Skeiding Van Mengsels Flashcards
(14 cards)
Wat is sif?
’n Skeidingsmetode wat gebruik word om vaste stowwe van verskillende groottes te skei met behulp van ’n sif.
Wat is filtrasie?
’n Skeidingsmetode waar ‘n mengsel deur filterpapier gegooi word om soliede deeltjies (residu) van vloeistof (filtraat) te skei.
Watter toerusting word gebruik by filtrasie?
Filterpapier, tregter, glasbeker of erlenmeyerfles.
Wat is distillasie?
’n Skeidingstegniek wat gebruik word om ’n vloeistof van ’n oplossing te skei deur verdamping en kondensasie.
Waarvoor gebruik ons distillasie?
Om soutwater in varswater te verander of alkohol van water te skei.
Noem die dele van ’n distillasie-apparaat.
Distilleerfles, termometer, kondensator (met koue water), ontvangs fles (vir distillaat).
Skets vir filtering…..
Skets vir distillering….
Noem die stappe in die distillasieproses?
- Verhit die mengsel in die distilleerfles – die vloeistof begin kook.
- Die damp beweeg deur die kondensator, waar dit afgekoel word met koue water.
- Die damp kondenseer weer in vloeistofvorm.
- Die distillaat (skoon vloeistof) word versamel in ’n ontvangsfles.
Noem die stappe in die filtrasieproses?
- Giet die mengsel in ’n tregter met filterpapier.
- Die residu (vaste stof) bly agter op die filterpapier.
- Die filtraat (vloeistof) loop deur en word versamel in die glasbeker of fles.
Wat is magnetiese skeiding?
’n Skeidingsmetode wat gebruik word om magnetiese materiale van nie-magnetiese materiale te skei met ’n magneet.
Hoe werk magnetiese skeiding?
Magnetiese materiale (bv. ystervylsels) word deur ’n magneet aangetrek en geskei van nie-magnetiese materiale (bv. sand).
Waar word magnetiese skeiding gebruik?
In herwinning, mynbou en industriële prosesse.
Noem ’n voorbeeld van magnetiese skeiding.
Die skeiding van ystervylsels van sand.
