Fiela se Kind Eksamen Vrae - Eerste Bedryf - Toneel 4

Question 1

Waarom kon Fiela nie aalwee tap soos sy beplan het nie?

Answer 1

Die Noordwestewind het te erg gewaai.

Question 2

Hoekom, dink jy, was Benjamin baie bly toe hy gehoor het hulle gaan nie veld toe nie?

Answer 2

Dan kan hy met sy skuitjies speel.

Question 3

Wat moes Benjamin doen voor hy kon gaan speel?

Answer 3

Werf vee.
Die hoenderhok help skoonmaak.

Question 4

Dink jy Benjamin tree op net soos enige ander kind?

Answer 4

Ja. Kinders wil eerder speel as werk.

Question 5

Fiela het ander werk aan die kinders uitgedeel.
Watter opdrag het Kittie en Emma onderskeidelik gekry?

Answer 5

Kittie moet koffie maak.
Emma moet seep wegvat vir miss Baby.

Question 6

Wie het die skuld gekry vir die seep wat nie so goed gelyk het nie?

Answer 6

Benjamin.

Question 7

Hoekom het Kittie Benjamin blameer?

Answer 7

Hy het in die seeppot geroei in plaas van roer.

Question 8

Kittie is nie baie fluks/hardwerkend nie.
Stem jy saam met die stelling? Gee TWEE voorbeelde om jou antwoord te motiveer.

Answer 8

Ja. Sy slaap onder ʼn bos wanneer sy moet help om die volstruise in die veld op te pas.
Sy het nie die seep help roer toe dit haar beurt was nie.

Question 9

Fiela gee Emma nog ʼn opdrag. Wat was dit?

Answer 9

Om meel by die winkel te gaan koop.

Question 10

Fiela bestuur haar huishouding soos ʼn diktator.
Hoekom is die stelling WAAR?

Answer 10

Sy sê wat elkeen moet doen en almal moet net spring.

Question 11

Wat het Fiela beplan om te doen nadat almal hulle take voltooi het?

Answer 11

Om Pollie by Skopper in te jaag.

Question 12

Hoekom sou Tollie nie kon help nie?

Answer 12

Hy het sy been seergemaak.

Question 13

Hoekom het Fiela met Benjamin geraas?

Answer 13

Hy het sy mond vol brood gestop.

Question 14

Hoekom mag Benjamin dit nie doen nie?

Answer 14

Dit is slegte/swak maniere.

Question 15

Selling het ellendig gelyk. Waaroor het Selling gekla?

Answer 15

Die wêreld draai om hom.

Question 16

Noem die medisyne wat Fiela hom gegee het om te drink.

Answer 16

Bakbossietreksel.

Question 17

Hoekom kon Selling, volgens Fiela, nie die week siek wees nie?

Answer 17

Rossinski kom en Selling moet nog die karwatse en velle klaarmaak.

Question 18

Fiela is streng maar regverdig.
Hoekom sou jy sê die stelling is WAAR?

Answer 18

Tollie het sy been seergemaak en sy laat hom nie toe om met die seer
been te werk nie. Hy moet eerder rus.

Question 19

Watter nuus het die sensusopnemers gebring?

Answer 19

Mister Goldsbury, die nuwe magistraat op Knysna, wil Benjamin sien.

Question 20

Wat was die naam van die nuwe Magistraat?

Answer 20

Mister Goldsbury.

Question 21

Hoe het Fiela op die nuus van die mans reageer?

Answer 21

Sy het gesê die magistraat kon Benjamin by haar huis kom sien.

Question 22

Watter dag van die week het die sensusopnemers weer by Fiela se huis opgedaag?

Answer 22

Woensdag.

Question 23

Wie gaan ook by die hof wees saam met Benjamin?

Answer 23

Barta van Rooyen.

Question 24

Waaruit kan die leser aflei dat die Dikke klaar besluit het dat Benjamin
die kind van die van Rooyens was?

Answer 24

Hy het gesê die kind se ma sal ook die Vrydag in die hof wees.

Question 25

Wat het Fiela gevoel moes die magistraat en die bosvrou doen?

Answer 25

Hulle kan op Wolwekraal na Benjamin kom kyk.

Question 26

Wat het Fiela aangebied om te doen wat die mans dadelik afgeskiet het?

Answer 26

Om Benjamin self Knysna toe te vat.

Question 27

Waarom sou Fiela, volgens die Lange, Benjamin nie self Knysna toe kon neem nie?

Answer 27

Dit is twee dae te voet of dalk langer en Benjamin moet die Vrydag daar wees.

Question 28

Hoe het Fiela na Barta van Rooyen verwys?

Answer 28

Bosvrou.

Question 29

Wat is Fiela se houding teenoor Barta?

Answer 29

Negatief.

Question 30

Is Fiela se houding teenoor die bosvrou geregverdig?

Answer 30

Ja. Die vrou gaan dalk haar kind van haar af wegvat.

Question 31

Hoekom is die Lange se redenasie van dis te ver om te voet Knysna toe te loop, ironies?

Answer 31

Toe Benjamin 3 jaar oud was, het hy alleen vanuit die Bos tot by Fiela geloop, maar nou is hy 12 jaar oud en die Lange voel dis te ver.

Question 32

Waarom mag Fiela nie vir die Magistraat voorsê nie?

Answer 32

Hy was ʼn vername man.

Question 33

Hoekom kon Fiela nie saamgaan Knysna toe nie?

Answer 33

Daar was nie plek op die kar nie.

Question 34

Hoekom was dit vir Fiela so belangrik om saam te gaan?

Answer 34

Sy het Benjamin belowe dat sy niemand sal toelaat om hom te vat nie.

Question 35

Wie kan direk blameer word vir die feit dat daar ʼn donker wolk oor Benjamin se toekoms hang?

Answer 35

Sensusopnemers.

Question 36

FIELA: Ons is sy wil en God kyk op ons af en Hy skryf iedere traan op wat ʼn kind deur ons wil stort.
Verduidelik in jou eie woorde wat Fiela met hierdie woorde bedoel het.

Answer 36

Grootmense moet besluit wat vir die kind die beste gaan wees.
As hulle die kind laat huil/swaarkry, gaan God die mens straf.

Question 37

Die Lange het beweer dat Fiela die kind weggesteek het. Waaruit kan jy aflei dat die bewering tog reg was?

Answer 37

Sy het hom nie skool toe of kerk toe laat gaan nie.

Question 38

Wie het Benjamin van die Here geleer?

Answer 38

Fiela.

Question 39

Hoekom het Benjamin nie nodig gehad om kerk toe te gaan nie?

Answer 39

Fiela het hom van die Here geleer.

Question 40

Wie het Benjamin skoolwerk geleer?

Answer 40

Dawid en Tollie.

Question 41

Hoekom kon Dawid en Tollie Benjamin nie somme leer nie?

Answer 41

Hulle kon self nie die somme verstaan nie.

Question 42

Wie het Benjamin somme geleer?

Answer 42

Miss Baby Stewart.

Question 43

Wie het Dawid en Tollie somme geleer?

Answer 43

Benjamin.

Question 44

Wanneer sou die mans Benjamin terugbring?

Answer 44

Saterdag.

Question 45

Wanneer sou die mans Benjamin kom optel om Knysna toe te gaan?

Answer 45

Die volgende dag/Donderdag.

Question 46

FIELA: Hoe weet ek hulle staan nie en lieg nie?
SELLING: Baas, lieg baas-hulle?
LANGE: Ons lieg nie, maar …
Dink jy die mans het beplan om Benjamin terug te bring? Motiveer jou antwoord.

Answer 46

Nee. Die Dikke het gepraat van die “ma van die kind”/die mans was rassisties/het op Fiela-hulle neergesien/hulle sou nie die bruin mense toelaat om na die wit kind te kyk nie.

Question 47

Waarmee het die Lange Fiela gedreig as Benjamin nie reg is as hulle hom die volgende oggend kom haal nie?

Answer 47

Hy gaan sonder hom Knysna toe ry en die konstabel stuur.

Question 48

Na wie het Fiela altyd gedraai as sy ontsteld was of raad nodig gehad het?

Answer 48

Die Here.

Question 49

Hoekom het die Komoeties bedremmeld die huis ingeloop?

Answer 49

Hulle het besef daar was probleme.

Question 50

Waar het Fiela gedink kon Benjamin gaan wegkruip?

Answer 50

Fonteinkloof.

Question 51

Met watter EEN WOORD het Fiela haar plan beskryf?

Answer 51

Dwaas.

Question 52

Hoekom was Fiela te bang om Benjamin fonteinekloof toe te stuur?
Gee TWEE feite.

Answer 52

Hy kon nie alleen soontoe gaan nie.
ʼn Tier het die ander dag daar ʼn skaap gevang.

Question 53

Aan wie het die skaap behoort wat deur ʼn tier in die fonteinekloof gevang is?

Answer 53

Laghaans.

Question 54

Wat beteken die woord “slingermaer”?

Answer 54

Baie maer.

Question 55

“Laghaans se ou slingermaer skape …”

Wat het Fiela met dié woorde oor die Laghaans geïmpliseer?

Answer 55

Die Laghaans versorg nie hulle diere nie.

Question 56

Noem die opdragte wat Fiela aan elke kind uitgedeel het om Benjamin gereed te kry vir sy tog na Knysna.

Answer 56

Dawid moes dorp toe gaan om vir Benjamin ʼn hemp en skoene te kry.
Tollie moes ʼn vuur buite maak.
Emma moes ʼn vuur binne die huis maak.
Kittie moes die naaldwerkgoed gereed kry sodat Fiela Benjamin se
broek kon regmaak.

Question 57

Wanneer sou die mans Benjamin terugbring?

Answer 57

Saterdag.

Question 58

Wie gaan, volgens Fiela, oor Benjamin se lot besluit?

Answer 58

Die Magistraat en die Bosvrou.

Question 59

FIELA: “En Ma belowe jou, jy sal nie nodig hê om jou kop anderkant daardie berg te laat sak omdat jy as ʼn Komoetie ingeskryf staan in die Goewerment se boek nie.”
Beskryf Fiela se karakter na aanleiding van hierdie aanhaling met EEN WOORD.

Answer 59

Trots.

Question 60

FIELA: “En Ma belowe jou, jy sal nie nodig hê om jou kop anderkant daardie berg te laat sak omdat jy as ʼn Komoetie ingeskryf staan in die Goewerment se boek nie.”
Verduidelik in jou eie woorde wat hierdie stelling beteken?

Answer 60

Die feit dat hy deur ʼn bruin familie grootgemaak is, beteken nie dat hy slegter daaraan toe is nie.

Question 61

FIELA: “En Ma belowe jou, jy sal nie nodig hê om jou kop anderkant daardie berg te laat sak omdat jy as ʼn Komoetie ingeskryf staan in die Goewerment se boek nie.”
Beskryf in DRIE sinne hoe Fiela bogenoemde probeer regkry het.

Answer 61

Sy het Benjamin self gebad om seker te maak hy is skoon.
Sy het vir hom ʼn nuwe hemp en skoene gekoop.
Sy het vir hom 5 sjielings gegee om te wys hy is nie brandarm/kaalgat nie.

Question 62

Noem die naam van die plek waar Dawid kortpad dorp toe gaan vat.

Answer 62

Jan Koles se kop.

Question 63

Wat moes Dawid in die dorp gaan doen?

Answer 63

Hy moes vir Benjamin ʼn nuwe hemp en skoene gaan koop.

Question 64

By wie het Dawid ʼn hemp en skoene gaan koop?

Answer 64

Mr. Pace.

Question 65

Hoe gaan Dawid vir die klere betaal?

Answer 65

Met skaapvelle en karwatse.

Question 66

Hoe is Benjamin se voete gemeet?

Answer 66

Selling trek sy voet af op ʼn stukkie vel.

Question 67

Wat wou Fiela met die naaldwerkgoed doen?

Answer 67

ʼn Naat aan Benjamin se broek regmaak/vaswerk.

Question 68

Gee Fiela om oor hoe haar kinders lyk? Motiveer jou antwoord met TWEE redes.

Answer 68

Ja. Sy sorg dat Benjamin ʼn nuwe hemp en skoene kry en sy bad hom.

Question 69

Hoekom was Fiela so haastig om Benjamin reg te kry vir die tog Knysna toe?

Answer 69

Die sensusmanne kom hom vroeg die volgende oggend optel.

Question 70

Waarin het Fiela vir Benjamin gebad?

Answer 70

In ʼn sinkbad.

Question 71

Hoekom, dink jy, het Fiela besluit om self vir Benjamin te was?

Answer 71

Sy was bang hy was homself nie mooi skoon nie.

Question 72

Waar het Benjamin homself gewoonlik gebad/Waar wou Bejamin homself gaan was?

Answer 72

In die sloot.

Question 73

Beskryf Benjamin se gemoed oor die reis na Knysna met EEN WOORD.

Answer 73

Bang.

Question 74

Hoe mag Benjamin nie die magistraat aanspreek nie?

Answer 74

Baas.

Question 75

Hoekom mag Benjamin nie die magistraat as “baas” aanspreek nie?

Answer 75

Wit mense het nie anderkleuriges “baas” genoem nie/net swart of bruin
het blankes “baas” genoem.

Question 76

Dink jy die aanspreekvorm “Baas” word vandag nog gebruik? Gee ʼn rede vir jou antwoord.

Answer 76

Ja. Ou swartes veral op plase noem hulle blanke werkgewers nog “baas”.
OF
Nee. Ons is almal gelyk.

Question 77

Hoe moes Benjamin, volgens Fiela, die magistraat aanspreek?

Answer 77

Heer.

Question 78

Wat moes mense nie voor die magistraat doen nie?
Verduidelik jou antwoord met TWEE feite.

Answer 78

Lieg/Jok.
Jy sal tronk toe gestuur word.
Die magistraat is die grootman van die wet.

Question 79

Wat sou destyds met jou gebeur as jy vir die magistraat gejok het?

Answer 79

Jy word in die tronk gegooi.

Question 80

Dink jy dat dat mense wat vir die magistraat jok vandag nog tronk toe gestuurd word?
Motiveer jou antwoord.

Answer 80

Nee. Vandag is jy onskuldig tot daar bewys kan word jy is skuldig.
OF
Ja. Jy kan steeds tronk toe gaan as jy vir die hof lieg.

Question 81

Hoekom kon Fiela nie saam met Benjamin Knysna toe gaan nie?

Answer 81

Daar is nie vir haar plek op die perdekar nie.

Question 82

Hoe moes Benjamin die magistraat antwoord as hy hom vra waar hy woon?

Answer 82

Wolwekraal in die Lange Kloof.
Dit is hulle eie grond.

Question 83

Hoekom, dink jy, was dit belangrik dat die magistraat moes weet dat die Komoeties grond besit?

Answer 83

Hulle was nie arm/sukkelaars/bedelaars nie.

Question 84

Wat moes Benjamin antwoord as die magistraat hom vra hoe hy Fiela se kind geword het?

Answer 84

Die Here het hom aan sy ma toebetrou.

Question 85

Hoekom moes Benjamin mooi skryf en lees voor die magistraat?

Answer 85

Om hom te beïndruk/te wys hy is geletterd.

Question 86

Waarom was dit belangrik dat Benjamin moes wys hy kan lees en skryf?

Answer 86

Sodat die magistraat kon sien hy is geletterd/Fiela het hom geleer lees en skryf.

Question 87

Waaroor kon die magistraat vir Benjamin uitvra wat nie vir Fiela ʼn bekommernis was nie?

Answer 87

Somme.

Question 88

Wat was Benjamin bang gaan die magistraat hom vra?

Answer 88

9 x tafel

Question 89

Hoekom was Benjamin bang die magistraat gaan hom die 9 x tafel gaan vra?

Answer 89

Hy ken dit nie meer so goed nie.

Question 90

Noem die emosie wat Benjamin aanhou voel?

Answer 90

Bang/vrees.

Question 91

Hoe moes Benjamin, volgens Fiela, van sy “bang” ontslae raak?

Answer 91

Hy moes dit wegjaag.

Question 92

Kan jy met Benjamin se vrees identifiseer? Verduidelik jou antwoord.

Answer 92

Ja. Ek sal ook bang wees om van my ma af weg te gaan/Ek sal bang wees om voor ʼn magistraat te staan.

Question 93

Wat was Benjamin se grootste vrees?

Answer 93

Dat die mans hom nie gaan terugbring nie.

Question 94

Verduidelik hoe Fiela Benjamin se vrees probeer stilmaak het? Gee TWEE feite.

Answer 94

Die magistraat sou sorg dat die mans hom die Saterdag sou terugbring want die woord is wet.

Question 95

Waarin het Fiela Benjamin se goed gepak?

Answer 95

In ʼn trommel.

Question 96

Wat kan jy oor Fiela se persoonlikheid aflei oor die manier waarop sy alles in die trommel gepak het?

Answer 96

Sy is netjies/georend/perfeksionisties.

Question 97

Benjamin gaan sy nuwe blou hemp die hele tyd dra.
Stem jy saam met die stelling? Motiveer jou antwoord.

Answer 97

Nee. Hy mag dit net aantrek die oggend voor hy die magistraat gaan sien en moet dit dan weer dadelik uittrek.

Question 98

Noem die goed wat Fiela vir Benjamin in sy trommel gepak het.

Answer 98

slaaphemp
broek
nuwe hemp
5 sjielings

Question 99

Benjamin gaan sy eie baadjie dra.

Hoekom is die stelling VERKEERD?

Answer 99

Dawid het sy baadjie vir hom geleen.

Question 100

Hoeveel geld het Fiela vir Benjamin gegee en hoekom?

Answer 100

5 sjielings. Indien die magistraat vra of hy geld het/sodat die magistraat kon sien hulle is nie armsalig nie.

Question 101

Hoe het Fiela seker gemaak dat Benjamin nie die geld verloor nie?
Gee TWEE feite.

Answer 101

Sy knoop dit toe in ʼn lap.
Sy sit dit onder in die trommel.

Question 102

Hoe verskil die Komoeties van die ander bruin mense in die Lange Kloof?

Answer 102

Die Komoeties het grond en is nie so brandarm soos die ander bruin gesinne nie.

Question 103

Wat mag Benjamin nie met die geld koop nie?

Answer 103

Kos.

Question 104

Hoekom mag Benjamin nie kos koop nie?

Answer 104

Fiela het vir hom genoeg kos ingepak.

Question 105

Wat sou Fiela met Bejamin doen as hy die geld verloor?

Answer 105

Hom foeter/pak slae gee.

Question 106

Wat moes Benjamin doen as die magistraat/mans sy geld vat?

Answer 106

Niks/Hy moes dit net los.

Question 107

Wat het Selling voorgestel, moes Benjamin die magistraat noem?

Answer 107

Weledele heer.

Question 108

Wat mag Benjamin nooit vir die magistraat vertel nie?

Answer 108

Dat Selling in die tronk was.

Question 109

Hoekom, dink jy, mag Benjamin nie vir die magistraat vertel dat Selling in die tronk was nie?

Answer 109

Dan sou die magistraat dink hulle is skelms.

Question 110

By wie het Benjamin gehoor dat Selling in die tronk was?

Answer 110

Tollie.

Question 111

Wat was die geheim wat Fiela en Selling van Benjamin weerhou het?

Answer 111

Dat Selling al in die tronk was.

Question 112

Hoe het Fiela gereageer toe sy uitgevind het Benjamin is bewus van die geheim?

Answer 112

Haar hart het amper gaan staan.

Question 113

Fiela het besluit dat Benjamin saam met die sensusopnemers Knysna toe moes gaan.

Wat sou jy gedoen het as jy in Fiela se skoene was? Gee ʼn rede vir jou antwoord.

Answer 113

Ek sou hom laat gaan het/Ek sou vir myself plek gemaak het op die perdekar/Ek sou deur die nag begin stap het.