe. Taobh thíos den phraghas seo ní bheidh siad in ann brabús a dhéanamh.
Céard é soláthar nuair atá Uaschumas Táirgeachta i gceist?
Má ardaíonn an praghas ardóidh an soláthar. Le hearraí áirithe sroichfear pointe uaschumas táirgeachta. Ag an bpointe seo ní féidir leis na táirgeoirí níos mó a sholáthar de bharr easpa saothair, amhábhair srl.
Soláthar Aonair
Seo an líon d’earra atá díoltóir amháin sásta a chur ar fáil ag praghas áirithe thar tréimhse áirithe.
Soláthar an Mhargaidh
An líon d’earra atá an margadh sásta a chur ar fáil ag praghas áirithe thar tréimhse áirithe.
Éifeacht ar Sholáthar: Praghas ar…
Má athraíonn an praghas ar earraí eile suas, b’fhéidir go ndéanfadh an táirgeoir cinneadh an t-earra sin a tháirgeadh. Úsáidfidh sé na tosca táirgthe i mbealach gur féidir leis an t-uasmhéid brabúis a bhaint amach.
Éifeacht ar sholáthar: Costas….
Má thagann ardú ar na costais táirgthe (pá, cáin, amhábhair srl.) déanfar níos lú don earra sin a sholáthar ag an bpraghas céanna.
Éifeacht ar sholáthar: Teicneolaíocht Táirgeachta
Má thagann feabhas ar chúrsaí teicneolaíochta déanfar an próiséas táirgeachta níos éifeachtaí. Dá bhrí sin beifear in ann níos mó den earra a chur ar fáil ag an bpraghas céanna.
Bogadh v Gluaiseacht
Má athraíonn praghas an earra déanfar gluaiseacht suas nó síos ar an gcuar soláthair. Má athraíonn aon cheann de na tosca eile déanfar an cuar ina iomláine a bhogadh/athrú ar dheis nó ar chlé.
Praghas Cothromaíochta
An pointe ag a bhfuil Soláthar cothrom le hÉileamh. Sé sin an áit go dtagann an dá chuar trasna ar a chéile. Bíonn an margadh ag claonadh i dtreo an phointe seo.
Ró-Éileamh
Má tá an praghas ró íseal beidh an t-éileamh níos mó ná an soláthar agus déanfaidh iomaíocht idir tomhaltóirí an praghas a mhealladh suas.
Ró-Sholáthar
Má tá an praghas ró ard tá an soláthar níos mó ná an t-éileamh agus déanfaidh Iomaíocht idir díoltóirí an praghas a mhealladh síos.
Comhsholáthar
Nuair a dhéanann táirgeacht earra amháin, earra eile a tháirgeadh chomh maith.
