3.1 Die begrip van etiese en professionele gedrag

Question 1

Die betekenis van etiese gedrag

Answer 1

• g dat besighede die verantwoordelikheid het om morele kodes te gebruik wat hulle lei om die keuse tussen reg en verkeerd te maak.
• Etiek vorm deel van die gedragskode van ‘n besigheid. Die besigheid moet waardes stel wat in hul bedrywighede gebruik sal word.
• Hierdie morele kompas van die besigheid sal as leiding gebruik word wanneer besluite geneem word.

Question 2

Voorbeelde van etiese gedrag

Answer 2

• Besighede kom beloftes aan hul werknemers, vennote en kliënte na
• Die besigheid funksioneer binne die wet en ander beperkings
• Besighede verseker dat die omgewing nie tydens hul produksieproses besoedel word nie.
• Besighede maak nie van kinderarbeid gebruik nie.
• Die besigheid praat die waarheid tydens ‘n openbare betrekkinge-krisis om die kwessie wat hulle in die gesig staar te oorkom.

Question 3

Voorbeelde van onetiese gedrag

Answer 3

• Die storting van besoedelde afvalmateriaal in die watertoevoer eerder as om omgewingsvriendelike oplossings te gebruik om die besoedeling op te ruim.
• Die vrystelling van gifstowwe in die lug bo die toegelate vlakke wat deur die
• Omgewingsbeskermingsagentskap (OBA) bepaal is.
• Doelbewuste vervalsing van inligting op belastingopgawes.
• Klassifikasie van ‘n werknemer as ‘n kontrakteur om belasting op salarisse te verminder en ander verpligte aftrekkings te vermy.
• Deelname aan prysvasstelling om kleiner mededingers uit besigheid te dwing.
• Die gebruik van vals advertensie-taktieke om kliënte aan te lok of hulle te oortuig om ‘n produk te koop.

Question 4

Die betekenis van professionele gedrag

Answer 4

• Dit sluit kwessies in soos voorkoms, kommunikasie, verantwoordelikheid, kennis, vaardighede, ens.
• ’n Professionele persoon sal ook werkstyd goed benut, alle mense met respek behandel en die besigheid en kliënt se inligting vertroulik hou.

Question 5

Voorbeelde van professionle gedrag

Answer 5

• Om jouself en ander te respekteer, byvoorbeeld om betyds te wees vir werk en afsprake.
• Om beleefde taal met kollegas en kliënte te gebruik.
• Goeie gebruik van werktyd en stel hoë standaarde in alle areas van jou werk.
• Hou kliënte se besonderhede vertroulik/Gebruik nie kliënte se inligting vir persoonlike gewin nie.
• Behandel alle kollegas en kliënte dieselfde.
• Neem verantwoordelikheid vir jou dade, byvoorbeeld om jou foute te erken.
• Beoefen redelike werksetiek en self-motivering.

Question 6

Voorbeelde van onprofessionele gedrag

Answer 6

• Die gebruik van onbeskofte/onbeleefde taal met kollegas en kliënte.
• Misbruik van werktyd, byvoorbeeld, om laat te kom, die maak of ontvang van persoonlike telefoonoproepe en die stuur van onnodige e-posse.
• Om kliënte se inligting te bespreek/Gebruik kliënte se inligting vir persoonlike gewin.
• Om sommige mense spesiale gunste te gee.
• Om die aantal ure gewerk te oordryf.
• Om onvoorbereid te wees vir opdragte of take.
• Om vals indrukke te skep en die verskaffi ng van misleidende inligting.
• Die Ongemagtigde gebruik van besigheidshulpbronne.

Question 7

Die verskille tussen etiese en professionele gedrag

Answer 7

etiese gedrag
* Verwys na die beginsels van reg en verkeerd/aanvaarbare beginsels in die samelewing.
* Voldoen aan ‘n stel waardes wat moreel aanvaarbaar is.
* Vorm deel van ‘n gedragskode om werknemers te lei om eties op te tree.
* Fokus op die ontwikkeling van ‘n morele kompas vir besluitneming.
* Behels die navolging van die beginsels van reg en verkeerd in besigheidsaktiwiteite/praktyke/
transaksies/onderhandelinge.

Professionele gedrag
* Verwys na die beginsels van reg en verkeerd/aanvaarbare beginsels binne ‘n besigheid.
* Stel van standaarde van verwagte gedrag.
* Toepassing van ‘n gedragskode van ‘n beroep/professie of besigheid.
* Fokus op die handhawing van die
reputasie van ‘n besigheid/professie/ beroep.
* Sluit riglyne oor werknemers se voorkoms/kommunikasie/houding/ verantwoordelikheid.