PAGSULAT

Question 1

Ito ay nagsisilbing behikulo upang maisatitik ang mga kaisipan, kaalaman, damdamin, karanasan, impormasyon at iba pang nais ilahad ng isang taong sumulat.

Answer 1

Wika

Question 2

Ito ay nagsisilbing pangkalahatang iikutan ng mga ideyang dapat mapaloob sa akda.

Answer 2

Paksa

Question 3

Ito ay nagsisilbing giya mo sa paghahabi ng mga datos o nilalaman ng iyong isusulat

Answer 3

Layunin

Question 4

Upang mailahad ang kaalaman at kaisipan ng manunulat batay narin sa layunin o pakay ng pagsusulat.

Answer 4

Pamamaraan ng pagsulat

Question 5

Dapat taglayin ng manunulat ang kakayahang mag-analisa o magsuri ng mga datos na mahalaga o hindi gaanong mahalaga, o maging ng mga impormasyong dapat isama sa akdang isusulat.

Answer 5

Kasanayang pampag-iisip

Question 6

Dapat isaalang-alang sa pagsulat ang sapat na kaalaman sa wika at retorika partikular sa wastong paggamit ng Malaki at maliit na titik, wastong pagbabaybay, paggamit ng bantas, pagbuo ng makabuluhang pangungusap, pagbuo ng pangungusap, pabuo ng talata, at masining at obhetibong pagahabi ng mga kaisipan upang makabuo ng isang mahusay na sulatin

Answer 6

Kaalaman sa wastong pamamaraan ng pagsulat

Question 7

Tumutukoy ito sa kakayahang mailatag ang mga kaisipan at impormasyon sa isang maayos , organisado, obhetibo at masining na pamamaraan mula sa panimula ng akda o komposisyon hanggang sa wakas nito.

Answer 7

Kasanayan sa paghabi ng buong sulatin

Question 8

Pamamaraan ng pagsulat

Answer 8

Pamamaraang Impormatibo
Pamamaraang Ekspresibo
Pamamaraang Naratibo
Pamamaraang Deskriptibo
Pamamaraang Argumentatibo

Question 9

Mga gamit o Pangangailangan sa Pagsulat

Answer 9

Wika
Paksa
Layunin
Pamamaraan ng pagsulat
Kasanayang pampag-iisip
Kaalaman sa wastong pamamaraan ng pagsulat
Kasanayan sa paghabi ng buong sulatin

Question 10

Ito ay mga sulating may malinaw na daloy at ugnayan ng pangunahing paksa at detalyadong pagtalakay ng balangkas ng paksa. May sinusunod na proseso ang pagsulat at laging gingamit dito ang ikatlong panauhan sa pagsulat ng teksto.

Answer 10

Pormal

Question 11

Ito ay mga sulatin na malaya ang pagtalakay sa paksa, magaan ang pananalita, masaya at may pagkapersonal na parang nakikipag-usap lamang sa mga mambabasa.

Answer 11

Di-Pormal

Question 12

May mga iskolarling papel na gumagamit ng tala o istilo ng pagsulat ng jornal, liham at iba pang personal na sulatin kaya posibleng magkaroon ng kumbinasyon ng pormal at di-pormal na uri ng pagsulat.

Answer 12

Kumbinasyon

Question 13

Iba’t- Ibang uri ng pagsulat

Answer 13

Pormal
Di- Pormal
Kumbinasyon

Question 14

Pangunahing layunin nitong maghatid ng aliw, makapukaw ng damdamin, at makaantig sa imahinasyon at isipan ng mambabasa.

Answer 14

Malikhaing Pagsulat

Question 15

Ito ay ginagawa sa layuning mapag-aralan ang isang proyekto o kaya naman bumuo ng isang pag-aaral na kailangan para lutasin ang isang problema o suliranin.

Answer 15

Teknikal na Pagsulat

Question 16

Ito ay may kinalaman sa sulating may kinalaman sa isang tiyak na larangang natutuhan sa akademya o paaralan.

Answer 16

Propesyunal na Pagsulat

Question 17

Karaniwang bunga ng malikot na isipan ng sumulat na maaring batay sa tunay na pangyayari kaya naman ay bunga ng imahinasyon.

Answer 17

Malikhaing Pagsulat

Question 18

Bibigyang pansin nito ang paggawa ng mga sulatin o pag-aaral tungkol sa napiling propesyon o bokasyon ng isang tao.

Answer 18

Propesyunal na Pagsulat

Question 19

Ito ay may kinalaman sa sulating may kaugnayan sa pamamahayag.

Answer 19

Dyornalistik na Pagsulat

Question 20

Layunin ng sulating ito na bigyang pagkilala ang mga pinagkunang kaalaman o impormasyon sa paggawa ng konseptong papel, tesis at desertasyon.

Answer 20

Referensyal na Pagsulat

Question 21

Ito’y isang intelektuwal na pagsulat.

Answer 21

Akademikong Pagsulat

Question 22

Ang gawaing ito ay nakatutulong sa pagpapataas ng kaalaman ng isang indibidwal sa iba’t ibang larangan.

Answer 22

Akademikong Pagsulat

Question 23

Mga Uri ng Pagsulat

Answer 23

Malikhaing Pagsulat
Teknikal na Pagsulat
Propesyunal na Pagsulat
Dyornalistik na Pagsulat
Referensyal na Pagsulat
Akademikong Pagsulat

Question 24

Ayon kay…..naituturo ang pagsulat sapagkat hindi naman namamana ang kakayahang ito. Pinag-aaralan sa kolehiyo ang proseso ng pagsulat upang maging epektibo at makabuluhan ang gawaing pang-komunikatibo at pang-akademiko.

Answer 24

Isagani R. Cruz

Question 25

Ang mga sulating papel sa kolehiyo’y nagmumula sa isa o maraming tanong. Hindi ganap ang pagtatanong lamang kung kaya’t ang mausisang isipan ang nagbibigay-daan para makahanap ng sagot sa tanong. Ang pag-uusisa ang pangunahing simula ng isang masinop na pananaliksik.

Answer 25

Pagtatanong at Pag-uusisa

Question 26

Habang wala pang tiyak na balangkas at daloy ng pagtalakay sa pagsang susulatin, naghahain muna ng haka-haka ang manunulat. Maaaring sulatin niya sa kanyang scrapbook o kwaderno ang mga posibleng ugat ng kahirapan, katiwalian, pagkawasak ng moral na pundasyon ng pamilya, o ang kultura ng kapabayaan at walang pakialaman.

Answer 26

Pala-Palagay

Question 27

Kailangang maipokus ng manunulat ang saklaw ng pananaliksik na gagawin. Ito ang yugto na tatangkain ng manunulat na ayusin ang panimulang datos, pala-palagay at iba pang impormasyon para makabuo ng balangkas.

Answer 27

Inisyal na pagtatangka

Question 28

Kung handa na ang lahat ng sanggunian at maayos na ang daloy ng paksa at detalye ng paksa ayon sa balangkas nito, maaring sulatin na ang unang borador.Dito na ibubuhos ng manunulat ang kanyang kasanayan, kaalaman at kakayahan upang mabuo ang papel.

Answer 28

Pagsulat ng unang borador

Question 29

Kung tapos na ang unang borador, muli’t mulingbabasahin ito para makita ang pagkakamali sa ispeling, paggamit ng salita, gramatika at ang daloy ng pagpapahayag, impormasyon at katwirang nakapaloob sa komposisyon.

Answer 29

Pagpapakinis ng papel

Question 30

Kapag nasuyod nang mabuti ang teknikal na bahagi at nilalaman ng papel, pwede nang ipasa at ipabasa ito sa guro o sa iba pang babasa’t susuri nito.

Answer 30

Pinal na papel

Question 31

Proseso ng Pagsulat

Answer 31

Pagtatanong at Pag-uusisa Pala-Palagay Inisyal na pagtatangka Pagsulat ng unang borador Pagpapakinis ng papel Pinal na papel

Question 32

Naglalaman ito ng titulo o pamagat ng papel; pangalan ng sumulat, petsa ng pagkasulat o pagpasa, at iba pang impormasyon na maaaring tukuyin ng guro.

Answer 32

Titulo o Pamagat

Question 33

Karaniwang isinasaad dito ang paksa, kahalagahan ng paksa, dahilan ng pagsulat ng paksa at pambungad na talakay sa daloy ng papel.

Answer 33

Introduksyon o Panimula

Question 34

Dito matatagpuan ang mga pangunahing pagtalakay sa paksa. Ang pangangatwiran, pagpapaliwanag, pagsasalaysay, paglalarawan at paglalahad ay matatagpuan sa bahaging ito.

Answer 34

Katawan

Question 35

Dito nilalagom ang mga mahahalagang puntos ng papel.Isinasaad din sa bahaging ito ang napatunayan o napag-alaman batay sa paglalahad at pagsusuri ng mga impormasyong ginamit sa papel o sa pananaliksik.

Answer 35

Kongklusyon

Question 36

Organisasyon ng teksto

Answer 36

Titulo o Pamagat Introduksyon o Panimula Katawan Kongklusyon