Pagkilala sa Iba't Ibang Akademikong Sulatin

Question 1

ito ay isang detalyadong pagsusuri ng mga merito, kalakasan at kahinaan, katotohanan, kagandahan, at iba pang aspekto ng isang akdang iskolarli, akdang pampanitikan, o likhang-sining.
Isang halimbawa nito ang rebyu ng pelikula

Answer 1

Kritik

Question 2

ito ay isang kalipunan ng mga panuto sa paggamit ng isang kasangkapan, pagpapairal ng isang proseso, at iba pa. Isang halimbawa nito ang manwal sa paggamit ng isang smartphone.

Answer 2

Manwal

Question 3

ito ay kalipunan ng mahahalagang datos na ibinabahagi sa isang pangkat o organisasyon.
Isang halimbawa nito ang ulat ng isang pangulo ng mga programa at proyektong naisakatuparan niya sa kaniyang panunungkulan.

Answer 3

Ulat

Question 4

ito ay isang akdang naglalaman ng sariling pananaw ng may-akda tungkol sa isang paksa. Isang halimbawa nito ang sanaysay na impormatibo, naratibo, deskriptibo, persuweysib, o argumentatibo.

Answer 4

Sanaysay

Question 5

ito ay isang artikulong naglalaman ng mahahalagang pangyayari na ngayon lamang naganap at mahalagang malaman ng madla. Isang halimbawa nito ang balita sa pahayagan tungkol sa isang bagong batas na ipinatupad ng pangulo.

Answer 5

Balita

Question 6

ito ay isang artikulong nagpapahayag ng sariling pananaw ng patnugot tungkol sa isang napapanahong isyu. Isang halimbawa nito ang editoryal tungkol sa bagong batas na ipinasa ng Kongreso.

Answer 6

Editoryal

Question 7

ito ay isang sangguniang aklat na naglalaman ng masusing impormasyon tungkol sa isang paksa. Isang halimbawa nito ang mga encylopedia sa silid-aklatan tungkol sa iba’t ibang paksa.

Answer 7

Encyclopedia

Question 8

ito ay isang saliksik na ginagawa ng isang mag-aaral sa kolehiyo o sa antas masterado bilang bahagi ng mga kahingian sa kaniyang programa. Karaniwan itong naglalaman ng panimula, mga kaugnay na pag-aaral at literatura, metodolohiya, presentasyon at interpretasyon ng mga datos, rekomendasyon, at talasanggunian. Isang halimbawa nito ang tesis tungkol sa bisa ng paggamit ng flipped classroom sa pagtuturo ng gramatika.

Answer 8

Tesis

Question 9

ito ay isang saliksik na ginagawa ng mag-aaral sa antas doktorado bilang ambag niya sa larangan. Inaasahan dito ang pagbuo niya ng sariling teorya. Isang halimbawa nito ang disertasyon na nagbubuo ng sariling teorya sa pagsasalin.

Answer 9

Disertasyon

Question 10

ito ay isang saliksik na binubuo ng ilang pahina na inilalathala sa isans dyornal o binabasa sa isang kumperensiya. Isang halimbawa nito ang papel-pananaliksik na inilalathala sa mga dyornal gaya ng Daluyan, Malay, Kritika at Kultura, Hasaan, at iba pa.

Answer 10

Papel-pananaliksik

Question 11

ito ay pagbasa at pagsusuri ng iba’t ibang saliksik o pag-aaral upang matukoy ang mga paksang hindi pa gaanong nagagawan ng pag-aaral; ang mga kaalamang di-nagrutugma sa mga ito; at ang mga temang karaniwan sa mga ito. Ginagamit din itong batayan nở paghahambing ng isang kaalaman.

Answer 11

Rebyu ng mga pag-aaral

Question 12

ito ay pagtutumbas ng isang teksto mula simulaang lengguwahe papunta sa. tunguhang lengguwahe na may pagsasaalang-alang sa nilalaman, estruktura, estilo, at kultura Isang halimbawa nito ang salin ng isang nobelang Ingles tungong Filipino.

Answer 12

Pagsasalin

Question 13

ito ay tala ng mga sanggunian na nagbibigay ng isang talatang paglalarawan o pagtataya sa bawat isa.

Answer 13

Anotasyon ng bibliograpiya

Question 14

isa itong papel na masusing tumatalakay sa isang suliranin at sa solusyong makatutugon dito. Ginagamit ito upang mahikayat ang mga mambabasa na tangkilikin ang solusyon, produkto, o serbisyong inihahain.

Answer 14

White Paper

Question 15

ito ay isang dokumentong naglalaman ng opisyal na impormasyon na gamit sa komunikasyon sa loob at labas ng isang kompanya, organisasyon, o institusyon.
Ilang halimbawa nito ang liham-aplikasyon, liham-pagbibitiw, liham-kahilingan, memorandum, adyenda ng pulong, at iba pa.

Answer 15

Korespondensiya opisyal

Question 16

ito ay talambuhay ng isang tao na siya mismo ang sumulat. Isang halimbawa nito ang autobiography ni Helen Keller.

Answer 16

Autobiography

Question 17

ito ay isang salaysay na nakatuon sa tiyak na yugto ng buhay ng tao.

Answer 17

Memoir

Question 18

ito ay isang papel na nagpapaliwanag ng panukalang saliksik o panukalang proyekto, lalo na kung hinihingan ito ng pagsang-ayon o ng pondo.

Answer 18

Konseptong papel

Question 19

ito ay panukalang saliksik na karaniwang naglalaman ng panimula, mga kaugnay na pag-aaral at literatura, at metodolohiya.

Answer 19

Mungkahing saliksik

Question 20

pagbibigay ng katuturan sa konsepto o termino. Halimbawa, ang pormal na depinisyon ng “kalayaan,” mga salitang kasingkahulugan nito, at etimolohiya o pinanggalingan ng salitang ito.

Answer 20

Depinisyon

Question 21

pag-uuri o pagpapangkat ng anuman na nabibilang sa isang uri o klasipikasyon. Halimbawa, pag-iisa-isa ng mga uri ng turista at paglalarawan sa bawat isa.

Answer 21

Enumerasyon

Question 22

kronolohiya ng mga pangyayari o proseso. Halimbawa, kronolohiya ng mga pangyayari sa Pilipinas mula 1896 hanggang 1898; proseso sa pagluluto ng adobo; at pagkakasunod-sunod ng mga pangyayari na nagdulot sa paglubog ng barkong MV Doña Paz noong 1987.

Answer 22

Pagsusunod-sunod

Question 23

pagtatanghal ng pagkakatulad o pagkakaiba ng mga tao (Benigno Aquino III at Gloria Macapagal-Arroyo), lugar (Coron at El Nido), pangyayari (EDSA I, EDSA II, at EDSA III), konsepto (katarungan at hustisya), at iba pa.

Answer 23

Pagtatambis ng Paghahambing at Pag-iiba

Question 24

paglalahad ng mga dahilan ng pangyayari o bagay at ang kaugnay na epekto nito. Halimbawa, pagsusuri sa sanhi at bunga ng lumalaking populasyon sa bansa

Answer 24

Sanhi at Bunga

Question 25

paglalahad ng mga suliranin at pagbibigay ng mga posibleng lunas sa mga ito. Halimbawa, ang suliranin ng bansa sa polusyon sa mga anyong-tubig nito at ang mga kongkretong lunas dito.

Answer 25

Problema at Solusyon

Question 26

paglalahad ng positibo at negatibong katangian ng isa o higit pang bagay, sitwasyon, o pangyayari. Halimbawa, mga kalakasan at kahinaan ng programang K to 12 sa sistema ng edukasyon sa Pilipinas.

Answer 26

Kalakasan at Kahinaan