Beroemde Wêreldikone (DEEL 1) Flashcards
(4 cards)
Australië.
Sydney Operahuis.
Die Sydney Operahuis in Australië is ’n wêreldbekende argitektuur-ikoon wat in 1973 geopen is. Dit het 16 jaar geneem om te bou en is ontwerp met seilvormige dakke.
Die gebou het ongeveer 1 000 kamers, insluitend 5 teaters, restaurante, kroeë en winkels. Dit huisves die grootste meganiese-aksie-orrel in die wêreld.
Dis ’n topkunsentrum met 3 000 optredes per jaar en trek 2 miljoen mense, insluitend 200 000 toeriste op begeleide toere.
Toerpakkette sluit ’n toer, ete en vertoning in.
Ayers Rock/Uluru-Kata Tjuta Nasionale Park.
Die Uluru-Kata Tjuta Nasionale Park in Australië is ’n uitgestrekte woestyngebied met sandvlaktes, duine en rotsformasies. Die bekende Uluru (Ayers Rock) is ’n 348 m hoë sandsteenmonoliet, waarvan die grootste deel ondergronds lê.
Die park het ’n komplekse ekosisteem met unieke plante en diere soos dingo’s en rooi kangaroe’s. Dit is ’n belangrike kultuurerfenisgebied vir die Aborigine-mense.
Toeriste kan om die rots stap (9,4 km), rotskuns besigtig met ’n gids, en sonsondergang bewonder. Klimming op die rots word ontmoedig uit respek vir die kultuur.
Daar is geen verblyf in die park self nie, maar toeriste kan in Yulara, 18 km daarvandaan, oornag.
Brasilië.
Die Standbeeld van Christus die Verlosser.
Die Christusbeeld in Rio de Janeiro, Brasilië, is op die Corcovado-berg gebou en het 9 jaar geneem om te voltooi (1922–1931). Dis gemaak van beton en seepsteen en bevat ’n kapel vir 150 mense aan die basis.
Die beeld is ’n wêreldikoon en bied saam met Sugar Loaf-berg ’n indrukwekkende uitsig oor die stad. Toeriste ry per trein of gebruik roltrappe/hysbakke om bo uit te kom.
Aan die voet van Corcovado lê die Tijuca Nasionale Park, die grootste stedelike woud in die wêreld, en die Botaniese Tuin van Rio, ’n sleutelgebied vir biodiversiteit.
Toeriste kan ook virtuele toere van die Christusbeeld aanlyn ervaar.
Kanada.
Naigara Waterval.
Die Niagara-waterval is ’n breë netwerk van watervalle tussen Kanada en die VSA, met die Horseshoe-, American- en Bridal Veil-watervalle. Goat-eiland skei van die watervalle en is bereikbaar per brug.
Die Rainbow-brug en Whirlpool Rapids-brug verbind Ontario (Kanada) met New York (VSA).
Die waterval het ’n hoë watervolume wat aanhoudend vloei en word ook gebruik vir hidro-elektriese krag.
Ongeveer 28 miljoen toeriste besoek dit jaarliks, veral in die somer.
Die gewildste aktiwiteit is die Maid of the Mist-bootvaart na onder die waterval.
Daar is ook baie restaurante, hotelle en vermaak aan beide kante.
Italië.
Die Colosseum.
Die Colosseum is in die 1ste eeu n.C. gebou en het 10 jaar geneem om te voltooi. Dit was vir 450 jaar die vermaaklikheidsentrum van Rome, met plek vir tot 45 000 toeskouers.
Die arena het vier verdiepings en 80 ingange gehad. Die sitplekke is volgens sosiale status verdeel, en die keiser het spesiale toegang gehad.
Vermaak het ingesluit:
Gladiatorgevegte met wilde diere
Skyn-seegevegte (die arena is met water gevul)
Openbare teregstellings en dramas
Toeskouers is beskerm deur ’n 5 m hoë muur. Gladiators het deur die Gate of Life of Gate of Death die arena verlaat.
Toeriste kan vandag die ondergrondse tonnels en oorblyfsels van die Colosseum besoek – dit bly een van Rome se gewildste besienswaardighede.
Die Leunende Toring van Pisa.
Die Leunende Toring van Pisa is ’n kloktoring wat in die Middeleeue gebou is. Dit het 207 pilare, 8 verdiepings en is met marmer bedek. Bo-op is 7 klokke.
Die toring het begin skuins sak vanweë sagte grond en swak fondamente. Restaurasiepogings het die helling met 32 cm verminder, en dit is nou weer veilig en oop vir besoekers.
Toeriste klim 294 spiraaltrappe na bo vir ’n uitsig. Die omgewing is baie besoekersvol en handelaars verkoop dure aandenkings en kos.
Venesië.
Venesië is ’n unieke stad in Italië wat op honderde eilande gebou is en deur 416 brûe en 177 kanale verbind word. Die stad het geen motors nie – mense gebruik bote soos gondolas en vaporetti vir vervoer.
Die stad is op houtpale gebou en sink stadig weens aardverwarming. Die Grand Canal is die grootste waterweg en verdeel die stad in twee.
Venesië is bekend vir sy romantiese atmosfeer, ryk geskiedenis, musiek, pragtige argitektuur, en besienswaardighede soos kerke, museums en paleise.
Jaarliks besoek ongeveer 18 miljoen toeriste die stad, wat dit soms oorvol maak. Dit word beskou as ’n lewende museum, hoewel sommige dit sien as ’n toeriste-lokval.
Vatikaanstad.
Die Vatikaanstad, ook bekend as die Holy See, is die hoofkwartier van die Katolieke Kerk en die kleinste staat ter wêreld (0,44 km²). Die pous is beide die kerkleier en staatshoof.
Die St. Peter Basilika, gebou bo-op die graf van apostel Petrus, is die grootste godsdienstige gebou in die wêreld. Die Sistynse Kapel is beroemd vir Michelangelo se kunswerke en is waar nuwe pouse gekies word.
Die St. Peter-plein is ’n bekende toeristebestemming en word goed beveilig. Die Vatikaanmuseums huisves waardevolle kuns- en argitektuurskatte.
Slegs sowat 450 mense het burgerskap, waarvan baie diplomate is wat elders woon. Die stad is internasionaal beskerm as ’n kultuurerfenisgebied.
