ප්‍රොටිස්ටා රාජධානිය

Question 1

ප්‍රොටිස්ටා රාජධානියේ මූලික ලක්ෂණ

Answer 1

1. බහුතරයක් ඒකසෛලිකයෝය. ගණාවාසි හෝ බහුසෛලික විශේෂද දක්නට ලැබේ.
2. එය බහුවංශයික (එක් පූර්වජයෙකුට වඩා වැඩි ගණනකින් සම්භවය ලබා ඇති) හා කෘතීම වර්ගීකරණ කණ්ඩායමකි.
3. මිරිදියේ, කරදියේ හා තෙත් පසේ වාසය කරති. සමහරු සහජීවී ආකාර වෙති.
4. ඒකසෛලික, ගණාවාසි හා බහුසෛලික වෙති.
5. සමහරු ප්‍රභාස්වයංපෝෂි, සමහරු විෂමපෝෂි ද සමහරු මිශ්‍ර පෝෂී ද වෙති.
6. සමහරු කෂිකා,පක්ෂ්ම දරයි. චල ප්‍රජනක සෛල ලෙස ජන්මාණු හා චල බීජාණු සාදයි.
7. ලිංගික හා අලිංගික ප්‍රජනන ක්‍රම ඇත.

Question 2

Euglena

Answer 2

1. මිරිදිය වාසීය.
2. ඒකසෛලිකය.අනාකූල හැඩැතිය.
3. සෛල බිත්තියක් නැත.
4. ඡවිකාවක් ඇත - සෛල ප්ලාස්ම පටලයට බැඳී පිටතින් පිහිටන ප්‍රෝටීන වලින් සෑදුණු නම්‍යශීලී ව්‍යූහයකි. දැඩි බව මෙන්ම නම්‍යශීලී බවද ලබා දෙයි.
5. බොහෝ විශේෂ හරිතලව දරයි. ඔවුන් ප්‍රභාසංස්ලේෂීය.
6. කෂිකා එකක් හෝ දෙකක් ඇත.
7. දේහයේ පූර්ව කෙළවර පිහිටන චෂකය නම් ව්‍යූහයේ පාදස්ථයට කෂිකා දෙක බැඳී ඇත. එක් කෂිකාවක් දිගින් වැඩිය. පිටතට යොමුවේ. අනෙක කෙටිය.
8. අක්ෂිලපයක් ඇත. ආලෝක සංවේදී ව්‍යූහයකි. ආලෝකය ඇති දිශාවට චලනය වීමට වැදගත් වේ. දිගු කෂිකාව ආරම්භයේ පිහිටයි.
9. සංකෝචක රික්තක ඇත.
10. ලිංගික ප්‍රජනනයක් නැත. අලිංගික ප්‍රජනනය පමණි.
    https: //i.imgur.com/hSYuwth.png

Question 3

Paramecium

Answer 3

1. මිරිදිය වාසීය.
2. සියල්ලන්ම ඒකසෛලිකය. අන්වීක්ෂීයයි.
3. සෛල බිත්තියක් නැත.
4. සෛල ප්ලාස්ම පටලයට පිටතින් ඡවිකාවක් ඇත. නිශ්චිත හැඩයක් ලැබේ. ප්‍රත්‍යස්ථය.
5. දේහ පෘෂ්ඨය සම්පූර්ණයෙන්ම පක්ෂ්ම වලින් ආවරණය වී ඇත. පක්ෂ්මධරයන් ලෙස හැඳින්වේ. පක්ෂ්ම ආධාරයෙන් චලනය/සංචරනය සිදු කරයි.
6. න්‍යෂ්ටි දෙකක් ඇත.
   
   • මහාන්‍යෂ්ටිය - විශාලය. සෛලයේ පරිවෘත්තීය ක්‍රියා පාලනය කරයි.
   • ක්ෂුද්‍ර න්‍යෂ්ටිය - කුඩාය. ප්‍රජනන ක්‍රියා පාලනය කරයි.
7. මෞඛ ඇලියක් පිහිටයි. ආහාර අංශු දේහය තුළට ඇතුළු කර ගැනීමට හා ජීර්ණයෙන් පසු ශේෂ ද්‍රව්‍ය දේහයෙන් බැහැර කිරීමට දායක වන පක්ෂ්ම වලින් සමන්විත ව්‍යූහයකි.
8. රික්තක පිහිටයි ආකාර දෙකකි.
   
   • සංකෝචක රික්තක - ආස්‍රැති විධානය
   • ආහාර රික්තක - ආහාර සංචිත කිරීම
9. සත්ත්ව සදෘෂ්‍ය පෝෂණ ක්‍රමය දක්වයි.
10. ස්වායු ශ්වසනය සිදුකරයි.
11. අලිංගිකව හා ලිංගිකව ප්‍රජනනය සිදු කරයි.
    
    • අලිංගික - ද්විඛන්ඩනය
    • ලිංගික - සං‍යුග්මනය
      https: //i.imgur.com/aimSuH4.png?1

Question 4

Amoeba

Answer 4

1. ජලජ විශේෂ නිදැලි වාසී වේ. අනෙක් ආකාර පරපෝෂී වේ.
2. ඒකසෛලිකය
3. සෛල බිත්ති නොමැත.
4. නිශ්චිත හැඩයක් නැත.
5. ව්‍යාජපාද නම් සෛල ප්ලාස්මීය නෙරුම් මඟින් සංචරනය හා ආහාර අධිග්‍රහනය සිදුකරයි.
6. ආහාර රික්තක හා සංකෝචක රික්තක ඇත.
7. සත්ත්ව සදෘෂ්‍ය පෝෂණ ක්‍රමයක් දරයි.
8. පරපෝෂී ආකාරද ඇත. ඔවුන් ධාරක දේහ තුළ ජීවත් වේ.
9. අලිංගික ප්‍රජනනය සිදු කරයි. - ද්වීඛන්ඩනය
10. ලිංගික ප්‍රජනනය නොදක්වයි.
    https: //i.imgur.com/S8crqo6.png

Question 5

Ulva

Answer 5

1. හරිත ඇල්ගී කාණ්ඩයට අයත්ය.
2. කොළ පැහැතිය.
3. මහේක්ෂීය ජීවීන් ය.
4. කරදිය වාසීය. නොගැඹුරු මුහුදේ ගල්පර, කොරල්පර වැනි උපස්තර වලට සම්බන්ධව වැඩේ.
5. සෛල බිත්තියක් ඇත. සෙලියුලෝස් හා පෙක්ටීන් වලින් සෑදී ඇත.
6. බහුසෛලිකය.තලසාකාරය
7. උපස්තරයට සවිවීම සඳහා අවුල්පාසුව නම් කොටසක් ඇත.
8. ප්‍රභාසංශ්ලේෂී වේ.
9. සංචිත ආහාරය පිෂ්ඨයයි.
10. අලිංගිකව හා ලිංගිකව ප්‍රජනනය කරයි. එහිදී චල බීජානු හා චල ජන්මාණු නිපදවයි.
    https: //i.imgur.com/Q5pz2KL.png

Question 6

Gelidium

Answer 6

1. රතු ඇල්ගී වංශයට අයත්ය.
2. කරදිය වාසීය. මුහුදේ ගල්පරවලට සම්බන්ධව නිමග්නව පවතී.
3. කොළ පැහැයට හුරු රතු පැහැයක් ඇත.
4. බහුසෛලික තලසාකාර වේ.
5. සෛල බිත්තියක් ඇත.
6. අවුල්පාසුවක් ඇත. එමඟින් උපස්තරයට සම්බන්ධ වේ.
7. ප්‍රභාස්වයංපෝෂී වේ.
8. සංචිත ආහාර ප්ලෝරිඩීය පිෂ්ඨය වේ.
9. කෂිකා හෝ පක්ෂ්ම හෝ කිසිදු චල සෛලයක් නොසාදයි.
10. සෛල බිත්ති සංඝටක සෙලියුලෝස් හා ඒගාර් වේ.
11. ලිංගික හා අලිංගික ප්‍රජනනය්න් දක්වයි.
    https: //i.imgur.com/k2tkQKp.png

Question 7

Sargassum

Answer 7

1. දුඹුරු ඇල්ගී වංශයට අයත් වේ.
2. කරදිය වාසීය. උපස්තරයකට සවි වේ.
3. බහුසෛලිකය. තලසාකාරය.
4. සාපේක්ෂව විශාල සහ සංකීර්ණ වේ.
5. තලස කොටස් තුනකට විභේදනය වී ඇත.
   1. අවුල්පාසුව - මුලකට සමානය
   2. දණ්ඩ - කඳකට සමානය
   3. තල - පත්‍ර වලට සමානය.
6. බහුසෛලික වායු පිරුණු බල්බයක් හැඩැති උත්ප්ලාවක තලසට ආධාරකයක් සපයයි.
7. ඔලිව් කොළ පාටින් හෝ දුඹුරු පාටින් යුක්තය.
8. සෛල බිත්ති සංඝටක සෙලියුලෝස් හා ඇල්ජිනික් අම්ලයයි.
9. සංචිත ආහාර ලැමිනාරීන් පිෂ්ඨය හා මැනිටෝල් වේ.
10. ප්‍රජනක සෛලවල කෂිකා ඇත.
11. අලිංගික හා ලිංගික ප්‍රජනන ක්‍රම දක්වයි.
    https: //i.imgur.com/iMNMWsL.png

Question 8

Diatoms

Answer 8

1. ජලජ වාසීය - කරදිය හෝ මිරිදිය
2. සියල්ලන්ම ඒකසෛලිකය. අන්වීක්ෂීයය.
3. රන්වන් දුඹුරු පැහැතිය - රන්වන් දුඹුරු ඇල්ගී ලෙස හැඳින් වේ.
4. ප්‍රභාස්වයංපෝෂී වේ.
5. සෛල බිත්තියේ සෙලියුලෝස්, පෙක්ටීන් හා සිලිකා ඇත.
6. එකමත එක අතිච්ඡාදනය වන කොටස් දෙකකින් සෑදී ඇති කවචය වැනි ව්‍යූහය මතුපිට සිලිකා වලින් විවිධ අලංකාර කැටයම් රටා පිහිටයි.
7. හැඩය හා පෘෂ්ඨයේ ඇති සලකුණු අනුව විශාල විවිධත්වයක් දක්වයි.
8. සංචිත ආහාර ක්‍රිසොලැමිනාරීන් වේ.
9. ලිංගික හා අලිංගික ප්‍රජනන ක්‍රම දක්වයි.
10. තනි කශිකාවක් සහිත ප්‍රජනක සෛල නිපදවයි.