Gr12 Organiese Chemie Flashcards
Definieer organiese molekule
Dit is ‘n molekule wat koolstofatome bevat.
Wat is ‘n Molekulêre formule
‘n Chemiese formule wat die tipe atome en die korrekte getal van elk in ‘n molekuul aandui.
Wat is ‘ n Struktuurformule
‘n Struktuurformule van ‘n verbinding toon aan watter atome aan mekaar gebind is in die molekuul. Atome word voorgestel deur hul chemiese simbole en lyne word gebruik om ALLE bindings wat atome bymekaar hou, aan te toon.
Wat is ‘n Gekondenseerde struktuurformule
Hierdie notasie toon die wyse aan waarop atome aan mekaar gebind is in die molekuul, maar toon NIE ALLE BINDINGSLYNE NIE.
Wat is ‘n Koolwaterstof
dit is ‘n Organiese verbinding wat slegs uit waterstof en koolstof bestaan.
Wat is ‘n Homoloë reeks
‘n Reeks organiese verbindings wat deur dieselfde algemene formule beskryf kan word OF waarin die een lid van die volgende verskil met ‘n CH2- groep.
Wat is Versadigde verbindings
Verbindings waarin daar geen meervoudige bindings tussen C-atome in hul koolwaterstofkettings is nie.
Wat is Onversadigde verbindings
Verbindings waarin een of meer meervoudige bindings voorkom tussen C-atome in hul koolwaterstofkettings.
Wat is ‘n Funksionele groep
‘n Binding of ‘n atoom of ‘n groep atome wat die fisiese en chemiese eienskappe van ‘n groep organiese verbindings bepaal.
Definieer ‘n Struktuurisomeer
Organiese molekule met dieselfde molekulêre formule, maar
verskillende struktuurformules.
Definieer Ketting-isomere
Organiese verbindings met dieselfde molekulêre formule, maar verskillende tipes kettings,
bv. butaan en 2-metielpropaan.
Definieer Posisionele isomere
Dieselfde molekulêre formule, maar verskillende posisies van die syketting, substituente of funksionele groepe op die stamketting
Definieer Funksionele isomere
Dieselfde molekulêre formule, maar verskillende funksionele groepe
