Култура на Хелените - интересни податоци Flashcards
(3 cards)
Како настанал светот според грчката митологија?
Според митот за настанокот на светот, во почетокот земјата, водата и небото не биле одвоени. Сè било измешано и се наоѓало во состојба на хаос. Потоа, од хаосот се издвоиле божицата Гаја (Земјата) и богот Уран (Небото). Од овој божествен пар се изродиле титаните и гигантите.
Кој бил Прометеј?
Хелените го славеле Прометеј како добротвор. Тој го украл огнот од боговите и им го подарил на луѓето. Поради тоа Зевс го казнил. Прометеј бил окован на карпа, а еден орел секој ден му го клукал џигерот. Од ваквите маки го ослободил Херакле.
Како се одвивале античките олимписки игри?
На првиот ден на прославата им се принесувале жртви на боговите. Судиите и натпреварувачите полагале заклетва пред жртвеникот и пред статуата на Зевс: едните, дека праведно ќе судат; друтите, дека чесно ќе се однесуваат; дека нема намерно да го повредат противникот и дека се подготвувале десет месеци. Можеле да се натпреваруваат само слободните и чесни Хелени. Свеченоста блескаво завршувала на петтиот ден. Во храмот на Зевс, на маса од злато и слонова коска, лежеле венци направени од дива маслинка. Победниците стапувале во храмот пред судиите. Судијата го обвиткувал челото на победникот со волнен конец и му ставал на главата маслинов венец. Гласникот го огласувал неговото име, името на татко му и на неговиот град. Овенчаните победници му принесувале жртва на Зевс.
