Aralin 2: Tekstong Deskriptibo

Question 1

Ang pagsulat ng paglalarawan ay maaaring maging _____________________.

Answer 1

subhetibo o obhetibo.

Question 2

Masasabing _____________ ang paglalarawan kung ang manunulat ay maglalarawan nang napakalinaw at halos madama na ng mambabasa subalit ang paglalarawan ay nakabatay lámang sa kanyang mayamang imahinasyon at hindi nakabatay sa isang katotohanan sa totoong buhay.

Answer 2

subhetibo

Question 3

__________ naman ang paglalarawan kung ito’ y may pinagbatayang katotohanan.

Answer 3

Obhetibo

Question 4

Ang ___________________ ay maihahalintulad sa isang larawang ipininta o iginuhit kung saan kapag nakita ito ng iba ay parang nakita na rin nila ang orihinal na pinagmulan ng larawan.

Answer 4

tekstong deskriptibo

Question 5

Subalit, sa halip na pintura o pangkulay, mga ________ ang ginagamit ng manunulat upang mabuo sa isipan ng mambabasa ang paglalarawan sa tekstong deskriptibo.

Answer 5

salita

Question 6

Mga ________________________ ang karaniwang ginagamit ng manunulat upang mailarawan ang bawat tauhan, tagpuan, mga kilos o galaw, o anumang bagay na nais niyang mabigyang-buhay sa imahinasyon ng mambabasa.

Answer 6

pang-uri at pang-abay

Question 7

Bagama’t mga pang-uri at pang-abay ang karaniwang ginagamit na mga salita sa pagbuo ng tekstong deskriptibo, madalas ding ginagamit ang iba pang paraan ng paglalarawan tulad ng paggamit ng mga ____________ at _______________ ginagawa ng mga ito gayundin ng mga ____________
tulad ng ________________________________ at iba pa.

Answer 7

• pangngalan
• pandiwa
• tayutay
• pagtutulad, pagwawangis, pagsasatao,

Question 8

Isang bagay na dapat tandaan sa pagbuo ng tekstong deskriptibo ay ang __________ nito sa iba pang uri ng teksto.

Answer 8

relasyon

Question 9

Nagagamit din ito sa paglalarawan sa panig na pinaniniwalaan at ipinaglalaban para sa tekstong _______________, gayundin sa mas epektibong pangungumbinsi para sa tekstong _________________, o paglalahad kung paano mas magagawa o mabubuo nang maayos ang isang bagay para sa tekstong ________________.

Answer 9

• argumentatibo
• persuweysib
• prosidyural

Question 10

Ang paglalarawan kasing ginagawa sa tekstong deskriptibo ay laging kabahagi ng iba pang uri ng teksto partikular ang tekstong naratibo kung saan kinakailangang ilarawan ang mga ______________________________________________________________ at iba pa.

Answer 10

tauhan, ang tagpuan, ang damdamin, ang tono ng pagsasalaysay,

Question 11

Gamit ng _______________ o Kohesyong Gramatikal sa Pagsulat ng Tekstong Deskriptibo

Answer 11

Cohesive Devices

Question 12

Upang maging mas mahusay ang pagkakahabi ng tekstong deskriptibo bilang bahagi ng iba pang uri ng teksto o kaya’y maging mas malinaw ang anumang uri ng tekstong susulatin, kinakailangan ang paggamit ng mga ____________________________________.

Answer 12

cohesive device o kohesyong gramatikal

Question 13

Ito ay isang cohesive device na tumutukoy sa paggamit ng mga salitang maaaring tumukoy o maging reperensiya ng paksang pinag-uusapan sa pangungusap.

Answer 13

Reperensiya (Reference)

Question 14

Ito ay klase ng represensiya na tumutukoy sa kung kailangang bumalik sa teksto upang maláman kung ano o sino ang tinutukoy.

Answer 14

anapora

Question 15

Ito ay klase ng represensiya na tumutukoy sa kung nauna ang panghalip at malalaman lang kung sino o ano ang tinutukoy kapag ipinagpatuloy ang pagbabasa sa teksto.

Answer 15

katapora

Question 16

Aso ang gusto kong alagaan. Ito kasi ay maaaring maging mabuting kaibigan.

Answer 16

anapora

Question 17

Siya ang nagbibigay sa akin ng inspirasyong bumangon sa umaga at masiglang umuwi sa gabi. Ang matatamis niyang ngiti at mainit na yakap sa aking pagdating ay sapat para makapawi sa kapaguran hindi lang ang aking katawan kundi ng aking puso at damdamin. Siya si Bella, ang bunso kong kapatid na mag-iisang taon pa lámang.

Answer 17

katapora

Question 18

Ito ay isang cohesive device na tumutukoy sa paggamit ng ibang salitang ipapalit sa halip na muling ulitin ang salita.

Answer 18

Substitusyon (Substitution)

Question 19

Nawala ko ang aklat mo. Ibibili na lang kitá ng bago.

Answer 19

Substitusyon (Substitution)

Question 20

Ito ay isang cohesive device na tumutukoy sa may binabawas na bahagi ng pangungusap subalit inaasahang maiintindihan o magiging malinaw pa rin sa mambabasa ang pangungusap dahil makatutulong ang naunang pahayag para matukoy ang nais ipahiwatig ng nawalang salita.

Answer 20

Ellipsis

Question 21

Bumili si Gina ng apat na aklat at si Rina nama’ y tatlo.

Answer 21

Ellipsis

Question 22

Ito ay isang cohesive device na tumutukoy sa nagagamit ang mga pang-ugnay tulad ng at sa pag-uugnay ng sugnay sa sugnay, parirala sa parirala, at pangungusap sa pangungusap

Answer 22

Pang-ugnay

Question 23

Ang mabuting magulang ay nagsasakripisyo para sa mga anak at ang mga anak naman ay dapat magbalik ng pagmamahal sa kanilang mga magulang.

Answer 23

Pang-ugnay

Question 24

Ito ay isang cohesive device na tumutukoy sa mabibisang salitang ginagamit sa teksto upang magkaroon ito ng kohesyon.

Answer 24

Kohesyong Leksikal

Question 25

Ito ay klase ng kohesiyong leksikal na tumutukoy sa kung ang ginagawa o sinasabi ay nauulit nang ilang beses.

Answer 25

Reiterasyon

Question 26

Maaari itong mauri sa tatlo: pag-uulit o repetisyon, pag-iisa-isa, at pagbibigay-kahulugan.

Answer 26

Reiterasyon

Question 27

Maraming batà ang hindi nakapapasok sa paaralan. Ang mga batang ito ay nagtatrabaho na sa murang gulang pa lang.

Answer 27

Pag-uulit o repetisyon

Question 28

Nagtatanim silá ng mga gulay sa bakuran. Ang mga gulay na ito ay talong, sitaw, kalabasa, at ampalaya.

Answer 28

Pag-iisa-isa

Question 29

Marami sa mga batang manggagawa ay nagmula sa mga pamilyang dukha. Mahirap silá kayâ ang pag-aaral ay naiisantabi kapalit ng ilang baryang naiaakyat nila para sa hapag-kainan.

Answer 29

Pagbibigay-kahulugan

Question 30

Ito ay klase ng kohesiyong leksikal na tumutukoy sa mga salitang karaniwang nagagamit nang magkapareha o may kaugnayan sa isa't isa kaya't kapag nabanggit ang isa ay naiisip din ang isa.

Answer 30

Kolokasyon

Question 31

Ito ay klase ng kohesiyong leksikal na maaaring magkapareha o maaari ding magkasalungat.

Answer 31

Kolokasyon

Question 32

Ito ay bahagi pa rin ng paglarawan sa tauhan subalit sa halip na sa kanyang panlabas na anyo o katangian ito nakapokus, ang binibigyang-din dito'y ang kanyang damdamin o emosyong taglay.

Answer 32

Paglalarawan sa Damdamin o Emosyon

Question 33

Ang ilang paraan ng paglalarawan sa damdamin o emosyon nang hindi na malayo at konektado pa rin sa tauhan:

Answer 33

- Pagsasaad sa aktuwal na nararanasan ng tauhan. - Paggamit ng diyalogo o iniisip. - Pagsasaad sa ginawa ng tauhan. - Paggamit ng tayutay o matatalinghagang pananalita.

Question 34

Ang ilang tekstong deskriptibong bahagi ng iba pang teksto.

Answer 34

- paglalarawan sa tauhan - paglalarawan sa damdamin o emosyon - paglalarawan sa tagpuan - paglalarawan sa isang mahalagang bagay

Question 35

Ito ay paraan ng paglalarawan sa damdamin o emosyon na maaaninag ng mambabasa mula sa aktuwal na nararanasan ng tauhan ang damdamin o emosyong taglay nito.

Answer 35

Pagsasaad sa aktuwal na nararanasan ng tauhan.

Question 36

Ito ay paraan ng paglalarawan sa damdamin o emosyon na maipakikita sa sinasabi o iniisip ng tauhan ang emosyon o damdaming taglay niya.

Answer 36

Paggamit ng diyalogo o iniisip.

Question 37

Matindi ang pagkirot ng tiyan ni Mang Tonyo. Nagdidilim na ang kanyang paningin at nanlalambot na ang mga tuhod sa matinding gutom na nadarama. Dalawang araw na pala nang huling masayaran ng pagkain ang nanunuyo niyang mga labi.

Answer 37

Pagsasaad sa aktuwal na nararanasan ng tauhan.

Question 38

Ito ay paraan ng paglalarawan sa damdamin o emosyon na sa pamamagitan ng pagsasaad sa ginawa ng tauhan, minsa'y higit pang nauunawaan ng mambabasa ang damdamin o emosyong naghahari sa kanyang puso at isipan.

Answer 38

Pagsasaad sa ginawa ng tauhan.

Question 39

sa halip na sabihing naiinis siya sa ginawang pagsingit sa pila ng babae ay maaari itong gamitan ng sumusunod na diyalogo: "Ale, sa likod po ang pila. Isang oras na kaming nakapila rito kaya dapat lang na sa hulihan kayo pumila!"

Answer 39

Paggamit ng diyalogo o iniisip.

Question 40

"Umalis ka na!" ang mariing sabi ni Aling Lena sa asawa habang tiim-bagang na nakatingin sa malayo upang mapigil ang luhang kanina pa nagpupumilit bumalong mula sa kanyang mga mata.

Answer 40

Pagsasaad sa ginawa ng tauhan.

Question 41

Ito ay paraan ng paglalarawan sa damdamin o emosyon na hindi lamang ito ay hindi lang nagagagamit sa pagbibigay ng rikit at indayog sa tula kundi gayundin sa prosa.

Answer 41

Paggamit ng tayutay o matatalinghagang pananalita.

Question 42

Ito na marahil ang pinakamadilim na sandali sa kanyang buhay. Maging ang langit ay lumuha sa kalungkutang dulot ng pagyao ng pinakamamahal nyang si Berta.

Answer 42

Paggamit ng tayutay o matatalinghagang pananalita.

Question 43

Ito ay mahalagang mailarawan nang tama ang lugar o panahon kung kailan at saan nangyari ang akda sa paraang makagaganyak sa mga mambabasa.

Answer 43

paglalarawan ng tagpuan

Question 44

Sa pamamagitan nito madadala ng manunulat ang mambabasa sa lokasyon at panahon at lalo niyang madarama ang diwa ng akda.

Answer 44

paglalarawan ng tagpuan

Question 45

Sa maraming pagkakataon, sa isang mahalagang bagay umiikot ang mga pangyayari sa akda at ito rin ang nagbibigay nang mas malalim na kahulugan dito.

Answer 45

Paglalarawan sa Isang Mahalagang Bagay

Question 46

Hindi sapat na maglagay lamang ng larawan ng nasabing bagay sa pahina ng akda upang mabigyang-diin ang kahalagahan nito.

Answer 46

Paglalarawan sa Isang Mahalagang Bagay

Question 47

Kailangan ding mailarawan itong mabuti upang halos madama na ng mambabasa ang itsura, amoy, bigat, lasa, tunog, at iba pang katangian nito.

Answer 47

Paglalarawan sa Isang Mahalagang Bagay

Question 48

Mula rito' y ihayag na ang kuwento sa likod ng bagay at kung paano ito naging makabuluhan o mahalaga sa tauhan o manunulat at sa kabuoan ng akda.

Answer 48

Paglalarawan sa Isang Mahalagang Bagay