Struktuur 2 Flashcards
(19 cards)
Wat is strukture?
Strukture is dinge wat gebou of natuurlik gevorm is om ondersteuning, beskerming of verbinding te bied. Ons woon daarin, gebruik dit en sien dit oral rondom ons.
Waar kom strukture voor?
Strukture is oral – in die natuur (bv. ’n spinnekopweb) en in die mensgemaakte wêreld (bv. geboue, brûe, motors).
Hoe gebruik mense natuurlike strukture?
Ontwerpers, argitekte en ingenieurs kopieer strukture uit die natuur om praktiese probleme op te los.
Noem 4 doele van strukture.
- Om dinge binne en bymekaar te hou.
- Om iets te beskerm teen skade.
- Om iets regop te hou of te ondersteun.
- Om ruimte tussen voorwerpe te oorbrug (verbind).
Van watter materiale word strukture gemaak?
Verskillende strukture word van verskillende materiale gemaak, afhangend van hul doel – soos hout, staal, beton of natuurlike materiale.
Watter twee hoofsoorte strukture is daar?
Natuurlike strukture en mensgemaakte strukture.
Wat is ’n natuurlike struktuur?
‘n Struktuur wat nie deur mense gebou is nie, maar natuurlik gevorm is.
Noem 3 voorbeelde van natuurlike strukture.
Rysmierhoop, voëlnes, seeskulp, rotse.
Wat is ‘n mensgemaakte struktuur?
‘n Struktuur wat deur mense ontwerp en gebou is vir ‘n spesifieke doel.
Noem 3 voorbeelde van mensgemaakte strukture.
Koppie, huis, toring, stoel.
Noem die drie basiese soorte strukture.
Dopstrukture, raamstrukture en soliede strukture.
Wat is ’n dopstruktuur?
‘n Struktuur waarvan die sterkte in die dop of buitekant lê. Dit hou vloeistowwe of klein stukkies goed binne.
Noem voorbeelde van dopstrukture.
– Natuurlik: hoendereier, volstruiseierdop
– Mensgemaak: koffiebeker, sak rys, sokkerbal
Wat is ‘n raamstruktuur?
‘n Struktuur wat uit verskillende onderdele bestaan wat saamgevoeg is om dit sterk te maak.
Noem voorbeelde van raamstrukture.
– Natuurlik: spinnerak
– Mensgemaak: fiets, leer
Wat is ‘n soliede struktuur?
‘n Struktuur wat uit een stuk materiaal bestaan, sonder oop spasies of dele wat saamgevoeg is.
Noem voorbeelde van soliede strukture.
– Natuurlik: klip
– Mensgemaak: baksteen, sementpaal
Wat is ‘n saamgestelde struktuur?
‘n Struktuur wat uit meer as een tipe struktuur bestaan – dop, raam én solied.
Gee ’n voorbeeld van ‘n saamgestelde struktuur.
– ‘n Huis:
• Solied: bakstene en dakteëls
• Dop: kamers
• Raam: dakkappe
