ជំពូកទី៣ មេរៀនទី២ សរីរាង្គវិញ្ញាណ Flashcards

Question

25-តើឃ្លប់គ្រាប់ភ្នែកមនុស្សមានប៉ុន្មានផ្នែក?អ្វីខ្លះ? តើឃ្លប់នីមួយៗស្ថិត នៅកន្លែងណា? ហើយមានផ្ទុកសារធាតុអ្វីខ្លះ?

Answer 1

ចំ: ឃ្លប់គ្រាប់ភ្នែកមនុស្សមាន3ផ្នែកៈ + ផ្នែកទី1 នៅចន្លោះករនេនិងប្រស្រីភ្នែក + ផ្នែកទី2 នៅចន្លោះប្រស្រីភ្នែកនិងកែវភ្នែក។ផ្នែកទាំងពីរផ្ទុកអ៊ុយម័រទឹក + ផ្នែកទី3 ជាលំហនៅពីក្រោយកែវភ្នែក។ ឃ្លប់នេះពេញទៅដោយអ៊ុយម័រខន់ ជាសារធាតុទន់អន្ធិល ថ្លាគ្មានពណ៌។

Answer 2

ចំ: + អ៊ុយម័រទឹកនិងអ៊ុយម័រខន់ផលិតចេញពីសរសៃប្តូរនៅក្នុងអង្គស៊ីលីយែ + អ៊ុយម័រទឹក មាននាទីរក្សាលំនឹងនៅក្នុងឃ្លប់គ្រាប់ភ្នែក + អ៊ុយម័រខន់មាននាទី - ផ្តល់ទម្រង់មាំដល់ភ្នែកនិងបង្ការភ្នែកពីសម្ពាធខាងក្រៅ - ផ្តល់នូវសារធាតុចិញ្ចឹមបន្ថែមសម្រាប់កែវភ្នែកនិងសម្រាប់ស្រទាប់រេទីន

Answer 3

ចំ: សរីរាង្គការពារភ្នែកមាន: ប្រឡង់ភ្នែក ត្របកភ្នែក រោមភ្នែក និងក្រពេញទឹកភ្នែក - ប្រឡង់ភ្នែក: មាននាទីជាទ្រនាប់ភ្នែកដែលការពារភ្នែកទល់នឹងការប៉ះទង្គិចពីខាងក្រៅ។ - ត្របកភ្នែក: មាននាទីការពារគ្រាប់ភ្នែកពីការហុយចូលនៃធូលីនិង សម្រាប់លាងករនេដោយទឹកភ្នែក។ - រោមភ្នែក: មាននាទីបង្កើតបានជាសំណាញ់មួយដែលស្ថិតនៅខាងមុខភ្នែក និងមាននាទីការពារភ្នែកកុំឲ្យធូលីហុយចូល។ - ក្រពេញទឹកភ្នែក: មាននាទីបញ្ចេញទឹកភ្នែកដែលធ្វើឲ្យប្រឡង់ភ្នែក មានសភាពសើម។

Answer 4

ចំ: +សាច់ដុំភ្នែកមាន -សាច់ដុំលើ -សាច់ដុំចំហៀង - សាច់ដុំលើបញ្ឆិត -សាច់ដុំក្រោម -សាច់ដុំកណ្តាល -សាច់ដុំក្រោមបញ្ឆិត +សាច់ដុំភ្នែកមានមាននាទី - រ៉ាបរងនូវបំនិនបង្វិលគ្រាប់ភ្នែកដើម្បីមើលវត្ថុជុំវិញខ្លួន - ទទួលខុសត្រូវចំពោះរាល់ចលនាក្នុងទិសដៅពិសេសមួយដើម្បី មើលរូបភាពមួយដែលមានវិមាត្រ(3D)។ - រ៉ាប់រងនូវចលនាស្របគ្នានៃភ្នែកទាំងគូពេលចលនានេះពុំស្របគ្នា ហៅថាភ្នែកកែក។

Answer 5

ចំ: ដើម្បីបង្កើតរូបភាពនៃវត្ថុនៅជុំវិញខ្លួននិងបង្ហាញរូបភាពនោះឲ្យឃើញនៅលើរេទីន កែវភ្នែកមាននាទីរៀបចំកាំរស្មីពន្លឺឲ្យទៅជារូបភាព។

Answer 6

ចំ: ចំពោះចំណុចមួយនៃពន្លឺ កាំរស្មីពន្លឺចេញជាខ្សែបន្ទាត់ត្រង់ទៅគ្រប់ទិសទាំងអស់ជុំវិញចំណុចពន្លឺនោះ។ ដូចនេះ មានតែកាំរស្មីពន្លឺមួយចំនួនប៉ុណ្ណោះដែលចាំងទៅប៉ះនឹងកែវប៉ោង។ នៅពេលកាំរស្មីពន្លឺឆ្លងកាត់កែវប៉ោង វាពត់កាំរស្មីពន្លឺទាំងនេះឲ្យជួបគ្នានៅត្រង់ចំណុចរួមមួយ បន្ទាប់មកកាំរស្មីពន្លឺទាំងនេះត្រូវបានពង្រាយបែកខ្ញែកម្តងទៀត។

Answer 7

ចំ: នៅពេលក្រឡេកមើលវត្ថុមួយ កែវភ្នែកបង្កើតរូបភាពនៃវត្ថុនោះនៅ លើស្រទាប់រេទីននៅផ្នែកខាងក្រោយភ្នែក។ រូបភាពនេះមានលក្ខណៈក្រឡាប់ចុះក្រោម បន្ទាប់មកខួរក្បាលត្រឡប់រូបភាពនៅលើរេទីនមាន សភាពដើមវិញ ហើយភ្នែករបស់យើងក៏មើលឃើញវត្ថុនោះក្នុងសភាពធម្មតាវិញ។

Answer 8

ចំ: ដើម្បីបង្កើតមើលរូបភាពមួយច្បាស់ល្អ ដំបូងពន្លឺនីមួយៗប្រាប់ខួរក្បាលត្រឹមតែបំណែកតូចៗនៃរូបភាពដែលវាចាប់បាន បន្ទាប់មក ខួរក្បាល ដាក់បំណែកតូចៗទាំងនោះបញ្ចូលគ្នាឲ្យទៅជារូបភាពមួយ។ អង្គស៊ីលីយែនិងសរសៃចំណងជួយកែវភ្នែក ដើម្បីបង្កើតរូបភាពច្បាស់ល្អ។ ដូចនេះ កែវភ្នែកធ្វើការដូចម៉ាស៊ីនថតរូបមួយ ប្រស្រីភ្នែកជាដ្យាប្រាម មជ្ឈដ្ឋានថ្លាបង្កើតបានជាអុបស៊ិចទីបនិងរេទីនមាននាទីដូច បន្ទះរួស។

Answer 9

ចំ: ដើម្បីបង្កើតរូបភាពមួយច្បាស់ល្អ កែវភ្នែកត្រូវមានកម្រាស់ត្រឹមត្រូវៈ - កែវក្រាស់ឲ្យជារូបភាពនៃវត្ថុមួយច្បាស់នៅពេលវត្ថុនោះនៅជិត - កែវស្តើងឲ្យជារូបភាពនៃវត្ថុមួយច្បាស់នៅពេលវត្ថុនោះនៅឆ្ងាយ។

Answer 10

ចំ: កម្លាំងសម្របតម្រូវ ជាបំនិនដែលធ្វើឲ្យកែវភ្នែកមានកម្រាស់ត្រឹមត្រូវ ដែលអាចមើលឃើញវត្ថុផ្សេងៗស្ថិតនៅចម្ងាយខុសៗគ្នា។

Answer 11

ចំ: - បើយើងមើលវត្ថុជិត អង្គស៊ីលីយែកន្ត្រាក់រួមតូច ធ្វើឲ្យសរសៃចំណងប្រែជារលុង បណ្តាលឲ្យកែវភ្នែកឡើងក្រាស់។ - បើយើងមើលវត្ថុឆ្ងាយ អង្គស៊ីលីយែបន្ធូរធ្វើឲ្យសរសៃចំណងឡើងតឹង បណ្តាលឲ្យកែវភ្នែកឡើងស្តើងអាចឲ្យយើងមើលឃើញរូបភាពនៃវត្ថុនោះបានច្បាស់។

Answer 12

ចំ: ភាពមិនប្រក្រតីនៃគំហើញរបស់ភ្នែកមាន4បែប: - ភ្នែកម្ហូប: មើលវត្ថុនៅឆ្ងាយមិនច្បាស់ចម្ងាយអប្បបរមានៃគំហើញច្បាស់គឺខ្លីជាងភ្នែកធម្មតា។ ចំពោះវត្ថុនៅឆ្ងាយ រូបភាពកើត នៅខាងមុខរេទីនគឺប្រព័ន្ធអុបទិចបង្រួមខ្លាំងពេក។ ដូចនេះត្រូវកែភ្នែកម្ហូបនេះដោយពាក់វ៉ែនតាឡង់ទីពង្រីក ដើម្បីទាញរូបភាពឲ្យមកកើតលើរេទីនវិញទើបភ្នែកអាចមើល ឃើញរូបភាពនោះបានច្បាស់។ - ភ្នែកអីតែមេត្រូបនិងប្រេស្បីត: មើលវត្ថុនៅជិតមិនច្បាស់ព្រោះចម្ងាយអប្បបរមានៃគំហើញច្បាស់ឆ្ងាយជាងភ្នែកធម្មតា។ដូច្នេះ ត្រូវមានសម្របតម្រូវ ព្រោះរូបភាពកើតឡើងនៅក្រោយ រេទីនគឺ ប្រព័ន្ធអុបទិចបង្រួមតិច។ គេកែកែវភ្នែកនេះដោយពាក់វ៉ែនតាឡង់ទីបង្រួម។ - ភ្នែកអាស្ទីម៉ាត: កំណោងគ្រាប់ភ្នែកមិនស្មើគ្នា រូបភាពតែមួយមើល ឃើញច្បាស់ខ្លះមិនច្បាស់ខ្លះ។ កំណែភ្នែកនេះដោយពាក់ វ៉ែនតាឡង់ទីចិតជាស៊ីឡាំង។

Answer 13

ចំ: + ត្រចៀកចាប់យករំញោចសួរ + ត្រចៀកមាន3ផ្នែកគឺត្រចៀកក្រៅ ត្រចៀកកណ្តាលនិងត្រចៀកក្នុង + ត្រចៀកក្នុងមាននាទីក្នុងតំហែរក្សាលំនឹងនៃសារពាង្គកាយ។

Answer 14

ចំ: ត្រចៀកក្រៅមានស្លឹកត្រចៀកនិងបំពង់សោតវិញ្ញាណខ្លីមួយ។ - ស្លឹកត្រចៀកមានលក្ខណៈ ជាបន្ទះស្បែករាងដូចជីឡាវ ទ្រទ្រង់ដោយ ឆ្អឹងខ្ចី។ វាមាននាទីប្រមូលផ្តុំរលកសួរ។ - បំពង់សោតវិញ្ញាណ កើតពីឆ្អឹងខ្ចីមានប្រវែង3-4cm វាមានរោមល្អិតៗ នៅមាត់ច្រកនៃបំពង់សោតវិញ្ញាណ។ វាមាននាទីបញ្ជូនរលកសួរទៅកាន់ក្រដាសត្រចៀក។

Answer 15

ចំ: ត្រចៀកកណ្តាលជាប្រហោងមួយពេញទៅដោយខ្យល់ចាប់ផ្តើមពីក្រដាសត្រចៀក មានឆ្អឹងតូចៗបីបន្តជាប់គ្នាបង្កើតបានជាស្ពានឆ្លងកាត់ត្រចៀកកណ្តាលដែលភ្ជាប់ក្រដាសត្រចៀកនឹងបង្អួចរាងពងក្រពើ និងមានប្រមោយអឺស្តាសភ្ជាប់នឹងដើមក។

Answer 16

ចំ: ត្រចៀកកណ្តាលមាននាទីទទួលនិងបញ្ជូនរលកសួរ ជាអ្នកបំពងសំឡេង ហើយមានប្រមោយអឺស្តាសសម្រាប់រក្សាសម្ពាធក្នុងត្រចៀកកណ្តាលឲ្យស្មើនឹងសម្ពាធបរិយាកាសខាងក្រៅសារពាង្គកាយ។

Answer 17

ចំ: ត្រចៀកក្នុងមានបំពង់រាងគូទខ្យងនិងបំពង់ពាក់កណ្តាលរង្វង់ + បំពង់រាងគូទខ្យងពេញដោយធាតុរាវ នៅលើភ្នាសខាងក្នុងបំពង់មាន ស្រទាប់កោសិកាធ្មួលដែលជារោមល្អិតៗរួសនឹងលំញ័រ។ វាមាននាទីជាសរីរាង្គល្បឺ + បំពង់ពាក់កណ្តាលរង្វង់មានរាងជាពាក់កណ្តាលរង្វង់ចំនួន3ដែលភ្ជាប់គ្នាទៅវិញទៅមកត្រង់មុំកែង។ បំពង់ទាំងនេះពេញទៅដោយសារធាតុរាវ និងពាសដោយកោសិកាធ្មួលដែលមាន ពន្លយសរសៃឆ្មារៗ។ វាមាននាទីរក្សាលំនឹង។

Answer 18

ចំ: ក្រដាសត្រចៀកមាននាទីធ្វើឲ្យរលកសូរញ័រនៅពេលរលកសូរប៉ះវា។

Answer 19

ចំ: ប្រមោយអឺស្តាសមាននាទីធ្វើឲ្យសម្ពាធក្នុងត្រចៀកស្មើនឹងសម្ពាធ បរិយាកាសខាងក្រៅសារពាង្គកាយ។

Answer 20

ចំ: បានជាប្រមោយអឺស្តាសអាចរ៉ាប់រងលំនឹងសម្ពាធខ្យល់ក្នុងត្រចៀកកណ្តាលនិងសម្ពាធបរិយាកាសខាងក្រៅសារពាង្គកាយបាន ព្រោះប្រមោយអឺស្តាសជាបំពង់មួយភ្ជាប់ពីត្រចៀកកណ្តាលទៅដើមកដែល បញ្ចប់ដោយរន្ធមួយដែលបិទបើកដោយសាច់ដុំកងមួយ។ រន្ធនេះបើក ពេលលេបទឹកមាត់។ ដូចនេះខ្យល់ក្នុងត្រចៀកកណ្តាលមានសម្ពាធខ្យល់ដូចខាងក្រៅ។

Answer 21

ចំ: ធាតុរាវនៃបំពង់រាងគូទខ្យងញ័របណ្តាលឲ្យរោមល្អិតៗនៃកោសិកាធ្មួលស្រទាប់ក្នុងរបស់បំពង់រាងគូទខ្យងញ័រ បន្ទាប់មកលំញ័រនេះប្តូរទៅជាអាំងភ្លុចប្រសាទ។

Answer 22

ចំ: បានជាមេរោគនៅក្នុងច្រមុះនិងបំពង់កអាចចម្លងជម្ងឺដល់ត្រចៀក ព្រោះមេរោគអាចធ្វើដំណើរពីច្រមុះនិងបំពង់កតាមប្រមោយអឺស្តាសទៅកាន់ត្រចៀកកណ្តាលហើយបណ្តាលឲ្យមានជម្ងឺឆ្លង។

Answer 23

ចំ: បានជាត្រចៀកដែលមានជម្ងឺឆ្លងមានបញ្ហាទៅនឹងតុល្យភាពថេរលំនឹង ព្រោះមេរោគបង្កជម្ងឺឆ្លងបណ្តាលឲ្យត្រចៀកឡើងហើមដែលធ្វើឲ្យធាតុរាវនៅក្នុងត្រចៀកដាក់សម្ពាធទៅលើបំពង់ពាក់កណ្តាលរង្វង់ និងបណ្តាលឲ្យរោមល្អិតនៅលើកោសិកា ធ្មួលនៅក្នុងបំពង់នេះឲ្យសញ្ញានៃវិញ្ញាណតុល្យភាពទៅខួរក្បាលមិនត្រឹមត្រូវ។

Answer 24

ចំ: រោគសញ្ញានៃជម្ងឺឆ្លងរបស់ត្រចៀកមានការឈឺចាប់ក្នុងត្រចៀក ហឹងត្រចៀក រមាស់ក្នុងត្រចៀក ត្រចៀកមានអារម្មណ៍ក្តៅនិងមានអារម្មណ៍ ថាមានធាតុរាវនៅក្នុងត្រចៀកនិងជម្ងឺឆ្លងមួយចំនួនអាចបណ្តាលឲ្យ ក្រដាសត្រចៀកធ្លុះធ្លាយ។

Answer 25

ចំ: ត្រចៀកក្រៅ: ស្លឹកត្រចៀកប្រមូលផ្តុំរលកសូរហើយរន្ធត្រចៀកដឹកនាំរលកសូរទៅកាន់ត្រចៀកកណ្តាលដោយឆ្លងកាត់ក្រដាសត្រចៀក។ ក្រដាសត្រចៀកញ័រហើយលំញ័រនេះត្រូវបានឆ្លងកាត់តាមឆ្អឹងតូចៗបី។ ឆ្អឹងតូចទី3 ញ័របណ្តាលឲ្យភ្នាសបង្អួចរាងពងក្រពើញ័រ។ លំញ័រនៃភ្នាសនេះធ្វើឲ្យធាតុរាវនៅក្នុងបំពង់រាងគូទខ្យងញ័រ បណ្តាលឲ្យរោមល្អិតៗនៃកោសិកាធ្មួលក្នុងបំពង់នេះញ័រ។ ក្រោយមកកោសិកាធ្មួលប្តូរលំញ័រទៅជាអាំងភ្លុចប្រសាទ។

Answer 26

ចំ: រលកសូរកើតឡើងដោយសម្លេងនីមួយៗធ្វើឲ្យខ្យល់ដែលនៅជុំវិញប្រភពសម្លេងញ័រ លំញ័រនេះបង្កើតបានជារលកសូរ។

Answer 27

ចំ: ល្បឺកើតឡើងនៅពេលរលកសូរទាំងនោះធ្វើដំណើរទៅកាន់ត្រចៀក ក្នុងដែលនៅទីនោះអាំងភ្លុចប្រសាទកើតឡើង បន្ទាប់មកអាំងភ្លុចប្រសាទដឹកនាំទៅកាន់ខួរក្បាលតាមសរសៃប្រសាទសោតវិញ្ញាណ។

Answer 28

ចំ: តំហែរក្សាលំនឹងជានាទីរបស់ត្រចៀកក្នុងនិងខួរតូច។

Answer 29

ចំ: + ត្រចៀកក្នុងមានបំពង់ពាក់កណ្តាលរង្វង់ចំនួន3ពេញដោយធាតុរាវ ខាប់និងមានកោសិការោមញ័រ។ ពេលយើងគ្រវីក្បាលឬបង្វិលខ្លួន សារធាតុរាវនិងរោមញ័រធ្វើចលនារួចភ្ញោចចុងភីបប្រសាទឲ្យបង្កើត អាំងភ្លុចប្រសាទរួចធ្វើដំណើរតាមសរសៃប្រសាទសោតវិញ្ញាណទៅកាន់ខួរតូច។ + ខួរតូចបកស្រាយទិសដៅចលនាហើយបញ្ជូនទៅខួរធំដែលនៅទីនោះ អាំងភ្លុចប្រសាទចេញពីណឺរ៉ូនចលករភ្ញោចសាច់ដុំក្បាលនិងក ឲ្យរក្សាទីតាំងក្បាល។

Answer 30

ចំ: ជីវ្ហាវិញ្ញាណជាប្រព័ន្ធវិញ្ញាណដែលធ្វើឲ្យយើងដឹងរសជាតិ សារធាតុគីមីរលាយក្នុងទឹក។

Answer 31

ចំ: នៅលើផ្ទៃអណ្តាតមានកន្ទួលតូចៗដែលស្ថិតនៅបង្កប់ក្នុងកោសិកាអេពីតេល្យូមហៅថា អញ្ច្រាញ។

Answer 32

ចំ: + អញ្ច្រាញជាកន្ទួលតូចៗដែលគ្របដណ្តប់លើផ្ទៃអណ្តាតដែលមានបង្កប់ពន្លកជីវ្ហាវិញ្ញាណ។ + ពន្លកជីវ្ហាវិញ្ញាណជាធ្មួលវិញ្ញាណរសជាតិដែលរួសនឹងសារធាតុគីមី។ + ពន្លកជីវ្ហាវិញ្ញាណស្ថិតនៅលើផ្ទៃអណ្តាត ភាគច្រើនលើក្រអូមមាត់ ដើមកនិងកន្លើត។

Answer 33

ចំ: ពន្លកជីវ្ហាវិញ្ញាណមានរាងពងក្រពើ ដែលស្ថិតនៅតាមបណ្តោយផ្ទៃជញ្ជាំងនៃអញ្ច្រាញនីមួយៗ។ អញ្ច្រាញមួយមានពន្លកជីវ្ហាវិញ្ញាណច្រើន ពន្លកជីវ្ហាវិញ្ញាណមួយកើតពីកោសិការាងទ្រវែងគឺកោសិកាទ្រទ្រង់ និងកោសិកាធ្មួលពន្លកជីវ្ហាវិញ្ញាណ ដែលបញ្ចប់ដោយរន្ធល្អិតៗ ហើយបើកចំហទៅរកផ្ទៃនៃអណ្តាតតាមរន្ធរសជាតិមួយ។ នៅក្នុងកោសិកាធ្មួលពន្លកជីវ្ហាវិញ្ញាណណឺរ៉ូន វិញ្ញាណមួយឬច្រើនផ្តុំគ្នាបានជាសរសៃប្រសាទវិញ្ញាណនាំ។

Answer 34

ចំ: បានជាពន្លកជីវ្ហាវិញ្ញាណរួសទៅនឹងសារធាតុជាសូលុយស្យុងព្រោះសារធាតុជាសូលុយស្យុងងាយជ្រាបចូលនិងអាចភ្ញោចពន្លកជីវ្ហាវិញ្ញាណបាន។

Answer 35

ចំ: រសជាតិជាសារធាតុគីមីនៅក្នុងអាហារ បន្លែ ផ្លែឈើ ភេសជ្ជៈ។

Answer 36

ចំ: បានជាក្មេងមានភាពរួសទៅនឹងរសជាតិច្រើនជាងមនុស្សពេញវ័យ ព្រោះអណ្តាតក្មេងមានពន្លកជីវ្ហាវិញ្ញាណច្រើនជាងមនុស្សពេញវ័យ។

Answer 37

ចំ: នៅពេលដែលពន្លកជីវ្ហាវិញ្ញាណត្រូវបានភ្ញោចដោយសារធាតុគីមីនៅក្នុងអាហារ កោសិកាពន្លកជីវ្ហាវិញ្ញាណក៏បានបង្កើតអាំងភ្លុចប្រសាទ ហើយត្រូវបានបញ្ជូនទៅកាន់ខួរក្បាលត្រង់កំពកសៀតផ្កាតាមសរសៃប្រសាទវិញ្ញាណនាំ បន្ទាប់មកសំបកខួរបកប្រែអាំងភ្លុចប្រសាទនេះទៅជារសជាតិ។

Answer 38

ចំ: រសជាតិសំខាន់ៗមានផ្អែម ប្រៃ ជូរ ល្វីង + ផ្អែម: ស្ថិតនៅចុងអណ្តាត + ប្រៃ: ស្ថិតនៅចំហៀងសងខាងផ្នែកកណ្តាលខាងមុខ + ជូរ: ស្ថិតនៅចំហៀងសងខាងផ្នែកកណ្តាលខាងក្រោយ + ល្វីង: ស្ថិតនៅគល់អណ្តាត

Answer 39

ចំ: ឃានវិញ្ញាណជាប្រព័ន្ធវិញ្ញាណដែលធ្វើឲ្យដឹងក្លិនសារធាតុគីមីដែលដឹកនាំដោយខ្យល់។

Answer 40

ចំ: ក្លិនជាសារធាតុគីមីដែលមាននៅក្នុងអាហារ ភេសជ្ជៈ គ្រឿងក្រអូប។

Answer 41

ចំ: ស្រទាប់សើមនៃច្រមុះកើតពីកោសិកា3យ៉ាងគឺ - កោសិកាមូលដ្ឋាន - កោសិកាទ្រទ្រង់ - កោសិកាចូលឃានវិញ្ញាណ។ +កោសិកាមូលដ្ឋាន: ជាស្រទាប់បាតសំរាប់ទ្រទ្រង់ទម្រង់ពាក់ព័ន្ធនឹងឃានវិញ្ញាណ +កោសិកាទ្រទ្រង់: មាននាទីផ្តល់សារធាតុចិញ្ចឹមដល់កោសិកាធ្មួលឃានវិញ្ញាណនិងផ្តល់ពណ៌លឿងភ្លាវដល់ស្លេស្មច្រមុះ។ +កោសិកាធ្មួលឃានវិញ្ញាណ: មាននាទីជាធ្មួលវិញ្ញាណក្លិនដែលចាប់យកម៉ូលេគុលក្លិនបង្កើតជាអាំងភ្លុចប្រសាទបញ្ជូនទៅសរសៃប្រសាទឃានវិញ្ញាណ។

Answer 42

ចំ: នៅក្នុងតំបន់ឃានវិញ្ញាណ ធ្មួលវិញ្ញាណក្លិនជាណឺរ៉ូនដែលស្ថិតនៅចន្លោះកោសិកាទ្រទ្រង់។ អាក់សូនរបស់វាភ្ជាប់ជាមួយសរសៃប្រសាទវិញ្ញាណនាំ ដែលបង្កើតបានជាសរសៃប្រសាទឃានវិញ្ញាណ ឯដង់ឌ្រីតរបស់កោសិកានេះមានរោមញ័រដែលលយចេញទៅក្នុងស្រទាប់ស្លេស្មនៃប្រហោងច្រមុះ។

Answer 43

ចំ: ម៉ូលេគុលក្លិនដែលត្រូវស្រូបចូលតាមខ្យល់ដង្ហើមចូលរលាយនៅក្នុងស្រទាប់ស្លេស្មរបស់ច្រមុះ។ នៅពេលនោះរោមញ័រនៃកោសិកាឃានវិញ្ញាណត្រូវបានភ្ញោចដោយសារធាតុគីមីរលាយនេះហើយបង្កើតជាអាំងភ្លុចប្រសាទដែលត្រូវបានដឹកនាំទៅកាន់ខួរក្បាលតាមសរសៃប្រសាទឃានវិញ្ញាណ។ ព័ត៌មាននេះត្រូវបានបកប្រែដោយមជ្ឈមណ្ឌលឃានវិញ្ញាណឲ្យទៅជាក្លិន។

Answer 44

ចំ: រសជាតិនៃអាហារទាក់ទងនឹងវិញ្ញាណក្លិនផងនិងរសជាតិផង។ នៅពេលគ្រុនស្រទាប់ស្លេស្មក្នុងរន្ធច្រមុះក្លាយជាខាប់ដែលនាំឲ្យ ធ្មួលឃានវិញ្ញាណបំពេញនាទីមិនបានត្រឹមត្រូវ។ ដូចនេះហើយពេល បរិភោគអាហារ យើងពិបាកដឹងរសជាតិណាស់។

Answer 45

ចំ: រសជាតិនៃអាហារទាក់ទងនឹងវិញ្ញាណក្លិនផងនិងរសជាតិផង។ក្លិនឈ្ងុយរបស់អាហារ ភ្ញោចក្លិន ហើយអាហារនៅក្នុងមាត់ភ្ញោចធ្មួលរសជាតិ។ ដូចនេះវិញ្ញាណទាំងពីរមានទំនាក់ទំនងបំពេញគ្នាដើម្បីឲ្យអាហារកាន់តែមានរសជាតិឆ្ងាញ់។

Answer 46

ចំ: កាយវិញ្ញាណជាប្រព័ន្ធវិញ្ញាណដែលទទួលដឹងនូវការឈឺចាប់ រងា ក្តៅ ដោយសារធ្មួលវិញ្ញាណនៅក្នុងស្បែក។

Answer 47

ចំ: + អេពីឌែម - ជាស្រទាប់ក្រៅបង្អស់មានកម្រាស់0.7mm - ផ្ទៃខាងលើកើតពីកោសិកាអេពីតេស្យូមងាប់ដែលមានផ្ទុកកេរ៉ាទីន - ស្រទាប់នេះត្រូវបានជ្រុះចេញជាបន្តបន្ទាប់ហើយជំនួសវិញ ដោយកោសិកានៃស្រទាប់ក្នុងដែលធ្វើចំណែកយ៉ាងរហ័ស។ - ស្រទាប់ក្នុងមានកោសិកាមេឡាណូស៊ីតផលិតមេឡានីនដែលផ្តល់ពណ៌ដល់ស្បែករោម និងភ្នែក។ - វាគ្មានសរសៃឈាមទេ តែទទួលសារធាតុចិញ្ចឹមពីសរសៃឈាមរបស់ឌែមតាមរយៈបន្សាយ។ + អេពីឌែមមាននាទី - ការពារសារពាង្គកាយពីគ្រោះថ្នាក់ផ្នែកគីមី បង្កើតជារបាំងទប់ទល់នឹងមេរោគ - ការពារជំរាបទឹក។

Answer 48

ចំ: + ឌែម - ជាស្រទាប់កោសិការស់មានកម្រាស់4mmស្ថិតនៅក្រោមស្រទាប់អេពីឌែម។ - កើតពីជាលិកាសន្ធានមានសរសៃយឺតនិងកូឡាសែន។ - សម្បូរសរសៃឈាមចុងភីបប្រសាទ ធ្មួលវិញ្ញាណបំណះ សរសៃទឹក រងៃ សាច់ដុំរលីង ក្រពេញសេបូម ក្រពេញញើសនិងឫសរោម។ + ឌែមមាននាទី - ផ្គត់ផ្គង់សារធាតុចិញ្ចឹមដល់កោសិកា - តម្រូវសីតុណ្ហភាពក្នុងស្បែក

Answer 49

ចំ: នៅក្នុងស្បែកមានក្រពេញញើស ក្រពេញសេបូម ។

Answer 50

ចំ: + ក្រពេញញើសស្ថិតនៅគ្រប់កន្លែងទាំងអស់ក្នុងស្បែក។ +ក្រពេញញើសជាបំពង់ឆ្មារៗអង្គូញរាងមូល វាបើកចំហនៅលើផ្ទៃស្បែកតាមរន្ធញើស + ក្រពេញញើសមាននាទី បញ្ចេញញើសដើម្បីតម្រូវសីតុណ្ហភាពរបស់សារពាង្គកាយតាមរំហូតញើស។

Answer 51

ចំ: + ក្រពេញសេបូមស្ថិតនៅគ្រប់កន្លែងទាំងអស់លើកលែងតែបាតដៃនិង បាតជើង + ក្រពេញសេបូមជាបំពង់ខ្លីមួយស្ថិតនៅជិតឬសរោមដែលបើកចំហទៅលើផ្ទៃស្បែក។ + ក្រពេញសេបូមមាននាទីបញ្ចេញសេបូម។

Answer 52

ចំ: + សេបូមជាល្បាយនៃរូបធាតុខ្លាញ់និងកម្ទេចកម្ចីកោសិកានៅក្នុងឬសរោម។ + មាននាទីធ្វើឲ្យអេពីឌែមរោមមានសភាពសើម និងការពារជម្រាបទឹក ហើយជារបាំងទប់ទល់ទៅនឹងជម្ងឺឆ្លងពីបាក់តេរីនិងផ្សិត។

Answer 53

ចំ: + ញើសមានធាតុបង្កទឹក អំបិលខនិក អ៊ុយរេនិងសារធាតុផ្សេងៗទៀត + ញើសមាននាទីតម្រូវសីតុណ្ហភាពនៃសារពាង្គកាយតាមរំហូតញើស។

Answer 54

ចំ: +ក្រពេញអាប៉ូគ្រីនជាក្រពេញញើសដែលបញ្ចេញក្លិនអាក្រក់ +ក្រពេញអាប៉ូគ្រីនស្ថិតនៅត្រង់ក្លៀក គ្រលៀននិងចុងដោះ។

Answer 55

ចំ: ស្បែកមាននាទី - ការពារសារពាង្គកាយពីឥទ្ធិពលរូបនិងគីមីមជ្ឈដ្ឋានខាងក្រៅ - បង្ការការជ្រៀតចូលនៃមេរោកចូលក្នុងសារពាង្គកាយ - បង្ការការបាត់បង់ទឹកពីសារពាង្គកាយចំពោះសត្វលើគោក - ការពារកោសិកាពីកាំរស្មីស្វាយអ៊ុលត្រា - ជាកន្លែងសម្រាប់ធ្វើបណ្តូរឧស្ម័ន។ - បញ្ចេញសំណល់មេតាបូលីសតាមក្រពេញញើស - ថែរក្សាផ្ទៃសារពាង្គកាយឲ្យសើមជានិច្ច - បញ្ចេញជាតិខ្លាញ់ - ស្រូបយកសារធាតុឳសថមួយចំនួន - ទទួលរំញោចផ្សេងៗពីបម្រែបម្រួលសីតុណ្ហភាព ការប៉ះទង្គិច។

Answer 56

ចំ: + រោមមានពីរផ្នែកគឺសរសៃរោម និងឫសរោម - សរសៃរោម: កើតពីកោសិកាស្រទាប់អេពីឌែម រឹងនិងងាប់ - ឬសរោម: នៅក្នុងគល់រោមនៃស្រទាប់ឌែមមានជីវិត។ + រោមធ្វើចលនាបានដោយសារសាច់ដុំរលីងភ្ជាប់ទៅនឹងគល់រោម។ ពេលសាច់ដុំកន្ត្រាក់រោមងើបឈរត្រង់នៅលើផ្ទៃស្បែក។

Answer 57

ចំ: រោមមានពណ៌ដោយសារជាតិពណ៌មេឡានីនផលិតពីកោសិកាមេឡាណូស៊ីតនៃស្រទាប់អេពីឌែមនៅផ្នែកបាតនៃគល់រោម។ • កាលណាមានមេឡានីនច្រើនរោមមានពណ៌ខ្មៅ • កាលណាមានមេឡានីនតិចរោមមានពណ៌ទង់ដែង

Answer 58

ចំ: + ភឿកជាការបាត់បង់ជាតិពណ៍លើភ្នែក ស្បែក រោមដោយសារអវត្តមានមេឡានីន។ + បានជាភឿកមានស្បែក រោម គ្មានពណ័ ព្រោះការផលិតមេឡានីន ត្រូវបានត្រួតពិនិត្យដោយអង់ស៊ីមផេណុលអុកស៊ីដាស។

Answer 59

ចំ: ធ្មួលវិញ្ញាណរបស់ស្បែកមាន - ធ្មួលវិញ្ញាណឈឺចាប់ - ធ្មួលវិញ្ញាណបំណះទង្គិច - ធ្មួលវិញ្ញាណសម្ពាធ - ធ្មួលវិញ្ញាណកម្ដៅ - ធ្មួលវិញ្ញាណត្រជាក់។

ជំពូកទី៣ មេរៀនទី២ សរីរាង្គវិញ្ញាណ Flashcards

(83 cards)