Fiela se Kind Eksamen Vrae - Tweede Bedryf - Toneel 6

Question 1

FIELA: Se moer. (Klop by ʼn ander deur)
Hoekom is die gebruik van die kragwoord hier effektief?

Answer 1

Om te beklemtoon dat Fiela haar deur niks gaan laat stop om die magistraat te sien nie.

Question 2

Hoe het Fiela na die magistraat verwys?

Answer 2

Salomo.

Question 3

Dink jy Fiela het besef dat sy besig was om met die magistraat te praat? Gee ʼn rede vir jou antwoord.

Answer 3

Nee, want as sy geweet het sou sy nie so aanvallend gewees het nie/sy sou nederiger gewees het.

Question 4

Hoe het Fiela die magistraat aangespreek toe sy besef het met WIE sy praat?

Answer 4

“weledele heer”

Question 5

Hoekom was dit aanvaarbaar van Fiela om na die magistraat as Salomo te verwys?

Answer 5

Hy het soos Salomo destyds besluit wat met die kind moes gebeur.

Question 6

Wat was die eerste vraag wat Fiela aan die magistraat gestel het?

Answer 6

Hoekom net een vrou laat kom is toe die kind deurgesny moes word.

Question 7

Watter waarskuwing het die magistraat aan Fiela gerig?

Answer 7

Hy gaan haar laat arresteer.

Question 8

Waarom kon die magistraat, volgens Fiela, haar nie laat arresteer nie?

Answer 8

Hy kon haar nie laat arresteer nie omdat sy net kom uitvind het wat met haar kind gebeur het.

Question 9

Hoe het Fiela reageer toe sy uitgevind het dat sy nog die hele tyd met die magistraat gepraat het?

Answer 9

Sy het na haar asem gesnak. Hom dan met respek aangespreek as “weledele heer”.

Question 10

Waarom wou die magistraat nie die saak verder met Fiela bespreek nie?

Answer 10

Volgens hom is die saak afgehandel – die kind is aan sy regte ouers terugbesorg.

Question 11

Waarom was Fiela vasbeslote dat Benjamin nie die Van Rooyen-kind kon wees nie?

Answer 11

ʼn Kind van 3 jaar oud kan nie van agter die Bos tot in die Lange Kloof loop nie.

Question 12

Wat het die magistraat Fiela herhaaldelik geantwoord aangesien hy nie vir haar ʼn ander aanvaarbare antwoord gehad het nie?

Answer 12

Die saak is afgehandel.

Question 13

Hoekom het die magistraat geglo dat hy die regte besluit gemaak het? Gee TWEE redes.

Answer 13

Die Bosvrou het hom dadelik tussen 4 ander seuns as haar eie uitgeken. Daar was ʼn getuie.

Question 14

Wie was die getuie na wie die magistraat verwys het?

Answer 14

Die konstabel.

Question 15

Wat sal God die mens nooit vergewe nie?

Answer 15

Die kwaad wat aan ʼn kind gedoen word.

Question 16

Wat het Fiela gedink kon die rede gewees het waarom die Bosvrou dadelik Benjamin as haar eie uitgeken het?

Answer 16

Geluk.

Question 17

Met watter strikvraag wou Fiela hê, moes die magistraat vir Barta konfronteer?

Answer 17

Hy moes die Bosvrou vra watter klere die kind aangehad het die dag van sy verdwyning.

Question 18

Hoekom het die magistraat gevoel dat die klere geen verskil sou maak nie?

Answer 18

Fiela kon ook gejok het oor die klere.

Question 19

Hoekom kon Fiela nie vir die magistraat enige fisiese bewyse van die klere gee nie?

Answer 19

Dit is opgevreet die jaar tydens die kriekeplaag.

Question 20

Hoe het Fiela aan die magistraat probeer bewys dat sy goed vir Benjamin kon sorg?

Answer 20

Vir hom genoem dat sy die Laghaans se grond gaan koop en dit op Benjamin se naam gaan sit.

Question 21

Dink jy Fiela het die waarheid gepraat? Gee ʼn rede vir jou antwoord.

Answer 21

Ja. Fiela is ʼn gelowige mens en sy het gesê dat sy op die Grootboek sal sweer.

Question 22

Waarna verwys die Grootboek?

Answer 22

Die Bybel.

Question 23

Wat het Fiela gedoen toe sy besef het dat die magistraat onversetlik in sy besluit was?

Answer 23

Sy smeek hom om vir haar te sê by watter mense Benjamin is.

Question 24

Waarmee het die magistraat Fiela gedreig om haar van Benjamin af weg te hou?

Answer 24

Hy sou aan die magistraat op Uniondale skryf om Fiela te laat dophou. Om stappe teen haar te neem as sy enige moeilikheid veroorsaak.

Question 25

Beskryf Fiela se emosies toe sy deur die magistraat belet is om enige kontak met Benjamin te maak? Gee slegs TWEE woorde.

Answer 25

Verslaentheid
Magteloosheid

Question 26

Dink jy die magistraat verdien enige simpatie van die leser se kant af? Motiveer jou antwoord.

Answer 26

Ja – Hy het gedoen wat reg was volgens die wet want die vrou het die kind dadelik tussen 4 ander seuns as haar eie uitgeken/
Nee – Hy kon Fiela ook ingeroep het en albei kante van die saak oorweeg het.