Sentences Flashcards
(500 cards)
1
Q
iciohuiltilia
A
Abelardo quiiciohuiltilih itatah Juan pampa motlalohqueh tlahuel chicahuac quemman ihhuiyah quipaxalotoh ipipi.
2
Q
titilica
A
Abundio ilazoh
cotonqui pampa tlahuel titilicatoya.
3
Q
pannamaca
A
Adela nochipa yohui onpannamaca Tepenahuac pampa ne tlahuel quinamaca miac.
4
Q
matiltia
A
Adolfo quimatiltih iicniuh quemmaniuhqui moihcuilozceh pan caltlamachtiloyan.
5
Q
nehnequi
A
Adrian campa mochihua zan quinehnectoc tlatehuiz.
6
Q
folzahtemi
A
Adrian folzahtemitoc ica alaxox pampa quiichtequito canahya.
7
Q
quechtzacua
A
Adrian moquechtzauctoc pampa quionic atl cecec.
8
Q
ixoni
A
Adrian quemman ontlaamaca itorohhuan zan quiixonih atl huan niman ixtemo.
9
Q
cocohuilia
A
Adrian quicocohuilih iicxi Maribel campa cocohtoya.
10
Q
ololoa
A
Adrian quiololoa cuamecatl pampa tlahuel tlatzacuilia.
11
Q
tlamiitta
A
Adrian quitlamiitta quen quichihchihuah ichan Mario pampa quinequi momachtiz quen calchihuah.
12
Q
cuatlallamiqui
A
Adrian tlahuel cuatlallamiqui pampa meuhcatzan cuecuetztzin axquineltoca tlen quiilliah cequinoqueh.
13
Q
comalnamaca2
A
Adriana ayocquinequi quicomalnamacaz itionan pampa axcanah cualli quitlaxtlahuia.
14
Q
cualohua
A
Adriana ieuh tlahuel cualo pampa axcanah quitonalhuatza.
15
Q
cuatemi
A
Adriana nechmahcahuilih ce tetl pan notzontecon huan naman nicuatemitoc.
16
Q
atemo
A
Adriana quemman tlachcuenia quihuiyonihtiuh iyoyon pampa quinequi ma atemo.
17
Q
cacaloa
A
Adriana quicacaloa tlaxcalli tlen mocahua pampa quiamatic quicuaz cacatztic.
18
Q
matlatzinia
A
Adriana quimatlatzinih
ce telpocatl pampa quihuicayaya ma mihtotiti huan ya axquinecqui.
19
Q
huilani
A
Agustin quemman ihuinti nochipa quinequi quihuilanaz ihuehpol pampa
axquihuelitta.
20
Q
ahhuechchohua
A
Ahhuechchouhqui nocin pampa axcanah niccalaquih.
21
Q
xelihui
A
Ahuahqueh quihuitecqueh ne mancohcuahuitl; naman xelihui huan huactiuh.
22
Q
itonalpotehui
A
Alberto axcanah quiamati tequitiz tonalixco pampa quemman mitonia tlahuel itonalpotehui.
23
Q
pitztla
A
Alberto huanya icihuauh quimahuiliah quipitztlazceh ininconeuh pampa quicochtecah tlatlahco.
24
Q
zotlahua
A
Alberto quemman yohui Chicon tlahuel quizotlahua quen mihyotia tepozcacalachtli.
25
elmelania
Alberto quemman yohui millah axquinequi quielmelaniz imorral, ya quinequi quimamaz.
26
omehuia
Alberto quiomehuiah quemman yohui caltlamachtiloyan pampa quinequih quicuilizceh itomin.
27
tlaoniltia
Alberto quitlaoniltih Martin pampa axquinequi tlaoniz icelti.
28
tlahuelchihua
Alberto tlahuel tlahuelchihua ichan pampa axcanah quimacah miac tomin.
29
tlancuitzihui
Alejandra quemman mocicinia nochipa tlancuitzihui huan quiahhua inanan.
30
ezquixtia
Alejandra quicuahqui ce zahuatl icuitlapan huan naman mocococuapqui; huan yeca quiezquixtia quemman ahhuayohua.
31
zoquiyoquixtilia
Alejandra quizoquiyoquixtilia itecon tlen ica quipahpacqui amelli.
32
pipitzoa
Alejandra, nopa chachapalli tlen eltoc tlalchi axcanah xictequihui pampa quipipitzqui
chichi huan axtlapahpactli.
33
coyonia
Alejandro quicoyonia ce acatl pampa ichocho quitlatlaniliah ce ahahuilli campa momachtia.
34
ihtoma
Alejandro quiihtoma iicniuh pampa cualli quitatacatztoqueh pan ne cuatomactli.
35
conehuahtiya
Alicia conehuahtiya; huan naman mocualtlalizza, huallaz iyexnan.
36
tequimaca
Alicia nochipa quitequimaca itonanan quemman yohui ichan conpaxaloa huan cualani.
37
copina
Alicia quicopina elotl imillah para quichihuaz xamitl.
38
ateca
Alma nochipa
| ateca icaltech pampa tlahuel tlalpopoxoah piyomeh.
39
ixnehuia
Alma quena quiixnehuia queniuhqui quiquixtiz inextamal para mahtlactli tequitinih.
40
itzquia
Alma quiitzquia ne
| piyo para quimatiz tlan tlamayohui.
41
tlapotehui
Amelco tlahuel tlapotehui pampa micqui ce tlacuachin huan axacah quiquixtih.
42
cuaquiza
Amelia cheneh cuaquiza pampa maltia ica atl tlen tlahuel totonic.
43
pepetlaca
Ana icihuapil tlahuel pepetlaca ipipilol pampa yancuic quicouhtoc.
44
calpanoltia
Ana mohmoztlah ce yahuatzinco quicalpanoltia pantzin canahya quemman quinamaca.
45
coztilia
Ana quemman monamictih quicoztilihqueh eyi coztli yahyancuic.
46
cuatilana2
Ana quicuatilanqui iconeuh campa itztoya pampa axtlen polihuiyaya quixotlazquia
tepozcacalachtli.
47
mahtequia
Ana quimahtequia iconeuh quemman quiitzquia tlalli.
48
ixtlatzinia
Anastacia quiixtlatzinih yahuatzinco Epitacia pampa mocuiliah ininyoltzin.
49
cuatepehua
Andrea quicuatepeuhqui iyoyon pampa ayocquicui.
50
ihyoquixtia
Andres quemman tlapahpatzcayaya quiihtiteleczac ce huacax huan quiihyoquixtih.
51
ahcoltlalana
Andres quiahcoltlalanqui iconeuh huan quiahcolcopinqui; naman axcanah hueli tequichihua.
52
tecahuetzquiltia2
Andres quiamati ne ichpocatl, yeca tlahuel quitecahuetzquiltia.
53
huatania
Andres quihuatania ipitzo pampa axtetic huan quitlani.
54
ihyeya
Andres tlahuel quinihyeya ichochohuan.
55
poztequi2
Andres, ne motlaquetzal quipoztecqui ne motoroh; quicuatopeuhqui pampa quinequiyaya quizaz.
56
oniltia
Angel ontlacuahqui huan naman mooniltia atl pampa mocuitztoc.
57
nequilia
Angel quinequiliah totomochtli pampa campa tequiti quichihuazceh chichiquilli.
58
matlacihui
Angel tlahuel matlacihui huan yeca axacah quinequi quitequimacaz.
59
pancuahcualo
Angel tlahuel pancuahcualo pampa tlahuel etic quimamahtoya ne amporah tlen ica tlapahtiyaya.
60
cacatzoa
Angelica quicacatzoa cafen para quinamacaz pampa miac quipiya.
61
chichina
Angelica quicua ce alaxox, quichichina iayo huan ipachcho quiquixtia.
62
panoltilia
Angelica quipanoltilih tlaxcalli ichocho pampa axahci huan axquinequi moquetzaz.
63
yacatzacua
Angelina quemman ce conetzin axcanah quinequi pahoniz, quiyacatzacua huan quemman camachaloa quicamatlalhuilia pahtli.
64
cocoxotza
Anna
| quemman quipahpaca icon quicocoxotza huan quitohtoxoma chicahuac pampa quinequi ma cualli quiza.
65
mohcuenia
Anna mohcuenih campa mocehuihtoya pampa peuhqui quicuah axcanelimeh.
66
canmacui
Anna quiamati quicanmacuiz itetah quemman quiitta miacca quipiya.
67
tlamahmani
Anna tlahuel cualani quemman yohui tequiti huan hualahci ichan zan tlamahmantoc.
68
piloa
Anna tlahuel quicualania ipitzo pampa iloh tlen ica quiilpia nochipa quicotona quemman mopiloa.
69
cocozmiqui
Antonio mocahcayauhqui quemman quicuahqui ce tlaxcalli; quipiyayaya ce chilli huan peuhqui cocozmiqui; inanan peuhqui quimaca iztatl para ma mocualtlali.
70
cualchihchihua
Antonio nochipa quincualchihchihua notatah icuabancoh pampa ahachica tetlaneuhtia campa oncah ce tlaixpiyalli.
71
matetiya
Antonio tlahuel matetiya pampa nochipa quitlalana cobetah ica atl.
72
ahhuialia
Apazotl quiahhuialia etlacualli.
73
apopoloca
Apopolocac nomah pampa cemilhuitl nitequitic nomillah ica macheteh.
74
icxinecuiloa
Araceli moicxinecuiloh quemman quiittac itetah huan yahqui motlaltiyahqui quiittato.
75
huahuana
Araceli quihuahuana icuitlapan pampa quicuahqui ce tlazolmamah.
76
chomonia
Aracely inanan quemman tlachicuenia, achtohui quichomonia iyoyon pan xapoh para ma zoquiyamaniya.
77
capani
Aracely iteccac nelcapani quemman mihtotia.
78
ixcualchihua
Aracely nochipa huahcahua quemman moixcualchihua para yaz ce tlaixpiyalli.
79
cuahuizoa
Aracely quicuahuizoa ichocho pampa tlahuel tzahtzi.
80
amaca
Aracely quiilliah ma quiamaca ipitzo pampa tlahuel tlatotoniya.
81
quequeloa
Aracely quiquiqueloa Manuel pampa axcanah quinequi huetzcaz.
82
motzquia
Armando quemman ontlacohua tianquiz
| nochipa quihuica itomin tlen motzquitoc pampa motlepanitta.
83
pipilica
Arnulfo ialaxoxcuauh pipilica pampa tlahuel tona.
84
yolahci
Axhueli
| niccua miac aholchancacah pampa tlahuel niman nechyolahci.
85
cuaixpoyahualtia
Axnechcuahuelitta ne cuapahtli tlen moahaloa nopa pampa nechcuaixpoyahualtia.
86
tlaahhuechhuetzi
Axnicnequi niyaz millah cualcan pampa tlaahhuechhuetzi huan xoloni nochi xihuitl campa eltoc ohtli.
87
cuapilia
Ayicanah niccuapilia Alejandra tomin pampa ayicanah nimotlanamaquiltoc.
88
cuaxilhuia
Azucena nelcuaalaxtic pampa onmocuaxilhuih.
89
amana1
Basilia amantoc huan yeca axquinequi panquizaz pampa teipan tlihuetzi.
90
tequichihua
Benito icihuauh nochipa yohui ontequichihua ichan iyexnan pampa axcanah tlatzihui huan cualli huanya mohuica.
91
tlallamiqui
Berenice neltlallamiqui pampa pan caltlamachtiloyan quiquixtia nochipa mahmahtlactli pan iamauh.
92
cacalaca
Berta iconeuh tlahuel quiamati quen cacalaca cuatecomitl quemman quihuihuixoa.
93
tlatilia
Bertha quitlatilih icoton iconeuh pampa tzayantoyaya huan zozolticca.
94
xolehua
Beto quixoleuhqui ne cuapuertah pampa quitzaucqui chicahuac.
95
meltzimia
Bety mahmahui quemman meltzimia inanan pampa piltenantzinya.
96
locotzoa
Brenda quilocotzoa icueh pampa cheneh huehueyac huan zan pan moquehquetza.
97
caxania
Cacahuaxihuitl quicaxanih imetz Leobardo quemman mococohtoya.
98
xitlahua
Calchiuhquetl
| quixitlahua tepoztli tlen ica quichihua tlaquetzalli pampa tlahuel huihcoltic.
99
tlapichini
Campa cochih piyomeh mocauhtoc atl huan quemman moxixah tlahuel tlapichini huan axcanah huaqui inincuauh.
100
tlapani
Campa itztoc noma oncah ce pilaltepetzin tlen quiilliah Tlapani huan eltoc campa tlami ixtlehcolez.
101
ahcomana2
Campa quintzacuah piyomeh moahcomanah pampa quiittah coyochichi.
102
pocmiqui
Candy tlahuel pocmiqui pampa axquinequi lemeniz itlicuauh.
103
campotza
Carina nochipa quicampotza itlacual quemman tlahuel mayantoc zo quemman tlacua carrerah.
104
achipini
Carla achipini iyoyon pampa axcanah quiapatzcac quemman quipatlauhqui.
105
ixillamiqui
Carla axquiixillamiqui imachicniuh pampa quipiya miac xihuitl axmoitztoqueh.
106
etoca
Carla itatah etoca pampa nechcaya huallauh ilhuitl.
107
manahnahua
Carla quemman tlaceceya axquemman quinemiltia icoton tilahuac huan zan momanahnahua.
108
ihyalquixtia
Carla quiihyalquixtia ipilconeuh pampa quimacac miac piletzin.
109
mixihui
Carla quiillih itatah ma conitta ipitzo pampa mixihuiya pan ne cacalican.
110
ixnextia
Carla quiixnextia ne yoyomitl ica ce iloh tlen ceyoc itlachiyaliz pampa axcanah neciyaya canica iixco.
111
temitia
Carla quitemitih tlahuel ichiquiuh pampa inanan quichiuhqui miac chichiquilli.
112
tlamachihua
Carla quitlamachihua ce piyo quezqui etiya pampa quinequi quinamacaz.
113
yoyonnamaquiltia
Carla quiyoyonnamaquiltih ichocho pampa axcanah quiamatqui icoton tlen quicouhqui tianquiz.
114
manextia
Carla zan quimanextia amoxtli quemman quitlahtlanilia iicniuh pampa axquinequi
moquetzaz.
115
zoquiyohui
Carla, axcanah xichuatani moyoyon tlalchi pampa zoquiyohuiz.
116
zaca
Carlos
itatah quizaca cintli pan cahuayoh meuhcatzan tlahuel tlaahuetzi pampa teipan tlatemiz huan ayoccanah hueliz quiixpano atl.
117
tzinquiza
Carlos axquinequi ma quitlahpalo Juan; yeca quemman quiitta tzinquiza.
118
huitzquixtia1
Carlos calactoc huitzquixtia pan iteccac.
119
icxitamachihua
Carlos moicxitamachihua nochipa ce teccactli quemman mocohuia pampa axquinequi ma quiicxicoco.
120
eztema
Carlos momacuapachoh ica cuapuertah huan naman moeztema.
121
tlamiltia
Carlos quemman axcanah quinequi tequitiz zan contlamiltia nahui pamitl imillah quemman tlamehua huan mocuapaya ichan.
122
tlaixpiya
Carlos quemman yohui ontlaixpiya zan quinpahpatla ichpocameh tlen ininhuanya mihtotia.
123
camatema
Carlos quicamatema miac etl quemman tlacua zan huanya ichocho.
124
mapohpohua
Carolina, xicmapohpohua mochocho, ¿axtiquitta nelmazoquiyoh.
125
ihtitemi
Catalina ihtitemic pampa tlahuel quicuahqui piletzin huan naman tlahuel mihyexticah.
126
zonehua
Catalina mozoneuhqui pampa tlahuel quicuahqui piletzin.
127
tzintlanquechia
Catalina quitzintlanquechih ce chichi yalhuaya huan quicoyonih icoton.
128
capana
Ce acahya quemman tlamahmauhtia, quicapana imah huan quichihua ma yacan tlapiyalmeh.
129
huihuiti
Ce notequixpoh peuhqui huihuiti pampa huetzqui huan mocuatehtzonqui.
130
ihyomictia
Ce tlacatl quiihyomictih itatah pampa quinequi mocahuiz nochi tlen quipiya.
131
ichtequilia
Ce tlatzcatlacatl tlahuel quiichtequilia noahui itamaxocouh
| huan yohui connamaca campa huinohnamacah.
132
mahmahuiltia
Ce totlayi chihchicueyi yohui tianquiz pan itepozcarroh huan quinhuica macehualmeh, zanpampa axcanah nelliya melahuac tequiti pampa zan mahmahuiltia quemman tlamaneharoa.
133
elmoyahua
Ce totlayi quinequiyaya tlaoniz huan axcanah huelqui pampa nopa huinoh quielmoyauhqui pampa tlahuel chicahuac mihyotia.
134
icpohuia
Celia nochipa quiicpohuia icobetah quemman onatlacui.
135
itta2
Celtzin mohmoztlah quiitta ichichi campa cochtoc.
136
illamiquiltia
Celtzin quillamiquiltih inanan tlen tlahuica caltlamachtiloyan.
137
cenatiya
Cenatixtoc nomantecah
| pampa eltoc inechca tlitl.
138
centiya
Centixtoc ichan
| Victor pampa itztoqueh tlen cualli tlatzotzonanih huan quiamatih quen tlatzotzonah.
139
cepohui
Cepouhqui noicxi pampa tlahuel nimihtotih.
140
ohtlalia
Cesar ohtlalia tlahco itlalhui campa panozceh tequitinih pampa tlahuel oncah xihuitl huan zacatl.
141
coztiya
Chalchocotl quemman pehua iucci coztiya yehyectzin huan yahyamaniya.
142
tlacahuani
Chan notonanan mohmoztlah tlacahuantoc itlanempan ce tlayohual pampa axquinequi ma calaquican tlaichtequinih.
143
tlatlaneci
Chicuextica tlaahuetzi huan tlatlanezqui.
144
ehua1
Chicueyi ehuaz ipilconeuh nopipi pampa nelneztocca iihti.
145
potehui
Chicueyiya Jorge micqui ichichi ne cuatitlan huan naman quitocato pampa nelpotehuiyayaya.
146
chipini
Chipini atl tlen quipiya ne peztetl pampa xolontoc.
147
cocoa1
Cocohtoc noicxi pampa nimoicxilecuenih.
148
ixtzintlatlayohua
Conemeh, ximoihcihuiltican tlan innehnemih pampa ixtzintlatlayohuaya huan timahmahuizceh.
149
cuapilihui
Cuapiliuhtoc miac cuahuayohtli pan mancohcuahuitl.
150
tlapohui
Cuapuertah tlen nochan tlapohui quemman huallauh ce ehecatl nelchicahuac.
151
ixtlapachihui
Cuaxicalli tlen pan atli pitzomeh nochipa ce tiotlac ixtlapachihui pampa pehuah mohuilanah.
152
aixhui
Damian icahuayoh tlahuel aixhuic quemman quiamacaqueh huan naman tlahuel yolic nehnemi.
153
iztlacahuia
Damian inanan tlahuel quiiztlacahuia iconeuh pampa quiillia icihuauh quipiya ceyoc.
154
toloa
Dany axhueli quitoloa pahtli pampa tlahuel quechtemi.
155
acalaquia2
Dario quemman quiahaltia icahuayoh nelquiacalaquia nochi pampa axquinequi quiahatequiz.
156
icxiganchohhuia
Dario quiicxiganchohhuih ichocho huan mixtlapalhuetzito pan tetl.
157
xima
Delfina nochipa
| quixima alaxox quemman quichihua alaxoxatl.
158
ilhuichihuilia
Delfina quiilhuichihuiliz iconeuh ce chicueyi pampa quiahxitiz eyi xihuitl huan ahcizceh iteixmatcahuan.
159
icxihuihuitoca
Delfina tlahuel icxihuihuitoca quemman huahcahua locotztoc pan itequiuh.
160
tlapepetlaca
Delia ichan cotonqui icoz; naman yehyectzin tlapepetlaca tlalchi quemman quiahci tlahuilli.
161
cuahuaqui
Delia quiilpia itzoncal quemman cuahuacquiya pampa axquinequi ma quitlanahui.
162
tlachilia
Delia quitlachilia iicxi tlan axezquiza pampa motehtzonqui.
163
huetzquilia
Diana nochipa quihuetzquilia iicniuh pampa axtlen hueli quichihua.
164
lemenaltia
Diana quilemenaltia itliuh
| pampa quinequi niman ma iucci ipileuh.
165
molonia
Diana quimolonih piyotlacualli pampa ahciquiya inanan huan axtlacuahtoc.
166
iztalihui
Diana tlahuel iztalihui pampa quemman itztoya Mexco quitlaichtequilqueh huan
tlahuel motemahmauhtih.
167
tlazoltepehua
Diana tlazoltepehua ichan quemman motlachpania.
168
cuitlapiloholinia
Diego ichichi mocuitlapiloholinia pampa quinitta itequixpoyohuan.
169
itonalquiza
Diego tlahuel itonalquiza quemman yohui onmotlaloa ohtli.
170
yoltilana
Dora tlahuel quiyoltilana ce pantzin pampa tlahuel mayantoc.
171
icxicepoya
Edgar icxicepoya quemman mocehuia huahcauhtoc.
172
ezhuia
Edgar nechezhuih ica imah quemman momatecqui.
173
cocopica
Eduardo cocopica iteccac quemman yohui millah pampa tlahuel tlahtlatzquia pan zoquitl.
174
pazhuia
Eduardo ichichi tlahuel tepazhuia pampa zan quinaxixa xochimeh.
175
icxitlamachihua
Eduardo moicxitlamachihua ce teccactli tlen quiamatqui ne tianquizco.
176
chahcha2
Eduardo quichahchac iicniuh quemman mahuiltiyayah.
177
nechicoa
Eduardo quinechicoa cintli para quitemaz pan ce coxtalli.
178
tehtequi
Eduardo quitehtequi nacatl pampa tlapiquiz inanan.
179
temahmauhtia
Eduardo quitemahmauhtih ce miccatzin pan ne ahuayoh quemman yohuiyaya tlaixpiyati.
180
tentia
Eduardo quitentia ihuincaroh pampa quinahuatiah ma tlaixhuitequiti.
181
cochhuetzi
Eduardo tlahuel cochhuetzi tonayan pampa axniman cochi tlayohua.
182
matlalana
Efren axquemman momatlalana caltlamachtiloyan pampa mahmahui zaniloz.
183
mehua1
Eleazar axquemman tlamehua imillah, yeca quimacocoh azadon.
184
cafentequi
Eleazar cafentequi imillah.
185
icxipepezoa
Elena cualani pampa quiicxipepezoa ichocho quemman cochtocca.
186
atoloni
Eliazar atoloni miac ichan pampa inanan tlahuel ahhuiac quichihchihua.
187
tititza
Eliazar peuhqui quitititza iicxi pan iteccac huan axhuelqui calaqui pampa cuecuetztzin.
188
totonia
Eliazar quemman yohui ichan huan axcanah quionahci inanan zan icelti quitotonia itlacual huan
tlacua.
189
cahuilia
Eliazar quicahuilih yaz ce hueltah caltlamachtiloyan quemman mococoh.
190
cuatopehua
Eliazar quicuatopeuhqui ce pitzotl huan quiicxicocoh.
191
ihuintia
Eliazar quiihuintih itatah quemman mochiuhqui chan Esther.
192
ciohuiltia
Eliazar tlahuel quiciohuiltia icahuayoh pampa quitlamamaltia mohmoztlah.
193
pachoa
Eliazar, ne mopiyo quipachoaya itecciz, hueliz quinequiya tlapachoz.
194
maceceya
Elida iconeuh tlahuel maceceya quemman axcanah quipiquih ica tlaquemitl.
195
icxixolonia
Elida quiicxixolonia ichocho; teipan pehua totoniya huan inanan pehua cualani.
196
tlatelhuia
Eliseo quemman quimaquiliah caltlamachtiloyan nochipa motlatelhuia ica itatah.
197
tlayehyecalhuia
Eliseo quemman yohui caltlamachtiloyan tlahuel zan quitlayehyecalhuia tlamachtihquetl pampa axcanah quimacahua ma quiza mahuiltiti.
198
cuacocoa
Eliseo quicuacocoh ipipi quemman quitequiyaya alaxox pampa tlahuihuixqui huan quiahcito pan itzontecon. 2. nech. Tlaicpohuilli tlen etic quichihua ma tliquiza macehualli itzontecon.
199
macua
Eliseo quimacua ipipi quemman quitlamaca pampa ya axquiamati queuhquinon.
200
chipahuiya
Eliza chipahuiya icoton pampa axniman quiihcuenia quemman eltoc tonalixco.
201
lechioni
Elizabeth ichan lechionih ce yahuatzinco huan axcanah tlacuah niman.
202
tlalochtia
Emilia quitlalochtia
| iconeuh pampa quitehuih itotatah.
203
cuatilana
Enedina quicuatilanqui ichocho quemman quixilhuiyaya.
204
cuitzoa
Enedina quitlamacayaya nototouh huan quicuitzoh pampa axquiamacac.
205
tzontlamiltia
Enrique axquemman quiahhuah pampa ya quitzontlamiltia itequiuh tlen quinahuatiah.
206
tecaitta
Enrique quemman huanya zanoloa itlayi quiillia zaniloa zantequitl, ya zan tecaitta huan axcanah cualli.
207
tlacualtequia
Ernesta quitlacualtequia itatah pampa onahcico millah huan tlahuel mayana.
208
amizahhuia
Esteban huan Joaquin quiahaltitoh ininpitzo
| huan amizahhuih pampa axcanah hueli ahqui.
209
chilmola
Esther quemman quichihuilia ipapa itetah, chilmola huan ica inon quitlachilhuilia.
210
pechoa
Esther quipechoh itepozcobetah pampa
| quitlahuizoh quemman quihuallicayaya atl.
211
huahuatatza
Eulalio quihuahuatatza ipilpitzo pampa axquinequi yaz.
212
ezzoquixtia
Federico tlahuel quinpiya cocomeh pan iixxayac; tlahuel quintotopotza huan quinezzoquixtia.
213
cinzaca
Felipe calactoc cinzaca pampa chicueyi quinamacati tianquizco huan polihui quioyaz.
214
tecohuia
Felipe quemman cinzaca nochipa quitecohuia tepozcacalachtli huan niman tlami.
215
axcatia
Felipe quiaxcatih iixhuiuh nochi itorohhuan huan ichan pampa tlahuel quiicnelia.
216
icxicualocotzihui
Fernanda icxicualocotzihui ahachica pampa axmopiqui quemman cochi, huan yeca axica yohui.
217
tecciztemo
Fernando quemman quitlalanqui ce cuachiquihuitl cintli tecciztemoc pampa tlahuel etic eliyaya.
218
tequetza
Fidel motequetza pampa quinitta cihuameh xolotiqueh pan tepoztlamahuizolli.
219
chiltoca
Flor chiltoca imillah pampa naman nelipohual.
220
tepotlamia
Flor quemman ixtemoyaya pan tepetl motepotlamih huan huetzito huahca.
221
poyeltia
Flor quipoyeltia itix pampa quichihuaz piquiz huan echichiquilli.
222
pitzocohua
Floricelda itatah tlahuel pitzocohua pampa quinmictia chihchicueyi huan nacanamaca tianquiz.
223
huatza
Floriselda quihuatza iyoyon pampa xolonqui yalhuaya.
224
ixchohchoca
Francisca ixchohchoca quemman quiza pan tonatiuh pampa tlahuel tlamina.
225
ixtlamati
Francisco cualli ixtlamati pampa momachtih pan Universidad Veracruzana, huan naman quipiya ce cualli tequitl.
226
camatlahtlachilia
Francisco quemman quinamaca ce pitzotl achtohui quicamatlahtlachilia tlan axcanah axoloyoh.
227
cuahuihuichihua
Francisco quemman tlapahtih imillah itztoya iconeuh huan quicuahuihuichiuhqui pahtli; peuhqui zaniloa tlenhueli zanilli huan nemiyaya quence ihuinti.
228
camanaloa1
Gabriel tlahuel camanaloa quemman quinhuanyaitztoc itequixpoyohuan.
229
tlatequi
Gerardo chicahuac tequiti pampa neltlatequi imacheteh.
230
tentlapohui
Gerardo itotatah ichopi tlapanqui itentzaucca huan naman zan tentlapohui huan toyahui iauh.
231
copalhuia
Gerardo quemman ilhuititlan achtohui quitlalia tlaixpan ichichiquil
huan teipan quicopalhuia.
232
atzompolihui
Gerardo quemman yohui onmaltia hueiatl nochipa atzonpolihui huan quimoyahua atl.
233
huanyamahuiltia
Gerardo quinhuanyamahuiltia momachtianih tlen cuecuetztzitzin huan quincocoa pampa ya huextic.
234
cuexhuetzi
Gloria inanan quemman pano ohtli nochipa cuexhuetzi pampa axcualli mocuexilpia.
235
cuaxitlania
Graciela nochipa mocuaxitlania quemman zoquitl pampa axmomattoc pan nemiz.
236
ixhuitia
Herlindo moixhuitih pampa quicuahqui miac elotl.
237
ixpoloa
Herminio inanan quiixpoloa iixhuiuh tlen tlaahcitoc huahca pampa axcanah ahachica quipaxaloa.
238
melactoloa
Hilaria iconeuh ayicanah hueli quimelactoloa pahtli quemman quioni pampa nocca cuecuetztzin.
239
atequia
Hilario quiatequia ichocho pan itzontecon quemman axquinequi maltiz.
240
atimia
Hilda mohmoztlah quiatimia iconeuh pampa axquinequi ma motemacan acilimeh.
241
tlancualo
Huahcauhquiya macehualmeh tlahuel tlancualoyayah pampa axcanah mopahtiyayah.
242
tenxima
Huahcauhquiya piltetahtzitzin mocahuiliyayah inintentzon huan naman tlen telpocameh zan motenximah.
243
huahuapaca
Huahuapaca tlitl huan tlachixtoc ica campa quimati huallaz ce acahya paxaloqui.
244
panquiza
Huayohtli tlen Tecomate panquiza ce tepecoatl.
245
ixpiya
Huehuetlacatl quemman axtlen quichihua campa tlaixpiya, ya quiixpiya
tlacualli para ma axcanah momacalaquican cequinoqueh.
246
xitomi
Huetzqui pilconetzin pampa xitonqui lazoh tlen ica quiilpitoya tohuahtli.
247
toyahui
Huetzqui tecomitl huan toyauhqui atl.
248
huihuitiya
Huihuitiya tlamachtihquetl quemman zanzampa quinohnotzah momachtianih.
249
ixtzintlayohua
Ica tlayohuaya ticpaxalotoh noahui huan quemman timocuapayayahya nopa techihcihuiltih pampa peuhqui ixtzintlayohua huan axcanah titlachiyayayahya.
250
panneci
Icaxah noahui tlen micqui panneztoc pampa huetzqui atl huan tlalhuahuanqui.
251
xolehui
Icelti xolehui ne caltepamitl pampa axcanah quitatacatzqueh cualli quemman quichihchiuhqueh.
252
huiyoni
Ichan notatah quipiya miac xihuitl huiyontoc ica lizton
| pan cuapuertah.
253
tlanemiltia
Ichichi Pedro tlanemiltia, yeca axquinequi ma quimaquilican.
254
acalaqui
Icihuapil Juan quiamati acalaquiz, yeca ahachica mococoa.
255
tlahcotlatlapaca
Icon Ana tlahcotlatlapacac pampa quitlahuizoh quemman quiicpohuihtoya.
256
tlipitza
Idalia tlipitza pampa cheneh tlaceceya huan notiotah quinequi mototoniz.
257
tlayohua
Imachicniuh Delia tlahuel quiza tlayohua quinonitta itequixpoyohuan.
258
ihtihuitoni
Imelda tlahuel ihtihuitoni pampa mohmoztlah quipiya miac tequitl huan axcanah tlacua quemman mayana.
259
ixcui
Irma quiixcui atl pampa tlazolloh.
260
tzopeliltia
Isabel quitzopeliltia icafen ichocho pampa nocca cuecuetztzin.
261
xolonia
Isabel quixolonih ichocho pampa axcanah quiittac huan yeca naman tzahtzi.
262
huetzquiltia
Itatah Lidia tlahuel tehuetzquiltia pampa quimati miac camanalli tlen huahcapatl.
263
ixtlatlayohua
Ixtlatlayohuac conemeh, achi cualli ximocotztihtilanacan pampa na axnichuallica tlahuilli.
264
macopina2
Izabel yehyectzin tlamacopina huan naman quitequimacaqueh pan ce huei calli.
265
papachaca
Jacinto quitequiyaya cocah huan yonce axquicuahqui pampa nochi papachacac tlalchi.
266
xitlahuilia
Jaime quemman yohui ichan itonanan zan quixitlahuilia ohtli huan niman ahci.
267
tlahcopoztequi2
Jaime quitlahcopoztequi ohtlatl para ica tlatzacuaz.
268
tlaztla
Jaime quitlaztla miac iichpocauh huan tlahuel cualani quemman quinohnotzah telpocameh.
269
tezaca
Jaime tezaca huanya itex pampa quinequih quichihuazceh ce calli ica yainon.
270
lilichitza
Jamie ayoccanah maltia pan hueiatl pampa zoquiyoh huan teipan pehua molilichitza.
271
calani
Javier quemman nehnemi tlahuel calantiuh pampa quiicxicocoa iteccac.
272
atocohua
Javier, xicpalehuiti mochocho pampa atocohua.
273
mahcahua1
Jesica quicuamahcauhqui iteccac tlen zozolticca pan tlazolli.
274
tamachihua
Jesus ahachica onmotamachihua campa tepahtiah, pampa tlahuel mococoa.
275
tzonpechia
Jesus cheneh huanya mahuiltia ichocho huan quitzonpechia quemman ya quinequi.
276
cualancamaca
Jesus tlahuel quicualancamaca itatah quemman quinahuatia ce tlamantli huan axcanah quitlacaquilia.
277
cuatacania
Joaquin quemman ahci tiotlac ichan iicniuh nochipa quicuatacania; teipan pehua tzahtzi.
278
cuaixpoyahua
Joaquin quemman tlapahtia millah iconeuh quicuaixpoyahua pahtli.
279
olinia
John campa momatectoya quiolinih pampa quitlalanqui ce tetl huei.
280
cenquiza
Jorge inanan quemman tlahtzoma
| cenquiza pampa iuhquinon axcanah mocuapoloa.
281
huahcaquiza
Jorge itlayi huahcaquiza pampa huihuiti, huan yeca iicnihuan quemmantzin axcanah cochih pampa quimahuiliah quizaz tlayohua.
282
iyocaquiza
Jorge iyocaquiza pampa quinequi motequimachtizza icelti.
283
huihuixica
Jorge mococohqui; naman zan huihuixicatoc pampa tlahuel quixixicoh cocoliztli.
284
tocaroa
Jorge nochipa quitocaroa
| tequitl huanya itiotah pampa cualli tequitih.
285
elchiquimina
Jorge quemman yolpactoc nochipa quielchiquimina inanan huan quitemahmauhtia.
286
ixmictia1
Jorge quiixmictih tezcatl tlen eltoya tlanempan pampa tlahuel tona.
287
huehueyaquiltia
Jorge quinahuatiah ma cuahcuahuiti huan axcanah quihuica lazoh; quicui cuamecatl huan iuhquinon quihuehueyaquiltia para quiahxiliz quiilpiz achi miac icuauh huan axcanah quiahhuazceh.
288
etequi
Jorge yalhuaya etecqui imillah Martin huan axcanah quiiltoya.
289
malacachoa
Jose
| momalacachoa huanya itequixpoyohuan quemman mahuiltiah tlanempan.
290
ihyotilana
Jose
| quemman atli ica popoteh nochipa quiihyotilana chicahuac huan meltzimia.
291
cacafeoni
Jose cacafeoniz huanya Flor pampa ayoccanah yahqui tequitito.
292
cafeoni
Jose cafeoni huanya Flor.
293
emacui
Jose huanya nochi
| iconehuan emacuih millah pampa quinequih tlamizceh niman.
294
cilihui
Jose iamauh nelciliuhtoc pampa
| quitlaltoya tlapan huan tlanqui quitzatzayatzah quimichimeh.
295
totomoca
Jose itepozcacalach tlahuel totomoca quemman quitlicuiltia pampa zozolticca.
296
icxinecuilihui
Jose nochipa icxinecuilihui quemman yohui millah pampa tetahya.
297
cuamapano
Jose quemman tlehco pan alaxoxcuahuitl yehyectzin cuamapano.
298
cehcentilia
Jose quicehcentilia pitetzitzin pampa ica mahuiltiz.
299
mahtzoloa
Jose quimahtzoloa chicahuac iahahuil para axcanah ma quicuilican iicnihuan.
300
tlamanteillia
Jose quintlamanteillia piltenantzitzin pampa tlahuel axtlatlepanitta.
301
chihquilihui
Jose quiquetztoya tlaquetzalli para quichihuaz ichan; axcanah niman quicencauhqui huan naman chihquiliuhqui.
302
tzinpehua2
Jose quitzinpehua ipitzo pampa quinequi ma maltiti atlauhco.
303
tliquiza
Josefa tliquiza iicxi campa quitecqui tetl huan pehua temalihui.
304
ihzotlaltia
Juan axquiamati quen mihyotia torohnacatl, yeca quiihzotlaltia quemman inanan quichihua tlacualli.
305
tlahuelmati
Juan Carlos tlahuel motlahuelmati huan axcanah quinequi quipalehuiz iicniuh pan itequiuh.
306
choca
Juan choca pampa quicocoa iihti.
307
tetilia
Juan quemman quitlalana tetl tlen huehhuei tlahuel motetilia.
308
cuecuechti
Juan quemman tlaoni zan cuecuechti pampa axquimati tlen quiihtoz, zan tlahtlatoa.
309
centlamiltia
Juan quemman yohui millah cualcan quicentlamiltia itequiuh pampa queuhquinon hueliz tepalehuia ceccoyoc.
310
huitonpano
Juan quemman yohuiyaya millah quihuitonpanoc ce coatl pampa
| itztoya neltlahcoohtli huan axniman quiittac.
311
ihyohuia
Juan quena quiihyohuia
| millah quemman tlamehua.
312
celhuilia
Juan quicelhuilia
| tlamachtihquetl amoxtli para quipohuaz.
313
tecpanoa
Juan quintecpanoh cuaciyahmeh campa mocehuiquih tlanahuatihquetl tlen Chicometepetl huanya itequiticahuan.
314
alpichia
Juan tlaalpichia zan chihchicueyi quemman toca pampa iuhquinon nelxoxoctic eli piltoctzitzin.
315
ihcihuiltia
Juan tlahuel quinihcihuiltia tlacameh ma tlamehuacan quemman yohuih compalehuiah.
316
quequelmictia
Juan tlahuel quiquequelmictia nochocho quemman mahuiltiah zancecco.
317
tominpatla1
Juan tominpatla pampa tlahuel quipiya pitzahuac huan quinequi amatomin.
318
caquiltia
Juana calactoc choca pampa Victor quicaquiltia tlen quiihtoyayah cequinoqueh tlen ya.
319
tzolihui
Juana icoton tzoliuhqui pampa quemman yahqui millah cuatacanqui pan cuahuitl.
320
cochilcahua
Juana inanan mocochilcahuilia quemman cochi pan cuaciyah huan quipechih ipilconeuh.
321
cochilcahuilia
Juana inanan mocochilcahuilia quemman cochi pan cuaciyah huan quipechih ipilconeuh.
322
tominpatla2
Juana itonanan quitominpatlac itenanpiyo pampa quinequiyaya tomin tlen ica mocohuiz iztatl.
323
calilpia
Juana nochipa calilpia ichan quemman yohui chan inanan pampa quiilqueh nemih tlaichtequinih.
324
quechtequi
Juana quemman piyomictia zan quinquechtequi.
325
camacalaquilia
Juana quicamacalaquilia ce pantzin ipilconeuh pampa quinequi ma quicua.
326
cemmaca
Juana quicemmacacca itomin iahui tlen quihuiquiliyaya.
327
izcaltia
Juana quiizcaltia itioconeuh Santos pampa inanan micqui.
328
paquiltia
Juana quipaquiltia ichocho pampa quiquequeloah huan quiillia tlamantli tlen quiamati.
329
ixcapania
Julia tlahuel
| quiixcapania iconeuh, huan quiilliah ma ayoccanah quimaquili pampa hueliz mocahua ixpitzin.
330
patla
Julian yehyectzin quipatla tlalli ica zacatl quemman tlapepechoa techan.
331
mactilia
Julio cualli quimactilia iichpocauh ne Martin pampa cualli tequitiquetl.
332
cuametzcaloa
Julio mocuaxitlanih
| quemman mahuiltiyaya huan huei cuametzcaloh.
333
yacaezquiza
Julio nochipa yacaezquiza quemman nemi pan tonatiuh pampa axcanah mocuatzacua huan totoniya itzontecon.
334
achipinia
Juventino icihuauh achipinia ce tlayohua ichan ica tlatiochihualatl quemman nochi cochihya.
335
cuaaltia
Karina axcanah quicuaaltihtoc iconeuh huan huexticca.
336
ompanoa
Karla quemman tlaceceya quiompanoa ichocho pampa axquinequi ma cececui.
337
inama
Karla quiinama itequixpoh tlen quitlaneuhtih tomin chicueyiya.
338
tlahcuilhuilia
Lala axquipaxaloa inanan, zan quiontlahcuilhuilia.
339
ixtliquiza
Lalo ixtliquiza pampa quicuahqui xopah huan moixihitzquih.
340
cochtlami
Laura cualli
| cochtlami pampa axniman mehua huan axacah quiihxitia.
341
mihxamia
Laura nochipa mihxamia ce yohuatzinco pampa tlahuel ixcuitlayoh quemman ihza.
342
cahtzontoca
Leobardo cahtzontoca imillah pampa nechcaya yancuic xihuitl.
343
camohtoca
Leobardo camohtoca imillah pampa yamanic tlalli.
344
cafencacatzoa
Leobardo inanan cafencacatzoa pampa tlanqui icafentlatix.
345
cotontia
Leobardo mocotontia ce yahuatzinco pampa yohui caltlamachtiloyan.
346
nacaztzacua
Leobardo monacaztzaucqui pampa calacqui axcanelin pan inacaz huan hueliz micqui.
347
oquichnequi2
Leobardo mooquichnequi pampa tlahuel tetic huan yeca tepehpehualtia.
348
ahaltia
Leobardo quiahaltia ichocho pampa mahuiltiyaya pan zoquitl.
349
camahuia
Leobardo quicamahuia Luis huan quiillia mocuiliz iichpocauh.
350
tlacaquilia2
Leobardo quitlacaquilia itatah quemman quiillia: «Ximomachti, axcanah zan xinehnentinemi».
351
tenatemo
Leobardo tenatemo quemman quiitta ce pantzin huan quiichtoca.
352
chantia
Leonardo quichantia inanan pampa tlahuel zozoltic ichan campa itztoc.
353
ixquilia
Leonor quiixquilia ce camohtli itatah pampa tlahuel quiamati.
354
tlancochtepehui
Leticia iconeuh tlancochtepehui huan yeca axquinequi tlacuaz pampa quicocoa.
355
atzehtzelhuia
Leticia quiatzehtzelhuih ixochiuh pampa quipixtoya cuanextli.
356
icxiyehyecoa
Leticia quiicxiyehyecoa quipatarahhuiz itatah quemman mocicinihtoc.
357
tlachpania
Lidia mohmoztlah motlachpania calihtic huan tlanempan pampa axquinequi ma motema miac tlazolli.
358
ehehua
Lidia mohmoztlah quiilliah ma tlaehehua campa cochi para ma axcanah tlapazolmanto nopayoh.
359
ixahci
Lidia moixahcic ica imah quemman quiitzquitoya chilli; naman tlahuel ixtliquiza.
360
cuacemmoyahua
Lidia quemman quicuailpia ichocho zan axhuahcahua mocuacemmoyahua pampa tlahuel quicuatilantoc huan quicocoa itzontecon.
361
nenequi
Lidia quemman xochitoca ahachica quiahatequia pampa tlahuel monenequi huan ya quinequi ma xochiyohua.
362
cuecuepoca
Lidia tlahuel xochitoctoc pampa quiamati quinittaz quemman pehua cuecuepocah.
363
maneloa
Lidia, xicmanelo ne piletzin tlen quihuatztoc monanan, tlaxque mitzahhuaz quemman ahciqui.
364
ilhuichihua
llhuichihua nonanan pampa ce noicniuh quiahxitih ixihuiuh.
365
yoyonnamaca2
Lucia quiyoyonnamaca itionan pampa ya mococoa huan tlahuel monequi tlaxtlahuilli.
366
amictia
Luis
| quiamictih ipitzo pampa ihhuiya tianquiz huan ahcico tlayohuaya.
367
cahuayohcui
Luis Miguel cahuayohcui:to quemman nocca tzintlayohua eliyaya huan quitemahmauhtih ce coatl.
368
tlamia
Luis moztla quinpalehuiz quitlamizceh quiixhuitequizceh ne comonmilli.
369
enamaca1
Luis nochipa quinahuatia iconeuh ma enamacati tianquiz huan ya quiahciti teipan.
370
machiyotia
Luis quemman yohui ontequiti nochipa momachyotia tlaixpan para ma axtlen quipano pan ohtli.
371
cuahuihuitilia
Luis quicuahuihuitilia imachconeuh quemman quipalehuia pampa quimaca huinoh.
372
icxiapolonia
Luis quiicxiapolonia iteccac pampa quemman itionan quicohuihqui axcanah quiicxitamachiuhqui.
373
maxima
Luis quimaxima
| chacahmeh icacalican pampa cheneh tlamapachiuhtoc.
374
tlahcoitta
Luis quitlahcoitta ialaxox pampa quinequi quimacaz achi iicniuh.
375
itonalmihyotia
Luis tlahuel itonalmihyotia pampa tlahuel tequiti huan axcanah maltia.
376
cuamomotzoa
Luis tlahuel quicuamomotzoa ipipi Sandra pampa axniman quitlamaca.
377
tiotlaquilia2
Luis tlahuel quitiotlaquilia iicniuh quemman tequitih millah huan yeca ayocacah quinequi quipalehuiz.
378
omiyoquiza
Luisa huetzqui huan naman omiyoquizqui imah pampa cheneh chicahuac motehtzonqui.
379
chilhuilia
Luisa mohmoztlah quichilhuilia itlaxcal itetah tlen quicua tlahcotona.
380
atlacui
Lupita atlacui mohmoztlah pampa cheneh
| atequihuia.
381
cantemi
Lupita inanan cantemi pampa quiquixtilqueh itlancoch yalhuaya huan naman cuahcualo.
382
firmaroa
Lupita nochipa tlafirmaroa quemman quinequi ma quimacacan ce tlamantli canahya.
383
cuatzoncalxoyahua
Lupita quicuatzoncalxoyahua ehecatl quemman motlaloa huan yohui caltlamachtiloyan.
384
tlahcoxeloa
Lupita quitlahcoxeloa ce litroh etl pampa quinequi quimanaz zan tlahco.
385
ixmachyotia
Macehualli tlen catolicoh quinextilia iconeuh ma moixmachyoti quemman yohui zo pano tiopan.
386
matlatlatzitza
Macehualmeh momatlatlatzitza pampa yehyectzin tlatzotzonah tlen quihuallicatoqueh ininfiolin.
387
zozoloa2
Macehualmeh quinzozolohqueh tequitinih tlen PEMEX pampa quinequih quintlaichtequilizceh huan axcanah quinequih tepalehuizceh.
388
cuaapachoa
Malena itonanan quemman yohui maltia achtohui mocuaapachoa.
389
ihyoquiza
Manuel ipelotah yehyectzin chicahuac eliyaya, huan naman ihyoquizqui pampa huetzito campa huitztli.
390
ahapehuia
Manuel moahapehuia quemman tlatotoniya.
391
tzinpotzoni
Manuel motemahmauhtih quemman Elena tzinpotzonqui chicahuac pampa moxhuitihtoya.
392
cuatotonia
Manuel nochipa tecuatotonia quemman quinequi ma
| quipalehuican.
393
panpano
Manuel quemman
| ihhuiya millah quipanpanoc ce coatl campa huetztoya huan quemman quimachilih ihzateuhqui.
394
caztigaroa
Manuel quicaztigaroh Victor pampa axcanah yahqui tepalehuito
| millah huan naman tlahuica itatah.
395
lichinia
Manuel quilichinih iicxopil campa motectoya huan zampa peuhqui ezquiza.
396
manextilia
Manuel quimanextilih ce tetahtzin nopa coatl tlen quicuahqui ichocho.
397
tzoloa
Manuel quitzoloa ipantalon pampa cohcoxtaltic.
398
cuaixpoyahui
Marcos quemman tlaoni nochipa cuaixpoyahui pampa axcanah momattoc tlaoni.
399
tenquixtia
Margarita axquinequiz quitenquixtia tlen quichiuhqui yalhuaya.
400
cuahuahuatzoa
Margarita nochipa mocuahuahuatzoa pampa tlahuel atinpachtic.
401
cahuia
Margarita quicahuia ce pantzin ichocho pampa yahtoc millah.
402
ohoni
Margarita quiohonic miac iayo piyo pampa tlahuel ahhuiac quichihchiuhqui inanan.
403
oni
Margarita quioni miac cafen pampa tlaceceya.
404
temohuia
Margarita quitemohuia ipiyo campa cuatlehcotoc pampa quiconantoc icocoliz.
405
quechtemi
Maria axhueli tlacua pampa tlahuel quechtemitoc.
406
azaca
Maria azaca huanya ipipi pampa tlamictizceh.
407
tzahtzi
Maria iconeuh tlahuel tzahtzi, hueliz quicocoa iihti.
408
pantilia
Maria ihhuiya tianquiz huan mocohuih ce pantalon huan axcanah mopantilih; huan quemman ya quinecqui moquentih axcanah quicuic.
409
ohohtia
Maria ipilxaloh huetzqui huan zan moohohtih; melahua zan axhuahcahuaz tlapaniz.
410
tlahcopoztequi1
Maria itezcauh tlahcopoztecqui pampa eltoya tonalixco.
411
poyeya
Maria itix poyexqui pampa yalhuaya zan quichihchiuhqui huan axcanah quitequihuih.
412
mihmiqui
Maria mihmicqui iicxi pampa mocuatochcehuihtoya.
413
atzonquiza
Maria moacuamahcauhqui pan hueiatl; teipan atzonquizqui.
414
camacocoxotza
Maria mohmoztlah mocamacocoxotza quemman ihza.
415
ixtehtemi
Maria nelixtehtemitoc pampa tlahuel tzahtzic yalhuaya pampa micqui itotatah.
416
mahuichinia
Maria no momahuichinih campa temahmacayayah macecah huan yeca
quena quimacaqueh.
417
tepotztoca
Maria nochipa
| quitepotztoca itetah quemman ihuinti pampa quimahuilia ma huetzti huan ma mococo.
418
mayehyecoa
Maria nochipa quimayehyecoa iconeuh tlen temimi pampa axcanah tlacaqui quemman
quinahuatia ma quichihua ce tlamantli.
419
cahuayohhuica
Maria nochipa quinahuatia ichocho ma ya cahuayohhuica quemman yohuih tianquiz pampa pinahua.
420
atiya
Maria nochipa quitlalia pan tlitl imantecah para ma atiya pampa quinequi quitequiliz itlacual.
421
tlahtlachiyaltia
Maria quemman itztoya inanan axcanah tequichihuayaya calihtic; naman itepotznanan quitlahtlachiyaltia pampa quicahua ma ya quichihua nochi tlen monequi nopayoh.
422
ayochichipica
Maria quemman quiahaltia iconeuh quicahua ma ayochichipica huan teipan quipohpohua.
423
cuaxampano
Maria quemman quicuaxampanoc ce chichi
| momahmauhtih pampa peuhqui tlaahhua.
424
ahcuexoltia
Maria quemman tlachpana ichan axcanah atzehtzeloa, huan teipan quiahcuexoltia cuateuhtli huan pehua cualani.
425
cantelanamaca2
Maria quicantelanamacac inanan pampa quinequiyaya quicohuaz ce tzopelic.
426
chichitia
Maria quichichitia iconeuh pampa tlahuel mayana.
427
cocozmictia
Maria quicocozmictih
| itetah yalhuaya pampa quimacac ma quicua zan chilmolli.
428
tlacayonamiqui
Maria quicouhqui ce xapoh yalhuaya tlen axquemman quitequihuia huan quena quitlacayonamicqui.
429
cualtia
Maria quicualtih ahuacatl iconeuh huan axquiamatqui.
430
oholinia
Maria quiillia ichocho ma axcanah tlaoholini campa tlapatlauhtoc pampa tepehuiz iyoyon.
431
ixcuatiltia
Maria quiillia inanan: «Axcanah tlahuel xitlahtzoma pampa mitzixcuatiltiz».
432
ixcocoa
Maria quiixcocoh iicniuh ica tetl huan naman
| ixtemitoc.
433
metzcocoa
Maria quimetzcocoh iicniuh ica ce cuahuitl quemman mahuiltiyaya chicahuac.
434
ihihcihui
Maria quinahuatia iconeuh ma ihihcihui quicuiti atl pampa melahua tlamiz.
435
tlaxicoltia2
Maria quintlaxicoltia ipiyohuan pampa mehua tlahcotona.
436
potzoa
Maria quipotzoa icoxtal ica iyoyon tlen ayoccanah moquentia.
437
tzincacapatza
Maria quitzincacapatza iconeuh pampa tlahuel axtlacaqui.
438
yolitia
Maria quiyolitia ce pilconepiyotzin ica ce tecomitl: quiixtlapaltzacua huan pehua quitehtehtzona, teipan tlallamiqui.
439
tlaixpano
Maria tlaixpanoc quemman tepahtihquetl tlacotonayaya huan quiahhuaqueh.
440
tlecana
Maria tlecana pampa itequixpoh axquimati canin eltoc ohtli.
441
pipitzica
Maria, axcanah xictehtehtzona ne tamaxocotl pan tecomitl pampa zan pipitzica.
442
achichipica
Maria, ne moyoyon axticayopatzqui; naman tlahuel achichipica.
443
pepechihui
Maria, ne zoquitl axcanah pepechiuhqui cualli pan mochachapal; monequi zampa xictlalhuili ceyoc quetzin.
444
tlachipahuiya
Maria, ximehuaya pampa
| tlachipahuixquiya huan axticahxiliz tiyaz timomachtiti.
445
tlecanaltia
Mariana motlecanaltia pampa quinequi quiittati niman tlanahuatihquetl.
446
ilpitza
Mariana quinahuatiah ma quiilpitza tlitl pampa zan tlapopocatoc.
447
macapana
Maribel momacapana quemman huetzcatehua ica ce tlamantli tlen quiamati.
448
ahcocuilia
Maribel quiahcocuilih tomin Adrian pampa ya axquimati canin quitlaliz.
449
amizahuiltia
Maribel quiamizahuiltih imizton pampa axquinequiyaya quiittaz ichan.
450
centlachilia
Maribel quicentlachilihtoc ipipilol pampa tlahuel quiamati quen petlani.
451
ahxilia
Maribel quiichtequilih ce tlicolli iicniuh huan Isabel momacac cuentah, huacca yahqui quitepotztoca huan axquiahxilih para quicuiliz.
452
tominitzquia2
Maribel quitominitzquih inanan quemman ihhuiya millah.
453
tlaihiya
Maribel tlahuel tlaihiya, yeca axtlacua campa quitlamacah.
454
tzoncaltilanilia
Maricela ipilcihuapil nochipa quitzoncaltilanilia iicniuh iconeuh pampa tlahuel mocicinia huan axcanah tlacaqui.
455
ixhuehhuetzca
Maricela ixhuehhuetzca quemman quiillamiqui iyoltzin.
456
maoya
Maricela quiilliah ma quimaoya cempohualli para tlamacahuazceh.
457
mina2
Mario quemman tlamictia itlayi nochipa quiillia ma quimina pitzotl pampa ya axcanah ohuihti.
458
cuecuecheca
Mario tlahuel cuecuecheca pan ce tlaixpiyalli quemman tlaoni.
459
ixhuetzquilia
Marisela quiixhuetzquilia itetah quemman tlacuah pampa mocehuia iixtenno.
460
cuazaca
Marisol quititlanqueh ma cuazacati huan axcanah yahqui pampa momachtito.
461
tolina
Marisol tlahuel tolina; hueliz pampa quipiyaz iconeuh.
462
tzonhuilia
Marta quitzonhuilia iconeuh pampa tlahuel axquitlepanitta.
463
xacualoa
Martha inanan achtohui
| tlaxacualoa quemman quichihua pantzin huan teipan quiixca.
464
copehua
Martha ipilconeuh quemman quiitta ce tzictli pan tlapepecholli, quicopehua huan quicuahcua pampa inanan axquicohuia quemman quitlahtlania.
465
molinia
Martha quemman cochi nochipa molinia huan quitemahmauhtia ichocho.
466
patlachoa
Martha quipatlachoh quentzin ce ichachapal quemman nocca xoxohuic eliyaya, huan teipan
quiixcac.
467
tlahtlani
Martin axquemman quihuica itequiuh campa momachtia pampa axcanah quimati queniuhqui quichihuaz huan axtlahtlani.
468
conana
Martin ioquichtoroh nochipa quinconana cihuatorohmeh.
469
ixtoca
Martin itotouh quiixtocqui pan tixtli pampa axquinequi tlacuaz.
470
michitzquia
Martin nochipa yohui onmichitzquia quemman tlatemi huan
| quinamaca.
471
cuecueyoca
Martin quemman huallayaya neciyaya cuecueyocatihuallayaya icoton chipahuac.
472
ezpoloa
Martin quemman quihuilanqueh tlanqui quiezpoloa icoton.
473
nehnepanoa
Martin quemman quimalina iloh achtohui monehnepanoa huan teipan motetziloa.
474
popoloca
Martin quemman quioni ce chichic pehuaya popoloca huan quiahhua icihuauh.
475
tziccuahcua
Martin quemman tlami tlacua mocohuia ce tzictli huan pehua tziccuahcua.
476
tlachipahua
Martin quicohuia icihuauh xapoh tlen tlachipahua pampa ya tlahuel mozocohuia.
477
huehueyaquilia
Martin quihuehueyaquilia icuamecauh para quiilpiz icuauh quemman cuahcuahuiti.
478
pihpiya
Martin quinpihpiya macehualmeh tlen tzauctoqueh pampa tlahuel tlatehuiah.
479
pipihya
Martin quinpihpiya macehualmeh tlen tzauctoqueh pampa tlahuel tlatehuiah.
480
tziquipiloa
Martin quitziquipiloa ichocho pampa tlahuel quinhuanyamahuiltia conecihuameh.
481
xitoma
Martin quixitonqui iloh tlen ica ilpitoya piyo huan cholohqui.
482
yamanilia
Martin quiyamanilia ixhuaquen ica quentzin atl pampa quinequi ica tlaihilpiz.
483
yoliltia
Martin quiyoliltia chilli ichan huan quemman mohueilia quintocaya millah para teipan quinamacaz.
484
poyehui
Martin tlanquiya poyehui ipantalon pampa zan quiahcouhtoc caxahco.
485
nenelca
Martina ichichi nochipa nenelca quemman quiitta ce macehualli inechca.
486
ahcotlachiya
Martina ipiyohuan zan quiahcotlachiliah ce coatl tlen itztoc pan cuahuitl.
487
cuatehtequi
Mateo cuatehtequi pampa quinequi quichihchihuaz ichan ica huapalli.
488
icana
Mateo quiicana itatah pampa axcanah quinequi ma quiitta canin yaz.
489
xoyahua
Mateo quinahuatiah ma quixoyahua tlalli ne tlanempan pampa oncaz tlaixpiyalli huan axcanah huetzizceh mihtotianih.
490
tzoncaltilana
Matilde quitzoncaltilana ichocho pampa axquinequi mocuelpiz, huan teipan pehua tzahtzi.
491
pitza
Mecoz quemman ahcihya pan ce pilaltepetzin pehuah quipitzah cuacuahuitl
pampa quinequih ma quincaquican macehualmeh.
492
patihuia
Mencha
| tlahuel quipatihuia chilli tianquiz quemman quinamaca, huan axacah quinequi quicohuiliz.
493
ahcomahcahua
Miac macehualmeh quiamatih pilconetzin huan quemman quinahuah quiahcomahcahuah pampa quinequih quiittazceh queniuhqui huetzca.
494
tlayi
Miaquin comontequitinih tlayih huan teipan tlahchinoah pampa quinequih quitocazceh cintli.
495
mecohti
Miguel axmecohtic pan ni xihuitl pampa moicxicocohtoya.
496
chicoquiza
Miguel cheneh chicoquizah itorohhuan quemman quinonnamaca tlahuel huahca.
497
mixmachyotia
Miguel iconehuan nochipa mixmachyotiah quemman ihzah huan quemman cochih.
498
acacahuaca
Miguel inanan acacahuacac imah campa motlatih yalhuaya.
499
tlahtolhuia
Miriam axmocuilih noicniuh pampa quitlahtolhuih itequixpoh.
500
chicahuilia
Mochicahuilqui tlahuel aholchancacah huan naman axhueli nictlanquechia.
