Faktore wat tot die Sukses van n Toeriste Attraksie bydrae. Flashcards
(16 cards)
Toeriste attraksie.
Toeriste-attraksies is plekke of ervarings wat mense besoek tydens hul reis om iets te sien, te doen of te ervaar.
Dit is ’n kernonderdeel van die toerismebedryf.
Kenmerke van toeriste-attraksies.
Trek plaaslike en internasionale besoekers.
Bied plesierige en genotvolle ervarings.
Is aantreklik en uitnodigend.
Word professioneel bestuur om besoekers tevrede te stel.
Bied geriewe en dienste vir toeriste se gemak.
Toegangsfooie mag gevra word.
Suksesvolle attraksies.
Trek voortdurend toeriste.
Verskaf voldoende inligting oor die plek of ervaring.
Voldoen aan toeriste se behoeftes en belangstellings.
Is maklik toeganklik en goed onderhou.
Bied ’n aangename omgewing.
Faktore wat ‘n toeriste-attraksie suksesvol maak.
1.Bemarking van toerismeprodukte
Doeltreffende bemarking verhoog besoekersgetalle, bou handelsmerkbewustheid en help toeriste-attraksies om inkomste te verdien en uit te staan teen mededingers.
Suksesvolle bemarkingstrategieë is belangrik om toeriste-attraksies suksesvol te maak.
Dit sluit in die doeltreffende promosie en advertensie van toerismeprodukte, -dienste en -plekke, beide plaaslik en internasionaal.
Sterk bemarking help om meer besoekers te lok en die aantrekkingskrag van ‘n bestemming te verhoog.
- Volhoubare en verantwoordelike bestuursplanne.
Omgewingsbestuur:
Tafelberg se omgewingsbestuursplan fokus op volhoubaarheid deur varswatergebruik met 38%, elektrisiteitsverbruik met 20% te verminder, en herwinning met 61% te verhoog om afval te beperk.
Finansiële bestuur:
Goeie finansiële bestuur by toeriste-attraksies behels die opstel van ’n begroting, monitering van eksterne faktore soos inflasie en belasting, en die beheer van koste en inkomste. Besluite moet gereeld hersien word om te verseker dat voordele groter as koste bly.
- Doeltreffendheid en etiese optrede van personeel en bestuur.
Goeie personeelbestuur is noodsaaklik by toeriste-attraksies weens hoë arbeidskoste.
Effektiewe personeelbeplanning, noukeurige werwing, duidelike posbeskrywings, induksieprogramme en deurlopende opleiding help om doeltreffende en etiese diens te lewer.
Vriendelike diens is noodsaaklik vir die sukses van enige toeriste-attraksie.
- Positiewe ervarings van besoekers.
Om ’n positiewe ervaring by ’n toeriste-attraksie te verseker, moet besoekersgetalle gebalanseer word – nie te min of te veel nie.
Beheer van getalle, gerieflike openingstye, regte pryse, duidelike paadjies en inligting deur brosjures, toere en uitstallings is belangrik.
Dit help toeriste om die plek ten volle te waardeer sonder om die terrein te oorlaai.
- en misdaadvoorkoming.
Die veiligheid en sekuriteit van toeriste is die hoogste prioriteit vir enige toeriste-attraksie.
‘n Goed gekoördineerde strategie moet ontwikkel word om toeriste te beskerm en veilig te laat voel.
Hierdie inligting moet op so ‘n manier aan potensiële besoekers oorgedra word dat hulle nie bedreig voel nie. Die gebruik van gepaste waarskuwingstekens, soos dié in die foto hiernaas, is dus belangrik.
- Algemene voorkoms en instandhouding van die attraksie.
’n Suksesvolle toeriste-attraksie moet skoon, netjies en goed onderhou wees.
Geriewe moet gereeld instand gehou word, en rommelstrooi en vuil toilette moet streng beheer word.
’n Aangename voorkoms lok meer toeriste, terwyl ’n verwaarloosde plek hulle afskrik.
- Oorweging van die behoeftes van mense met gestremdhede
Toeriste-attraksies moet toeganklik wees vir almal, ook mense met gestremdhede.
Dit behels aanpassings soos glybestande oppervlaktes, skuins opritte, groter skrif, klankversterking en spesiale ablusiegeriewe.
Sommige parke bied selfs verblyf en wandelpaaie wat geskik is vir rolstoelgebruikers, soos die Discovery Trail by Addo-olifant Nasionale Park.
- Universele toegang.
Vir ‘n toeriste-attraksie om suksesvol te wees, moet dit universele toegang bied.
Dit beteken dit moet gesinsvriendelik wees, toeganklik vir mense met gestremdhede, en maklik bereik kan word via openbare vervoer. Leesmateriaal en inligting moet verstaanbaar wees vir verskillende ouderdomme en tale.
Die beskikbaarheid van kindervriendelike fasiliteite, kulturele sensitiwiteit (bv. Halaal-kos), en goeie infrastruktuur is noodsaaklik vir breë toeganklikheid en sukses.
Belangrike aspekte wat ‘n attraksie toeganklik maak, sluit in:
* vervoer na die attraksie
* vervoer by die attraksie
* parkering
* verblyfgeriewe
* toiletgeriewe
* inligting
* ondersteuningsgeriewe en -dienste.
Kenmerke van ‘n suksesvolle toeriste-attraksie.
‘n Suksesvolle toeriste-attraksie het die volgende kenmerke:
Dit trek voortdurend besoekers.
Dit bied unieke en aangename ervarings.
Dit pas aan by veranderende toerismetendense en besoekers se behoeftes.
Dit handhaaf hoë standaarde van diens en onderhoud.
Dit implementeer doeltreffende bemarkingstrategieë.
Dit bied goeie toeganklikheid en geriewe vir alle toeriste.
Dit bestuur finansies en personeel doeltreffend.
Dit bevorder volhoubare en omgewingsvriendelike praktyke.
Werklike aantal besoekers oorskry die teikengetal besoekers.
Besoekersgetalle by toeriste-attraksies hang af van die tipe, grootte, ligging en gewildheid van die plek. Groot attraksies soos Disneyland trek miljoene besoekers per jaar, terwyl kleiner plekke minder lok. ‘n Minimum aantal besoekers is nodig om koste te dek, en hoe meer die werklike getal die teikengetal oorskry, hoe groter is die wins en sukses. Die voorbeeld van Tafelberg toon hoe stygende besoekersgetalle ‘n attraksie se volhoubaarheid en sukses versterk.
Herhaalde besoeke.
Die meeste besoekers kom net een keer per jaar na ‘n toeriste-attraksie. Suksesvolle plekke moedig herhaalde besoeke aan deur programme soos jaarlikse lidmaatskappe of spesiale kaarte, soos Tafelberg se Kabelkar-kaart vir gereelde besoekers. Dit help om meer besoekers te behou en inkomste te verhoog.
Inkomste oorskry teikenbedrae.
Suksesvolle toeriste-attraksies verdien meer as hul begrote inkomste. Hulle steun nie net op toegangsfooie nie, maar moedig besoekers ook aan om ekstra geld by restaurante, kafees en winkels op die perseel te bestee. Dit help om hul wins te verhoog en finansiële doelwitte te oorskry.
Positiewe uitwerking op die plaaslike gemeenskap en omgewing.
’n Suksesvolle toeriste-attraksie weerspieël die kultuur en erfenis van die gemeenskap, en kweek trots en betrokkenheid. Sommige attraksies, soos Tafelberg met sy “Our Class in the Clouds”-program, bied spesiale inisiatiewe om minderbevoorregte groepe te ondersteun en betrek die gemeenskap aktief by bestuur en opvoeding.
