Selfbeeld

Question 1

Verduidelik wat selfbeeld is en noem drie maniere waarop jou selfbeeld jou gedrag of prestasie op skool kan beïnvloed.

Answer 1

Selfbeeld is die beeld wat jy van jouself het. Dit sluit in hoe jy oor jou voorkoms, vermoëns en persoonlikheid voel.
• As jy ‘n positiewe selfbeeld het, sal jy glo jy kan sukses behaal en dus beter presteer.
• Jy sal meer gemotiveerd wees om doelwitte te stel.
• Jy sal foute makliker hanteer en minder bang wees om nuwe dinge te probeer.

Question 2

Beskryf vyf tekens van ‘n positiewe selfbeeld.

Answer 2

1. Jy lewer dikwels positiewe kommentaar aan en oor ander.
2. Jy vind dit maklik om vriende te maak.
3. Jy glo jy kan suksesvol wees en presteer beter op skool.
4. Jy stel doelwitte en werk hard om dit te bereik.
5. Jy hanteer teleurstellings en mislukkings beter.

Question 3

Noem en verduidelik drie praktiese maniere waarop jy jou selfbeeld kan verbeter.

Answer 3

1. Wees dankbaar: Skryf daagliks iets neer waarvoor jy dankbaar is – dit help jou om op positiewe dinge te fokus.
2. Aanvaar jouself: Erken jou foute en swakpunte, maar fokus op jou sterk punte.
3. Vermy vergelykings: Moenie jouself met ander vergelyk nie – elke persoon is uniek met sy eie talente.

Question 4

Vraag:
Verduidelik die vyf fundamentele beginsels wat jou kan help om ’n positiewe selfbeeld te vorm. Gebruik jou eie woorde en gee ’n voorbeeld van een beginsel wat jy in jou eie lewe kan toepas.

Answer 4

Antwoord:
1. Jy is ’n wonderwerk: Jy is uniek en spesiaal, met jou eie sterkpunte.
2. Aanvaar jouself: Jy moet jouself liefhê, al maak jy foute of is jy nie perfek nie.
3. Leef in die oomblik: Fokus op vandag en doen jou beste, eerder as om bekommerd te wees oor die verlede of toekoms.
4. Dink positief: As jy goed oor jouself dink, sal jy ook goed voel en optree.
5. Versprei positiewe energie: Wees vriendelik en help ander om ook goed oor hulself te voel.