Vændi og valdleysi Flashcards
Hvað er vændi?
Algengasta skýringin er sú athöfn að selja blíðu sína fyrir peninga eða einhver önnur gæði. En þessi skilgreining gæti verið of víð og nær ekki nógu vel utan um það sem við teljum vændi og virðumst sammála um að fordæma eða vilja feigt.
Hver er skilgreining fræðimanna á vændi?
Að vændi felist í því að einstaklingur eða einstaklingar bjóði ókunnugum kynlífsþjónustu af ýmsu tagi fyrir gæði sem reidd eru fram við það tækifæri. Þetta er mjög breið skilgreining.
Af hverju myndi það teljast rökréttara að rannsaka karla sem kaupa vændi heldur en vændiskonur?
Af því að meirihluti þeirra sem tengjast vændi eru karlar. Ein vændiskona þjónustar marga karla og karlar selja sig mestmegnis öðrum körlum. Margir karlar eru í kringum hverja vændiskonu, t.d. melludólgar. Auðvelt er því að halda því fram að vændi myndi aldrei þrífast nema fyrir tilstilli þeirra.
Hverjar eru ólíkar tegundir vændis?
Á botni vændisbransans eru yfirleitt konur sem bjóða þjónustu sína á götunni. Ofar í virðingastiga vændisheimsins eru konur sem starfa á börum, oft að hluta til sem þjónustustúlkur eða nektardansmeyjar. Enn ofar eru svo vændiskonur á nuddstofum eða í einkarekstri með fasta kúnna og þær sem starfa á vegum hótela eða í tengslum við svokallaða fylgdarþjónustu.
Hvaða staðalmyndir um vændi eru í samfélaginu?
Sú skoðun er algeng vestra að flestar vændiskonur hafi verið þvingaðar út í starfsemi af þessu tagi. Það hreinlega geti ekki átt sér stað að konur velji sér þessa iðju. Önnur staðalmynd sem tengist þeirri ímynd að vændi sé nauðung og að vændiskonur séu fórnarlömb birtist í því að þær hljóti allar að sjá mjög mikið eftir því að hafa leiðst út í vændi. Önnur algeng skoðun er að flestar vændiskonur séu ofurseldar fíkniefnum eða öðrum vímuefnum. Sú ánetjun sé meginorsök þess að þær séu í vændi. Þær þurfi beinlínis að selja sig til að eiga fyrir næsta skammti.
Hvað er “White slavery”?
Það að flestar konur hafi verið þvingaðar til vændis.
Hvaða ástæður eru fyrir því að konur stunda vændi?
Algeng skýring meðal vændiskvenna sjálfra er að þær séu að leita sér að fjárhagslegu sjálfstæði þegar aðrir möguleikar á sambærilegum tekjum séu ekki eins aðgengilegir. Önnur skýring sem heyrist oft er að vændi sé einfaldlega þjónusta sem þörf sé á í samfélaginu. Önnur útskýring er að reynsla af því að byrja að stunda kynlíf fyrr en kynsystur sínar eða þær sem hafa verið misnotaðar er einkennandi fyrir konur sem selja sig. Konur í þessari stöðu eru oft nauðbeygðar til að stunda vændi.
Hvað er siðferðisglæpur?
Verknaður sem brýtur í bága við lög sem hafa það hlutverk að framfylgja siðferði “meirihlutans”.
Hvað eru glæpir án fórnarlamba?
Verknaður sem brýtur gegn téðum siðferðislögum, særa meirihlutann en “skaða ekki fólk”.
