Sosiale Media Flashcards
(32 cards)
Wat is ‘n boelie?
‘n Boelie is iemand wat ander kinders afknou deur hulle fisies te pynig – soos slaan, skop, spoeg of hul besittings te steel of te breek.
Wat is die verskil tussen ‘n boelie en ‘n kuberboelie?
‘n Boelie teister ander fisies en in persoon, terwyl ‘n kuberboelie iemand aanlyn emosioneel afknou sonder om fisies teenwoordig te wees.
Wat is kuberafknouery?
Dis wanneer iemand aanhoudend en opsetlik ander emosioneel teister of skade berokken deur digitale platforms soos sosiale media, boodskappe of forums.
Waarom is kuberboelie soms erger as fisiese boelie?
Dit veroorsaak emosionele wonde wat langer neem om te genees en nie fisies gesien kan word nie, soos byvoorbeeld ‘n blou oog.
Noem vier maniere waarop kuberboelie kan plaasvind.
- SMS- en WhatsApp-boodskappe
- Sosiale platforms soos TikTok en X
- Aanlyn speletjiegemeenskappe
- Aanlyn forums of boodskapborde
Watter groepe word dikwels geteiken deur kuberafknouery?
Minderheidsgroepe soos die LGBTQIA+-gemeenskap word dikwels geteiken met haatspraak of diskriminasie aanlyn.
Wat is teistering (harassment) aanlyn?
Aanhoudende en aanstootlike boodskappe of dreigemente wat iemand herhaaldelik aanlyn aanval of verneder.
Wat is aggressiewe beledigings (flaming)?
Openbare, emosioneel gelaaide beledigings of vloekwoorde aanlyn wat iemand seermaak en aanhits.
Wat is kuberuitsluiting (exclusion)?
Wanneer iemand doelbewus van ‘n groep of aanlynaktiwiteit uitgesluit word om hom of haar seer te maak of verneder.
Wat is die verspreiding van persoonlike inligting (doxing)?
Wanneer privaat of persoonlike inligting van iemand sonder hul toestemming aanlyn gedeel word om hulle skade aan te doen.
Wat is bedreiging in kuberafknouery?
Dreig om iemand skade aan te doen, fisies of emosioneel, wat vrees of angs by die slagoffer veroorsaak.
Wat is nabootsing (impersonation)?
As iemand voorgee om iemand anders te wees aanlyn, dikwels om die persoon se reputasie te beskadig.
Wat is digitale monitering (fraping)?
Wanneer iemand sonder toestemming op iemand anders se sosiale profiel aangaan en vals of verleentheid-inhoud plaas.
Wat beteken naamskending of laster?
Wanneer iemand onwaarhede of leuens oor ‘n ander persoon versprei om hul reputasie te vernietig.
Wat is verromming (masquerading)?
Wanneer ‘n boelie ‘n valse identiteit aanneem om anoniem iemand te teister of skade aan te doen.
Wat doen die kuberstalker (cyberstalker)?
Hy of sy monitor en volg die slagoffer herhaaldelik aanlyn op verskeie platforms, wat vrees en onveiligheid veroorsaak.
Noem drie tekens dat iemand dalk aan kuberboelie blootgestel word.
• Skielike verlies aan belangstelling in fone of sosiale media.
• Emosionele reaksies na die gebruik van hul toestel.
• Vermy sekere aktiwiteite of vriende.
Hoe kan jy weet of iemand ’n slagoffer is van aanlyn boelie?
As die persoon angstig, kwaad of hartseer lyk na gebruik van hul foon of rekenaar, of as hulle hulself onttrek en nie meer aktief is nie.
Noem twee emosionele gevolge van kuberafknouery.
• Depressie
• Angs
Wat is die impak van kuberboelie op selfbeeld?
Slagoffers begin glo hulle is nie goed genoeg nie en hul selfbeeld word afgebreek deur negatiewe kommentaar.
Hoekom raak kinders wat geboelie word geïsoleer?
Hulle hou op om aan sosiale of buitemuursaktiwiteite deel te neem en trek hulself terug van ander mense.
Hoe beïnvloed kuberboelie konsentrasie op skool?
Die slagoffer kan nie op take fokus nie omdat hul gedagtes vol angs of bekommernisse is.
Wat is die verband tussen kuberboelie en woede?
Party kinders, veral seuns, reageer met woede of aggressie as gevolg van die emosionele pyn wat hulle ervaar.
Wat beteken dit as iemand gevoelens van hulpeloosheid ervaar?
Hulle voel daar is niks wat hulle kan doen om die situasie te verander nie, en dit lei tot moedeloosheid of depressie.
