ជំពូកទី៣ មេរៀនទី១ តម្រូវប្រសាទ Flashcards

Question

26-តើប្រព័ន្ធប្រសាទមានប៉ុន្មានផ្នែក? អ្វីខ្លះ?

Answer 1

ចំ: ប្រព័ន្ធប្រសាទមាន2ផ្នែកគឺ : មជ្ឈមណ្ឌលប្រសាទនិងបរិមណ្ឌលប្រសាទ។

Answer 2

ចំ: មជ្ឈមណ្ឌលប្រសាទមានខួរក្បាលនិងខួរឆ្អឹងខ្នង។

Answer 3

ចំ: នៅក្នុងប្រព័ន្ធប្រសាទ មជ្ឈមណ្ឌលប្រសាទជាកន្លែងដែលទទួលព័ត៌មានពី គ្រប់ផ្នែកនៃសារពាង្គកាយនិងពីមជ្ឈដ្ឋានខាងក្រៅតាបណីរ៉ូនវិញ្ញាណនាំ បន្ទាប់មកបកស្រាយហើយបញ្ជាសកម្មភាពទៅគ្រប់ផ្នែកនៃសារពាង្គកាយតាមណឺរ៉ូនចលករ។

Answer 4

ចំ: បរិមណ្ឌលប្រសាទមាន: - សរសៃប្រសាទលលាដ៏12គូបែកចេញពីខួរក្បាល - សរសៃប្រសាទឆ្អឹងខ្នង31គូបែកចេញពីខួរឆ្អឹងខ្នង។ឬបរិមណ្ឌលប្រសាទមាន សរសៃប្រសាទទាំងអស់លើកលែងតែមជ្ឈមណ្ឌលប្រសាទ។

Answer 5

ចំ: ប្រៀបធៀបមជ្ឈមណ្ឌលប្រសាទនិងបរិមណ្ឌលប្រសាទ: +លក្ខណៈដូច - ជាប្រព័ន្ធប្រសាទ +លក្ខណៈខុសគ្នា •មជ្ឈមណ្ឌលប្រសាទ - បង្កពីខួរក្បាលនិងខួរឆ្អឹងខ្នង - មាននាទីទទួលព័ត៌មានបកស្រាយ និងបញ្ជាចេញទៅបរិមណ្ឌលប្រសាទ •បរិមណ្ឌលប្រសាទ - បង្កពីសរសៃប្រសាទលលាដ៏12គូ បែកចេញពីខួរក្បាលនិង សរសៃប្រសាទឆ្អឹងខ្នង31គូ បែកចេញពីខួរឆ្អឹងខ្នង។ - មាននាទីដឹកនាំព័ត៌មានចូលនិងចេញ ពីមជ្ឈមណ្ឌលប្រសាទ

Answer 6

ចំ: បានជាខួរក្បាលជាសរីរាង្គសំខាន់ជាងគេព្រោះខួរក្បាលប្រមូលផ្តុំនូវណឺរ៉ូនរាប់ពាន់លាននិងជាកន្លែង ទទួលព័ត៌មានមក បកស្រាយនិងបញ្ជាចេញទៅគ្រប់ផ្នែកផ្សេងៗនៃសារពាង្គកាយ។

Answer 7

ចំ: ខួរក្បាលកំណត់ប្រភពរំញោចបានដោយខួរក្បាលបកស្រាយនូវផ្លូវដែលដែលរំញោចធ្វើដំណើរ បន្ទាប់មកខួរក្បាលកំណត់បាននូវទីតាំងនៃប្រភពរំញោចនេះ។

Answer 8

ចំ: +ខួរក្បាលមនុស្សមានណឺរ៉ូនប្រហែល 100ពាន់លាន + ខួរក្បាលមនុស្សប្រុសមានទម្ងន់ប្រហែល 1200-1350g + ខួរក្បាលមនុស្សស្រីមានទម្ងន់ប្រហែល 1000-1250g +មានក្រឡាផ្ទៃ 2000-2100 cm^2

Answer 9

ចំ: ខួរក្បាលទទួលបានសារធាតុចិញ្ចឹមពីទឹកខួរ។ ទឹកខួរទាញយកសារធាតុចិញ្ចឹម និងO₂ពីឈាមហើយផ្តល់ឲ្យជាលិកានៃប្រព័ន្ធប្រសាទ។

Answer 10

ចំ: ខួរក្បាលការពារដោយសារៈ - ឆ្អឹងលលាដ៏ក្បាល - ស្រោមខួរនៅជាប់ពីក្រោមឆ្អឹងលលាដ៏ក្បាល ដែលកើតពីជាលិកាសន្ធានបីស្រទាប់។ - ទឹកខួរមាននៅក្នុងស្រទាប់កណ្តាលដែលនៅចន្លោះស្រទាប់ក្នុងបង្អស់និងក្រៅបង្អស់

Answer 11

ចំ: ទឹកខួរមាននាទី + ចាប់យកអុកស៊ីសែន គ្លុយកូស អរម៉ូន គោលិកាសពីសរសៃប្តូរឈាមទៅ ចិញ្ចឹមកោសិកាប្រសាទ។ + ការពារខួរក្បាលពីការប៉ះទង្គិចផ្សេងៗ។

Answer 12

ចំ: ខួរក្បាលមានផ្នែកសំខាន់បីគីខួរធំ ខួរតូច ខួរកញ្ចឹងក។ +ខួរធំ: បង្កឡើងដោយស្រទាប់ក្រៅ(សម្បកខួរ)កើតពីសារធាតុប្រផេះនិង ស្រទាប់ក្នុងជាសារធាតុស។ សារធាតុប្រផេះកើតពីតួកោសិការបស់ ណឺរ៉ូនចលករនិងអន្តរណីរ៉ូនជាច្រើន ឯសារធាតុសកើតពីភីបប្រសាទ(អាក់សូននិងស្រទាប់មីញ៉េលីន) +ខួរតូច: បង្កឡើងដោយស្រទាប់ក្រៅជាសារធាតុប្រផេះនិងស្រទាប់ក្នុងជាសារធាតុស។ +ខួរកញ្ចឹងក: បង្កពីស្រទាប់ក្រៅជាសារធាតុស និងស្រទាប់ក្នុងជាសារធាតុប្រផេះ។

Answer 13

ចំ: ផ្នត់ជាច្រើននៃសំបកខួរធំបង្កើនផ្ទៃតំបន់សារធាតុប្រផេះយ៉ាងធំធេងដែលមាន ទំនាក់ទំនងនឹងការបង្កើនបំនិនគិត ពាក់ព័ន្ធនឹងបញ្ញា។

Answer 14

ចំ: សំបកខួរធំមាននាទីជាច្រើនមាន សតិ បញ្ញា ប្រឌិតញាណ ការពិចារណា និងមាននាទីទទួលព័ត៌មានពីសរីរាង្គវិញ្ញាណទាំង5ហើយ បកស្រាយនិង កំណត់តំណបទៅនឹងព័ត៌មានរបស់សរីរាង្គវិញ្ញាណវិញ។

Answer 15

ចំ: +ខួរធំចែកជា2ចំហៀងគឺ អឌ្ឍគោលខួរស្ដាំនិងអឌ្ឍគោលឆ្វេងដោយចង្អូរមួយ យ៉ាងជ្រៅចាប់ពីផ្នែកខាងមុខទៅខាងក្រោយ។ +អឌ្ឍគោលខួរស្ដាំនិងអឌ្ឍគោលឆ្វេងភ្ជាប់ជាមួយគ្នាដោយបាច់ប្រសាទ។

Answer 16

ចំ: ទំនាក់ទំនងរវាងអឌ្ឍគោលខួរនិងចលនានៃសារពាង្គកាយមានលក្ខណៈផ្ទុយគ្នា។ ព័ត៌មានដែលចេញពីអឌ្ឍគោលខួរឆ្វេងត្រួតពិនិត្យចលនាសារពាង្គកាយ ចំហៀងខាងស្តាំ។ ព័ត៌មានដែលចេញពីអឌ្ឍគោលខួរស្តាំ ត្រួតពិនិត្យចលនាសារពាង្គកាយ ចំហៀង ខាងឆ្វេង។

Answer 17

ចំ: អឌ្ឍគោលនីមួយៗនៃខួរធំចែកជា4កំពកគឺ កំពកថ្ងាស កំពកសៀតផ្កា កំពកចំហៀង កំពកពយ។ - កំពកថ្ងាសកំណត់នូវសកម្មភាពនិយាយ គិតនិងចលនានៃសារពាង្គកាយ (ចលនាឆន្ទៈ) - កំពកសៀតផ្កា: កំណត់ផ្នែករសជាតិ ក្លិននិងល្បឺដែលមានទំនាក់ទំនងជាមួយ ជីវ្ហាវិញ្ញាណ ឃានវិញ្ញាណ និងសោតវិញ្ញាណ។ - កំពកចំហៀង: មានទំនាក់ទំនងជាមួយកាយវិញ្ញាណ(ការប៉ះទង្គិច) - កំពកពយ: កំណត់នូវគំហើញដែលមានទំនាក់ទំនងជាមួយចក្ខុវិញ្ញាណ។

Answer 18

ចំ: +តាឡាមុសស្ថិតនៅផ្នែកបាតនៃខួរធំខាងលើអុីប៉ូតាឡាមុស។ +វាកើតពីសារធាតុប្រផេះនិងមានទម្រង់ដូចស៊ុតមួយគូ។

Answer 19

ចំ: តាឡាមុសមាននាទី: - ជាស្ថានីយបញ្ជូនបន្តគឺចាប់យកអាំងភ្លុចប្រសាទពីណឺរ៉ូនវិញ្ញាណនាំដែលចូល ទៅក្នុងខួរក្បាល។ តាមរយៈស៊ីណាប់ជាមួយណឺរ៉ូនផ្សេងទៀតតាឡាមុស ដឹកនាំអាំងភ្លុចប្រសាទទៅផ្នែកត្រឹមត្រូវនៃសំបកខួរដែលនៅទីនោះវានឹងត្រូវ បានបកស្រាយ។ - ជ្រើសរើសព័ត៌មានមួយចំនួនដែលអាចទប់ស្កាត់មិនឲ្យរំភើបខ្លាំងពេក។ - បង្ការបន្ទុកច្រើនហួសខាងវិញ្ញាណ។

Answer 20

ចំ: អុីប៉ូតាឡាមុសមានទីតាំងស្ថិតនៅផ្នែកបាតនៃខួរធំ ខាងក្រោមតាឡាមុស។

Answer 21

ចំ: អុីប៉ូតាឡាមុសមាននាទី - ត្រួតពិនិត្យវេទនារម្មណ៍ទាក់ទងនឹងការថែរក្សាលំនឹង(ការស្រេក ការឃ្លាន) - ត្រួតពិនិត្យក្នុងតំហែរក្សាសីតុណ្ហភាព តុល្យភាពទឹកនិងសម្ពាធឈាម។ - សម្រាប់បង្កើតឬភ្ញោចការបញ្ចេញអរម៉ូនរបស់អីប៉ូភីសមុខ - បញ្ចេញនិងស្តុកអរម៉ូនអង់ទីឌីអ៊ុយរេទិច(ADH)និងអុកស៊ីតូស៊ីន។

Answer 22

ចំ: + ខួរតូចស្ថិតនៅផ្នែកខាងក្រោយក្រោមខួរធំ។ + ខួរតូចចែកជាអឌ្ឍគោលចំនួន2។ ស្រទាប់ក្រៅរបស់ខួរតូចមានផ្នត់ខ្ពស់ៗ ដែលកើតឡើងពីសារធាតុប្រផេះឯផ្នែកខាងក្នុងជាសារធាតុសដូចនៅក្នុងខួរធំ។

Answer 23

ចំ: ខួរតូចមាននាទី - ត្រួតពិនិត្យចលនាឆន្ទៈទាំងអស់និងចលនារឆន្ទៈមួយចំនួន។ - រក្សាតុល្យភាពលំនឹងរបស់សារពាង្គកាយ។

Answer 24

ចំ: ខួរតូចត្រួតពិនិត្យចលនាអឆន្ទៈដោយប្រើប្រាស់ព័ត៌មានចេញពីធ្មួលនៅក្នុងត្រចៀកក្នុង ខួរតូចថែរក្សាតុល្យភាពព្រមទាំងតម្រូវចលនាឲ្យបានត្រឹមត្រូវ។

Answer 25

ចំ: នៅពេលសាច់ដុំបញ្ជូនអាំងភ្លុចប្រសាទតាមផ្លូវប្រសាទវិញ្ញាណនាំទៅខួរតូច អាំងភ្លុចប្រសាទនេះផ្តល់ព័ត៌មានពីទីតាំងនិងអត្រានៃការកន្ត្រាក់របស់សាច់ដុំ។ បន្ទាប់មកខួរតូចបញ្ជូនអាំងភ្លុចប្រសាទទៅសំបកខួរដើម្បីឲ្យខួរក្បាលកែលម្អ និងសម្របសម្រួលចលនានៃសាច់ដុំ។ ដូចនេះសម្បកខួរក្បាលនិងខួរតូចធ្វើការរួមគ្នាដើម្បីបង្កើតចលនាឆន្ទៈមួយ មានសណ្តាប់ធ្នាប់និងរលូន។

Answer 26

ចំ: ប្រសិនបើខួរតូចមានការបាត់បង់ឬខូចខាត គេសង្កេតឃើញសារពាង្គកាយ បាត់បង់តុល្យភាពឬមានចលនាកន្ត្រាក់ញ័រ។

Answer 27

ចំ: នៅពេលមនុស្សផឹកស្រាស្រវឹងខ្លាំងយើងសង្កេតឃើញគេមានដំនើរទ្រេតទ្រោត ដៃចាប់កាន់វត្ថុមានលក្ខណៈញ័រ ព្រោះនៅពេលស្រវឹង ខួរតូចបាត់បង់នាទីត្រួតពិនិត្យចលនាឆន្ទៈការរក្សាលំនឹង។ ដូចនេះវាមិនបានកែលម្អនិងសម្របសម្រួលចលនារបស់សាច់ដុំក្នុងការធ្វើចលនា។

Answer 28

ចំ: + ខួរកញ្ចឹងកុស្ថិតនៅខាងក្រោមខួរក្បាលហើយភ្ជាប់នឹងខួរឆ្អឹងខ្នង។ + ខួរកញ្ចឹងកមានស្រទាប់ក្រៅជាសារធាតុសនិងស្រទាប់ក្នុងជាសារធាតុប្រផេះ។ វាកើតពីភីបប្រសាទដែលភ្ជាប់ខួរឆ្អឹងខ្នងទៅផ្នែកផ្សេងៗទៀតទៅខួរក្បាល។

Answer 29

ចំ: ខួរកញ្ចឹងក មាននាទីត្រួតពិនិត្យសកម្មភាពអឆន្ទៈរបស់សារពាង្គកាយដូចជា តម្រូវដង្ហើម និងត្រួតពិនិត្យចង្វាក់បេះដូង។

Answer 30

ចំ: ខួរឆ្អឹងខ្នងស្ថិតនៅក្នុងប្រហោងឆ្អឹងកងខ្នង បន្តចេញពីខួរក្បាលនិងចេញពីផ្នែកចំហនៃបាតលលាដ៏ក្បាល សន្ធឹងចុះក្រោមប្រវែងប្រហែល 42-45cm។

Answer 31

ចំ: ខួរឆ្អឹងខ្នងការពារដោយឆ្អឹងខ្នង ស្រោមខួរ និងទឹកខួរ។

Answer 32

ចំ: ខួរឆ្អឹងខ្នងមាននាទី - ភ្ជាប់សរសៃប្រសាទនៃបរិមណ្ឌលប្រសាទទៅខួរក្បាល - រ៉ាប់រងនូវការឆ្លងកាត់នៃអាំងភ្លុចប្រសាទចេញពីណឺរ៉ូនវិញ្ញាណនាំទៅខួរក្បាល និងអាំងភ្លុចប្រសាទចេញពីខួរក្បាលទៅណឺរ៉ូនចលករ។ - ត្រួតពិនិត្យរេផ្លិចខ្លះៗដែលជាតំណបអឆន្ទៈនិងស្វ័យប្រវត្តិ។

Answer 33

ចំ: ខ្នាត់ទទឹងនៃខួរឆ្អឹងខ្នងបង្ហាញឲ្យឃើញ - ផ្នែកខាងក្នុងមានរាងជាអក្សរ H ជាសារធាតុប្រផេះមានផ្ទុកណឺរ៉ូនភ្ជាប់និងតួកោសិកានៃណីរ៉ូនចលករ។ - ផ្នែកខាងក្រៅជាសារធាតុសដែលមានភីបរបស់អាក់សូនដែលដឹកនាំអាំងភ្លុច ប្រសាទរវាងផ្នែកផ្សេងៗនៃសារពាង្គកាយជាមួយខួរឆ្អឹងខ្នងនិងខួរក្បាល។ - នៅចំកណ្តាលឆ្អឹងខ្នងជាប្រហោងឆ្អឹងខ្នងដែលពេញទៅដោយធាតុរាវខួរឆ្អឹងខ្នង។

Answer 34

ចំ: ទំនាក់ទំនងរវាងខួរឆ្អឹងខ្នងនិងខួរក្បាលៈ - ព័ត៌មានផ្នែកវិញ្ញាណនាំនិងចលករឆ្លងកាត់ពីខួរក្បាលទៅផ្នែកផ្សេងៗនៃ សារពាង្គកាយតាមរយៈខួរឆ្អឹងខ្នង។ - សរសៃប្រសាទវិញ្ញាណនាំនិងចលករដែលស្ថិតនៅខាងក្រោមខួរកញ្ចឹងកត្រូវ តែដឹកនាំអាំងភ្លុចទៅខួរក្បាលនិងចេញពីខួរក្បាលឆ្លងកាត់ខួរឆ្អឹងខ្នងទៅកាន់ សរីរាង្គផ្សេងៗ។

Answer 35

ចំ: ខួរឆ្អឹងខ្នងមានសារៈសំខាន់ណាស់ព្រោះ -វាភ្ជាប់សរសៃប្រសាទនៃបរិមណ្ឌលប្រសាទទៅខួរក្បាល ។ + អាំងភ្លុចប្រសាទចេញពីណឺរ៉ូនវិញ្ញាណនាំធ្វើដំណើរឡើងតាមខួរឆ្អឹងខ្នង ដោយឆ្លងកាត់តាមអន្តរណីរ៉ូនឆ្ពោះទៅខួរក្បាល។ + អាំងភ្លុចប្រសាទចេញពីខួរក្បាលបញ្ជូនចុះទៅខួរឆ្អឹងខ្នងតាមអន្តរណឺរ៉ូនឆ្ពោះទៅកាន់ណឺរ៉ូនចលករ។ អាំងភ្លុចប្រសាទទាំងនេះធ្វើដំណើរ តាមសរសៃប្រសាទចលករទៅកាន់សរីរាង្គប្រតិកម្ម (សាច់ដុំ ឬក្រពេញ)។ -ខួរឆ្អឹងខ្នងត្រួតពិនិត្យរេផ្លិចខ្លះៗដែលជាតំណបស្វ័យប្រវត្តិ។

Answer 36

ចំ: សរសៃប្រសាទលលាដ៏ក្បាលបែកចេញពីខួរក្បាលៈ - មួយផ្នែកធំ វាភ្ជាប់ទៅនឹងតំបន់នៅក្នុងក្បាលនិងផ្ទៃមុខដូចជាសាច់ដុំ ដែលធ្វើឲ្យភ្នែកនិងអណ្តាតមានចលនា។ - មួយផ្នែកទៀតភ្ជាប់ទៅនឹងសរីរាង្គក្នុងនៃសារពាង្គកាយ។

Answer 37

ចំ: សរសៃប្រសាទឆ្អឹងខ្នងមួយគូៗបែកខ្នែងមុននឹងចូលទៅក្នុងខួរឆ្អឹងខ្នង។ - ខ្នែងវិញ្ញាណនាំចូលតាមផ្នែកខ្នងនៃសារធាតុប្រផេះរបស់ខួរឆ្អឹងខ្នង។ - ខ្នែងចលករផ្តើមចេញពីផ្នែកពោះនៃសារធាតុប្រផេះ របស់ខួរឆ្អឹងខ្នង។

Answer 38

ចំ: ប្រៀបធៀបខួរក្បាលនិងខួរឆ្អឹងខ្នង +លក្ខណៈដូច - មានស្រោមខួរដែលមានភ្នាស3ស្រទាប់ - ស្រទាប់កណ្តាលមានធាតុរាវទឹកខួរ - មាននាទីទទួលនិងឆ្លើយតបនឹងព័ត៌មាន - ខួរកញ្ចឹងកនិង ខួរឆ្អឹងខ្នងមានស្រទាប់ក្រៅជាសារធាតុស និង ស្រទាប់ក្នុងជាសារធាតុប្រផេះ។ +លក្ខណៈខុសគ្នា •ខួរក្បាល -ស្ថិតនៅក្នុងឆ្អឹងលលាដ៏ក្បាល -មានសរសៃប្រសាទលលាដ៏ក្បាល 12គូដែលបែកចេញពីខួរក្បាល -ស្រទាប់ក្រៅនៃខួរធំនិងខួរតូចកើត ពីសារធាតុប្រផេះហើយស្រទាប់ក្នុងកើត ពីសារធាតុស - សកម្មភាពដែលបញ្ជាចេញពីខួរក្បាលភាគច្រើនជាចលនាឆន្ទៈ -ជាមជ្ឈមណ្ឌលមានសតិ បញ្ញា ប្រឌិតញ្ញាណ ការពិចារណា។ - ទទួលព័ត៌មានប្រសាទពីខួរឆ្អឹងខ្នង និងពីសរីរាង្គវិញ្ញាណផ្នែកក្បាល។ •ខួរឆ្អឹងខ្នង -ស្ថិតនៅក្នុងប្រហោងឆ្អឹងកងខ្នង -មានសរសៃប្រសាទឆ្អឹងខ្នង31គូ ដែលបែកចេញពីខួរឆ្អឹងខ្នង -ស្រទាប់ក្រៅកើតពីសារធាតុស ឯស្រទាប់ក្នុងកើតពីសារធាតុ ប្រផេះ -គ្រប់សកម្មភាពដែលចេញពី ខួរឆ្អឹងខ្នងជាចលនាអឆន្ទៈ -ជាមជ្ឈមណ្ឌលគ្មានសតិ បញ្ញា ប្រឌិតញ្ញាណ ការពិចារណា។ -ទទួលព័ត៌មានប្រសាទពីសរីរាង្គ វិញ្ញាណ(ក្រៅពីសរីរាង្គនៅផ្នែក ក្បាល)ហើយបញ្ជូនទៅខួរក្បាល។

Answer 39

ចំ: រេផ្លិចជាសកម្មភាពអឆន្ទៈឆ្លើយតបដោយស្វ័យប្រវត្តិដែលកើតឡើងដោយគ្មានការចូលរួមពីខួរក្បាល។

Answer 40

ចំ: រេផ្លិចអាចការពារសារពាង្គកាយពីគ្រោះថ្នាក់ផ្សេងៗដោយឆ្លើយតបយ៉ាងរហ័សទៅនឹងរំញោចដូចជា រេផ្លិចរន្ធប្រស្រីភ្នែក ត្របកភ្នែក រេផ្លិចឆ្លើយ តបនឹងការប៉ះទង្គិចវត្ថុក្តៅឬស្រួច។

Answer 41

ចំ: ទម្រង់ដែលទាក់ទងនឹងលំនាំរេផ្លិចមាន ធ្មួលវិញ្ញាណណឺរ៉ូនវិញ្ញាណនាំ ខួរឆ្អឹងខ្នង, ណឺរ៉ូនភ្ជាប់, ណឺរ៉ូនចលករ, សរីរាង្គប្រតិកម្ម។

Answer 42

ចំ: ក. +ណឺរ៉ូនចលករនៃបរិមណ្ឌលប្រសាទចែកជា2ក្រុមគឺ: - ប្រព័ន្ធប្រសាទសូម៉ាទិច - ប្រព័ន្ធប្រសាទស្វ័យប្រវត្តិ ខ. + ប្រព័ន្ធប្រសាទសូម៉ាទិច: ភ្ជាប់មជ្ឈមណ្ឌលប្រសាទទៅនឹងសាច់ដុំឆ្នូត ឬសាច់ដុំឆន្ទៈ។ ប្រព័ន្ធប្រសាទនេះត្រួតពិនិត្យនិងសម្របសម្រួលសកម្មភាពឆន្ទៈ នៃសារពាង្គកាយ ដូចជាការរត់ ការសរសេរ.....។ + ប្រព័ន្ធប្រសាទស្វ័យប្រវត្តិភ្ជាប់មជ្ឈមណ្ឌលប្រសាទទៅនឹង សរីរាង្គក្នុង សាច់ដុំ រលីង (សាច់ដុំបេះដូងនិងក្រពេញ)។ ប្រព័ន្ធប្រសាទនេះត្រួតពិនិត្យសកម្មភាព អឆន្ទៈនៃសរីរាង្គក្នុង (តម្រូវដង្ហើម របត់ឈាម.......)។

Answer 43

ចំ: + ប្រព័ន្ធប្រសាទស្វ័យប្រវត្តិចែកជា2ផ្នែកគឺៈ - ប្រព័ន្ធប្រសាទសាំប៉ាទិច - ប្រព័ន្ធប្រសាទប៉ារ៉ាសាំប៉ាទិច + ប្រព័ន្ធប្រសាទសាំប៉ាទិច: ធ្វើសកម្មភាពកាលណាមានភាពតានតឹង។ ឧ-នៅពេលមានអាសន្នដូចជាឆ្កែដេញខាំ អាំងភ្លុចប្រសាទបញ្ជាឲ្យ បេះដូងដើរលឿននិងមានសម្ពាធឈាមខ្ពស់។កាលណាកម្រិត ជាតិស្ករក្នុងឈាមខ្ពស់អាចផ្តល់ថាមពលច្រើន។ ដូចនេះគេអាចរត់គេចចេញពីឆ្កែបានយ៉ាងរហ័ស។ +ប្រព័ន្ធប្រសាទប៉ារ៉ាសាំប៉ាទិច: មានសកម្មភាពបញ្ច្រាសគ្នានឹងផលនៃប្រព័ន្ធប្រសាទសាំប៉ាទិចគីបន្ទាប់ពីមានភាពតានតឹង-ភាពអាសន្ន ប្រព័ន្ធនេះធ្វើឲ្យសារពាង្គកាយត្រឡប់ទៅជាស្ថានភាពធម្មតាវិញ។

Answer 44

ចំ: + អាល់កុលនៅក្នុងស្រាបានពន្យឺតសកម្មភាពមជ្ឈមណ្ឌលប្រសាទ (ការវិនិច្ឆ័យ,ការពិចារណា, សតិ និងការប្រមូលផ្តុំអារម្មណ៍)ត្រូវថយចុះ។ + ប្រើអាល់កុលច្រើនហួសបំផ្លាញកោសិកាខួរក្បាលនិងថ្លើម។

Answer 45

ចំ: + កាហ្វេអុីនមាននៅក្នុងកាផែ តែ កូកានិងភេសជ្ជៈជាច្រើនទៀត វាបង្កើនល្បឿនសកម្មភាពនៃមជ្ឈមណ្ឌលប្រសាទ។ + ការផឹកកាហ្វេអុីនច្រើនហួសអាចបង្កើនអត្រាចង្វាក់បេះដូង បណ្តាល ឲ្យរសាប់រសល់ដំណើរញ័រៗ ដេកមិនលក់ វាក៏ក្លោចតម្រងនោមឲ្យផលិតទឹកនោមច្រើន។

Answer 46

ចំ: នីកូទីនមាននៅក្នុងថ្នាំជក់ វាបង្កើនការបញ្ចេញអរម៉ូនអេពីណេព្រីន ហើយបង្កើនអត្រាចង្វាក់បេះដូង សម្ពាធឈាម អត្រាដង្ហើមនិងការ បញ្ចេញជាតិអាស៊ីតក្នុងក្រពះ។

ជំពូកទី៣ មេរៀនទី១ តម្រូវប្រសាទ Flashcards

(70 cards)