23. ලොව්තුරු සුවේ පදනම සම්මා දිට්ඨියයි Flashcards
බුදු දගමෙහි ආර්‍ය යන වචනය යොදා ඇත්තේ කුමන අර්ථයෙන් ද?
උතුම්, ශ්‍රේෂ්ඨ යන අර්ථයෙන්
අරිය මග්ග (දම්සක් පැවතුම් සූත්‍රය) = මජ්ජිම පටිපදා
ආර්‍ය අෂ්ටාංගික මාර්ගය නම් කරන්න
- සම්මා දිට්ඨි
- සම්මා සංකප්ප
- සම්මා වාචා
- සම්මා කම්මන්ත
- සම්මා ආජීව
- සම්මා වායාම
- සම්මා සති
- සම්මා සමාධි
නිවැරදි දැකීම හෙවත් සම්මා දිට්ඨිය යනු චතුරාර්‍ය සත්‍ය පිළිබඳ ඥානය බව සඳහන් වන සූත්‍රය කුමක් ද?
සච්චවිභංග සූත්‍රය
සච්චවිභංග සූත්‍රයට අනුව නිවැරදි දැකීම යනු කුමක් ද?
- දුක පිළිබඳ ඥානය
- දුක්ඛ සමුදය පිළිබඳ ඥානය
- දුක්ඛ නිරෝධය පිළිබඳ ඥානය
- දුක්ඛ නිරෝධගාමිනී ප්‍රතිපදාව පිළිබඳ ඥානය
අටුවාවල එන පස් ආකාර සම්මා දිට්ඨිය කුමක් ද?
- තමන් කරන ක්‍රියාවන්හි විපාක තමන් කරා පැමිණෙන බව දැකීම කම්මස්සකතා සම්මා දිට්ඨිය
- ලෞකික ධ්‍යාන උපදවාගත් පසු සිල් රැකීමෙන් හා සිත පිරිසිදු කර ගැනීමෙන් ඇතිවෙන විශේෂ ප්‍රතිලාභ නිවැරදි ව දැන ගැනීම ධ්‍යාන සම්මා දිට්ඨිය
- සියල්ල අනිත්‍ය, දුක්ඛ, අනත්ම වශයෙන් දැකීම විදර්ශනා සම්මා දිට්ඨිය
- සෝවන් ආදී මාර්ග සිත්වල පහළවන සිව්සස් අවබෝධ කරගැනීමේ දැක්ම මාර්ග සම්මා දිට්ඨිය
- සෝවන් ආදී ඵල සිත්වල ඇතිවන දැක්ම ඵල සම්මා දිට්ඨිය
කම්මස්සකතා සම්මා දිට්ඨිය යනු කුමක් ද?
තමන් කරන ක්‍රියාවන්හි විපාක තමන් කරා පැමිණෙන බව දැකීම
ධ්‍යාන සම්මා දිට්ඨිය යනු කුමක් ද?
ලෞකික ධ්‍යාන උපදවාගත් පසු සිල් රැකීමෙන් හා සිත පිරිසිදු කර ගැනීමෙන් ඇතිවන විශේෂ ප්‍රතිලාභ නිවැරදි ව දැන ගැනීම
විදර්ශනා සම්මා දිට්ඨිය යනු කුමක් ද?
සියල්ල අනිත්‍ය, දුක්ඛ, අනාත්ම ලෙස දැකීම
මාර්ග සම්මා දිට්ඨිය යනු කුමක් ද?
සෝවන් ආදි මාර්ග සිත්වල පහළ වන සිව්සස් අවබෝධ කරගන්නා දැක්ම
ඵල සම්මා දිට්ඨිය යනු කුමක් ද?
සෝවන් ආදි ඵල සිත්වල ඇති වන දැක්ම
අටුවාවල එන පස්වැදෑරුම් සම්මා දිට්ඨියෙන් ලෞකික ආර්‍ය අෂ්ටාංගික මාර්ගයට අදාළ වන කොටස් මොනවා ද?
- කම්මස්සකතා සම්මා දිට්ඨිය
- ධ්‍යාන සම්මා දිට්ඨිය
- විදර්ශනා සම්මා දිට්ඨිය
අටුවාවල එන පස්වැදෑරුම් සම්මා දිට්ඨියෙන් ලෝකෝත්තර පුද්ගලයන්ගේ සිත්වලට සීමා වන කරුණු මොනවා ද?
- මාර්ග සම්මා දිට්ඨිය
- ඵල සම්මා දිට්ඨිය
සම්මා සංකප්ප හෙවත් තෙවැදෑරුම් නිවැරදි සිතිවිලි ලියා දක්වන්න
- නෙක්ඛම්ම සංකප්ප
- අව්‍යාපාද සංකප්ප
- අවිහිංසා සංකප්ප
නෙක්ඛම්ම සංකප්ප යනු කුමක් ද?
වස්තු කාම සහ ක්ලේශ කාමයන්ගෙන් වෙන් වී ගිහි ගෙයි සම්බාධ අවබෝධ කරගෙන පැවිදි වීමට පහළ වන සිතිවිලි
අව්‍යාපාද සංකප්ප යනු කුමක් ද?
ද්වේශය, වෛරය, තරහව, ක්‍රෝධය ආදී සිතිවිලිවලින් බැහැර ව මෙත් සහගත් සිතිවිලිවලින් යුතු ව වාසය කිරීම
